بسم الله الرحمن الرحيم
نوف جلست تذاكر وهي كثيررررر تسرح في نواف وفي معاملته معاها ابتسمت لذكراه كان يروح يدور بجواله لين يحصل شبكة انترنت ويجيب لها دروس من اليوتيوب عشان تساعدها في المذاكره. ويجيب لها تلفونه وتذاكر في السطح بدون علم احد وهو يتأملها بفضل الله ثم بفضله وصلت للقب اشطر. واحده بالفصل
خبت وجهها بالكتاب مستحيه وهي تتذكر بعض المواقف
رغد تراقبها وهي تبتسم : الحمد لله والشكر البنت انهبلت من المذاكره
نوف ماردت الا بأبتسامه
ومر الوقت الى ان صار وقت رجعت ابوها قبل المغرب دخل واستقبلته موضي وهي معصبة
ابو سالم :خير اللهم اجعله خير
موضي :الخير بوجهك يابوسالم
ابو سالم:وش فيك معصبه
موضي بدلع : ابو سالم انت تحبني
ابو سالم :افا وش ذا الكلام انتي عارف غلاك بقلبي
موضي : لاوالله لو انك تحبني ماترضى بلغلط علي
ابو سالم : افاااا بس من غلط عليك
موضي : قاعدين يجرحون بنتك بكل جلسه ان امها مو مثقفه ولاكان جابت لها جوال
ابو سالم :وش ذا الكلام. من متى والبنات معاهن جوالات
موضي تقدمت تلعب بزرار ثوبه : حبيبي والله الوقت تغير وتطور وكل بنات الديره صار معاهن جوالات فليش مايصير لبنتك مثلهن وش ناقصها
ابو سالم :ماناقصها شي بس مايصير وا....
موضي بمقاطعه: لاحبيبي يصير وبعدين بيقولو صدق امها مو مثقفه
ابو سالم :ماعليك منهن اهم شي ....
موضي تقاطعه مره ثانيه : الاعلي والله والله يابو سالم ان ماجبت لها جوال لزعل منك.
ابو سالم :افااا كل شي الازعلك. (الله ينكبك يابسام. انت ودكانك ذااا)
موضي ابتسمت : اي كذا فديتك حبيبي
ابو سالم ابتسم. وصرخ: رغد رغد نووووف
رغد ونوف :هلا يبه
ابو سالم :البسن عباياتكن نطلع دكان بسام نشتري لكن جوالات
البنات انبسطو بس قالت موضي :خير خيير وش تشتري لهن جوالات...
ابو سالم عقد حواجبه :مو هذا الي تبيه
موضي بخبث: اي ابي تشتري لرغد مو نووف
نووووف انقهرررت وتجمعت الدموع
ورغد انقهرت عشانها
ابو سالم: وليش مااشتري لها مثلها مثل اختها يله البسن
موضي بخبث ودلع : ياحبيبي ماقصدي شي قصدي انه تعرف نوف اخر سنه لها ولو جبت لها جوال بتنشغل عن دراستها وعاد هذي اخر سنه تحديد مصير وانت اكيد ماتبي بنتك تفشل وانت السبب اما رغد بعدها في المتوسط مايهم مثل اخر سنه. صح ولا
ابو سالم بتفكير :اي والله انك صادقه.... اجل يانوف شدي حيلك لامن نجحتي في هذي السنه شريت لك جوال يله يبه رغد البسي
رغد بحزن على اختها :يبه ... بس
موضي بحده: البسي قبل اغير رائيي ومايشتري لك شي
رغد ركضت تلبس وطلعت مع ابوها ونوف واقفه محلها وشاده يدها بقهر والدموع بعينها ناظرتها موضي بكره وحقد ودخلت غرفتها اما نوف جلست بلارض تمسح دموعها الي مو راضيه توقف ....
بعد ماحست انها هدئت توجهت غرفتها هي واختها
-------------(في محل بسام) ----------
بسام:. يارجال ماودك تغير جوالك
نواف:ياخي وش فيك هههههههههه مابي
بسام ضحك
لف نواف للشارع وشاف ابو سالم ومعه بنت فز قلبه
وابو سالم كل ماله يتقدم لهم لحد مادخل المحل ونواف يناظر البنت بدون مايحس ابو سالم وهو يبي يعرف ذه نوف ولا لا.
قال ابو سالم بعد ماسلم:يابسام جيب لي جوال
بسام :ابشر وش تبي اي نوع
ابو سالم بفشله :احـــم اي شي
بسام:كيف اي شي اسمع بطلع لك جوالات وانت اختار
ابو سالم :طيب. .
بدا بسام يطلع له جوالات وهو يناظرهم
قال :رغد يابوك وين تبين
نواف (رغد اووووف ماهي نوف )
رغد بصوت واطي بس كان نواف يسمعه:يبه ذا الجوال خذ لي انا ونوف تكفى ...
ابو سالم:انتي وبعدين معك امك تقول لا
رغد:يبه نوف ماهي مهملة ابدا بتقدر توافق بين الجوال ومدرستها ...
ابو سالم ببرود:امك قالت لا يعني لا وامك ادرى مصلحتها
رغد :يبه طلبتك حرام والله نوف بتنقهر ..
ابو سالم :ياليل وبعدين معك خذي اك جوال قبل اغير رائيي ....
رغد اشرت ع واحد من الجوالات :ابغى ذا
ابو سالم :بكم ذا يابسام? ?
بسام : بـ$$$$
ابو سالم :لا غالــي
بسام :هوذا سعره في جولات ثانيه
رغد :يبه ابغى ذا شوف (اي مثل جوال هند)
ابو سالم :وذا بكم? ?
بسام :بــ$$$$
ابو سالم:طيب جيبه
بسام جهزه له واعطاه.
وطلعو من المحـــل...
نواف كان مغتااااض الــــــف ....
بسام :الله ماني مصدق ان ابو سالم. اشترئ جوال
نواف بغيض :يابسام جيب لي افضل جوال عندك.
بسام بصدمه:هااا
نواف:جيب لي افضل جوال
بسام :تبي تغير جوالك من زمان اقول لك وانت مو راضي شكلك غرت من ابو سالم ههههههههههه
نواف ابتسم: ايه
بسام :ابشر وش تبي من جوال
نواف :افضل نوع واغلا نوع
بسام ابتسم: يارجال ...ابشر
نواف جلس وهو يفكر فيها
بسام طلع افضل جوال وبدا يشرح لنواف فيه وايش مواصفاته واهم التطورات فيه .
نواف :وجيب لي رقم
بسام :بتغير رقمك?
نواف :جيب رقم وبس
بسام : . ابشر
اخذه نواف. وحاسب وراح لسيارته. وتوجه خارج القرية
وصل لمحل تغليف هدايا وغلف الجوال واخذ باقة ورد حمراء واخذ سواره جميله وناعمه وغلفها وحاسب وتوجه للقرية ....
وصل بعد صلاة المغرب وتوجه للمسجد وصلى
وتوجه البيت دخل غرفته وتروش.
ولبس وتعطر وطلع شافه جده وابتسم له :وين رايح
نواف تقدم يبوس راسه :ابد بطلع للشباب
جده :بترجع??
نواف:اكيد بنام هنا
جده :لاتتأخر اجل
نواف:ابشر
وطلع نواف متوجه لمهجة فؤاده
نوف صلت وجهزت العشاء وللان ماكملت تذاكر باقي لها جزء بسيط...
وبطنها يمغصها فرحه منتظره لنواف
توجهت للمطبخ قربت العشى وتعشو وبدت ترفع الصحون للمطبخ....
وابوها توجه لغرفته ينام واخوانها راحو للمجلس ينامو
ورغد توجهت غرفتهم فرحانه بـاالجوال وتستكشفه
....
اما نوف توجهت للمطبخ تنظفه وسرحت بعيد لنواف ياترا وش يسوي الحين
بيجي ولالا خافت معقول يكون نساها خلاص ماعد يجي اي ولاليش انسحب اسبوع كامل مختفي ولاتشوفه ولاحتى قال لها انه مسافر ..... *خافت ودخل الخوف قلبها لو يتركها *
نقزت على صوت الصحن الي ارتطم بقوه
وكانت خالتها الي رمته
نوف بخوف:خاله وش فيك خوفتيني
موضي ناظرتها بسخريه من فوق لتحت :سلامة قلبك من الخوف ...
نوف استفزتها وسكتت
موضي :للحين ماخلصتي تراهم صحنين.
نوف (وين صحنين الله ياخذك)
موضي :وش فيك ماتردي.
نوف :ولاشي الحين اخلصهم
موضي :اسمعي بروح انام خلصي من المطبخ وخذي ملابس اخوانك هم بلصاله وغسليهم.
نوف:ياخاله معاي بكره اختبار. وللحين ماخلصت مذاكره
موضي: وش دخلني انا ملابس اخوانك غسليهم ولاوالله لتشوفي شي مايعجبك
نوف:طيب هم عيالك انتي غسلي ملابسهم
موضي شدت شعر نوف :انا وش قلت لك بدا لسانك يطول يانوف *صرخت بصوت عالي من الوجع الي داهم راسها *
ونوف خافت موضي ناظرت تحت رجولها كانت حجر كبيره ضربت راسها والحجر ذي دخلت من شباك المطبخ الكبير ...
توجهت موضي لباب السطح الي في المطبخ *المطبخ فوق وفيه باب السطح وهذا تصميم المطبخ الي طلبته موضي ع اساس تكون مختلفه ان باقي حريم الديره *
فتحت الباب ودخلت السطح وطلت من حافة السطح تشوف اذا في بزران يلعبون وحذفوالحجر بس ماكان في احد صرخت بغضب وهي تسب وتلعن الي رجم الحجر. ونوف بعدها وهي خايفه قالت :خاله خليني اشوف راسك ..
موضي :انقلعي الله يلـ......ـك يابنت الـ........ وطلعت للمطبخ وهي تتحلف
ونوف عضت شفتها لان الضربه كانت قويه وشافت الدم بيد خالتها. توجهت للصحون غسلت الي بقي وغسلت يدها ونشفتهم وتوجهت لباب السطح وطلعت للسطح تطل بفضول من الي رجم الحجر وكانت الحاره فاضيه تماما. لفت بترجع وشهقت بخوف ودق. قلبها بسرعه جنونيه وهي تشوفه واقف وراها بثوبه وشماغه ومتأنتك ع الاخر وعلى وجهه ابتسامه هادئه حنونه ...
تجمعت الدموع بعيونها ....
نواف بشوق. وحب :اشتقت لك
نوف: وين كنت?
نواف بحنان وهو يشوف دموعها تنزل :طيب ليش الدموع الحين
نوف جلست ع الارض وهي تبكي.
نواف قرب وجلس. وبينه وينها مسافة شخص. :نوف ليش تبكي الحين
نوف ببكاء: خـ..خفت عليك وينك طول هـا الايام. حتى ماقلت لي انك بتسافر خفت افقدك يانواف خفت
..
نواف : هذاني جيت خلاص لاتبكي .
نوف رفعت عيونها له :انت الي رميت الحجر
نواف تحولت ملامحه للغضب :ايه انا ومره ثانيه تمد يدها عليك بدخل واكسر راسها قسم بالله.
نوف ابتسمت بحب كبيييييررررر *فجأه شهقت وهي تحط يدها على راسها مامعاها شال *
نواف ابتسم. على شهقتها
وقفت وهي تتوجه للباب المطبخ
نواف بسرعه:وين بتروحين
نوف بأحراج:بـ بروح اخـذ لي شال واغسل ملابس اخواني
نواف بهدوء: روحي جيبي لك شال وجيبي كتابك وتعالي
نوف: مااقدر اترك الغسيل
نواف بعصبيه: قسم بالله لو تغسلي ثوب واحد ماتصبح الشمس الاوهم محروقين كلهم. ...روحي جيبي كتابك وتعالي بنتظرك ...
نوف طلعت بدون ماترد
ونواف مسح وجهه وجلس ينتظرها
نوف دخلت للصاله شافتها هادئه والملابس مجهزين فيها الي حتغسلهم وكانو كثار. لو تغسلهم مابتخلص الافجر. والثياب البيض صار لونهم بني من التراب والوسخ
توجهت لغرفتها هي واختها شافت رغد نايمه وبيدها الجوال اخذت نفس. وتوجهت لدولابها اخذت شال واخذت كتابها وطلعت للمطبخ دخلت المطبخ وقفلت الباب ووقفت ع باب السطح وبطنها يمغصها وقلبها يرفرف دائما تتوتر من تشوفه تخجل بشكل كبير. نواف الي كل بنات الديره طايحين عليه يحبها هي ومو بس يحبها يعشقها.
دخلت بهدوء ووقفت بصدمه وهي تشوفه مجهز جلسه جميله ورايقه. كانت فرشه خفيفه وفوقها باقة ورد حمراء وبسكويت وعصير وكيك وانواع الشبسات. وهو وقف من شافها دخلت ابتسم لها بحب وجلس على طرف الفرشة واشر لها ع الطرف الثاني
جلست وكان قريب منها حيل مابينهم مسافه الاقصيره بسبب صغر الفرش ....
نواف بهدوء وهو يتآملها : اشتقت لك
نوف نزلت راسها بخجل :وانا خفت عليك
نواف :مااشتقتي لي??
نوف رفعت راسها. والدموع بعينها: كثيرررر.
نواف ابتسم وتنهد بحب :جبت لك ذي *ورفع باقة الورد *
اخذتها نوف وهي تستنشقها كانت جميله ..
نواف تأملها وهي تشم الورد كانت صوره تجنن
:حلوه
نوف نزلتها :كثيــر
نواف. طلع الهديه الثانيه من ورا ظهره :وذي وش رايك فيها
نوف ناظرته ثم للهديه : وش ذي ?
نواف: افتحيها
نوف. اخذتها وبدت تفتحها بهدوء. *توسعت عيونها بصدمه * : وش ذا?
نواف: جوال !
نوف :ادري جوال بس لمين?
نواف. ابتسم: لمن جبته انا?
نوف توترت : بس كيف مااقدر اخذه
نواف اخذ الجوال :تقدرين خبيه ومحد يعرف شوفي وش التطورات الي فيه تراه اخر اصدار. وجبت لك رقم عشان اكون اتطمن عليك .... .
نوف تناظر فيه وهو يشرح لها والدموع بدت تنزل وهو مو منتبه وهو يشرح لها كيف تستخدمه. ..
نواف رفع راسه : وكذا تــــ..... نوف ليش تبكين
نوف غطت وجهها بيدها. وبكت (ابوي الي هو ابوي رافض يجيب لي جوال عشان زوجته ونواف جابه لي بدون حتى اطلب)
نواف رفع يده بتردد ووخر يدها ومسح دموعها.
والتقت عيونهم. لثواني والثواني صارت دقايق.
نواف بهيام : جعل ذي الدموع ماتنزل الافرح
نوف بجرائة غريبه عليها تقدمت وضمته.
نواف انصدم وماقدر يستوعب انها بحضنه
نوف :وجعلني مااعيش يوم بدونك
نواف بلع ريقه بتوتر من قربها بذا الشكل وقلبه صار يدق بقوه لدرجة سمعة نبض قلبه واستوعبت وش سوت ووخرت بسرعه وقالت بأحراج : انا اسـ...*ماقدرت تكمل من الفشله *
نواف صد للجهه الثانيه وهو يبتسم.
مرت خمس دقايق وكل وحد صاد عن الثاني.
قطع الصمت نواف وهو يقول :ماودك تشوفين ااهديه الثالثه
نوف تشوفه وضحكت بدون استيعاب :هههههههه هديه ثالثه
نواف ابتسم : اي
نوف صارت تضحك بفرح ويدها ع فمها
نواف طلع الهديه من ورا ضهره وهو يمدها لها
نوف اخذتها بفرحه وهي تفتحها وشهقت بفرحه وهي تشوف سواره ناعمه وجميله حيــــل.
نوف دمعت عينها
نواف وهو يضحك ع فرحتها : خلاص دموع وش فيك خلصتي دموعك
نوف عضت شفتها عشان لاتبكي
نواف وقلبه يدق بسرعه من حركتها بلع ريقه وهو يقول : لاتعضين شفايفك
نوف انحرجت بقووووووه وصار وجهها احمر
اخذ نواف السواره. وقال :مدي يدك
نوف مدتها بخجل وهو لبسها ورفع يدها وباسها لاول مره يتجرئ. نوف احمر وجهها من الخجل وسحبت يدها
نوف :مشكور يانواف جعل ربي يديمك لي ولايفجعني فيك. ..
نواف وهو مبسوط من دعوتها ومبتسم بحب : انا لو بيدي يانوف جبت لك كل الي بلمحل بس خفت لايشوفونهم ...
نوف ابتسمت : وجودك بحياتي يانواف اكبر هديه ....نواف
نواف :لبيه
نوف: انا حيل مبسوطه تدري ليش
نواف : ليش
نوف : لان ربي خلاك بطريقي بذاك اليوم وشفتك صدفه
نواف ابتسم للذكرى : وانا احمد الله كل يوم اني شفت البنت الي كنت احلم فيها واشوفها تستنجد فيني. اثاريها طلعت بنت خالتي.
نوف تشوف وجهه وقالت بدون وعي :نواف ...احبك واعشقك
نواف التقت عيونه بعيونها والاحاسيس الجميله اجتمعت بقلوبهم فز نواف وراح اخر السطح ياخذ نفس.
نوف نزلت راسها وهي ودها لو يختفو من هالعالم لعالم جميل مافيه الاهي ونواف.....
***********
نوف عمرها 19 سنه صف ثالث ثانوي تأخرت سنه عن المدرسه. بنت الجمال ماينطبق الاعليها
طويله شوي. وبيضاء وملامحها تخبل عيونها خضراء غامق ورموشها كثيفه وطويله (العيون ورثتهم من امها) شفايفها ممتلئة شوي وتوتيه شعرها لأخر ضهرها اسود كسواد الليل وعندها غمازات ....
تحب نواف
امها ورده تزوجت ابوها ابو سالم مجبوره وهو كان كررريه جدا كان يضربها ع طول لانه ماكان يحبها رغم جمالها الفتان الاانه كان يحب بنت عمه (موضي) بس ابوه اجبره يتزوج بنت صديقه الي من قبيله ثانيه
اختها. * نوف *كانت متزوجه عادل الـــ... الي هو ابو نواف. كانت تحب زوجها وهو يحبها بعد.بس كانو عايشين بالمدينه ويوم جابت نواف وصار عمره ثلاث سنوات نزلو للقريه زياره لابوه وامه وكانت حامل في الخامس ..
ومع تعب الطريق والسفر وصلو للقريه وتعبت عليهم
فقال ابو نواف بيسعفها للمدينه وبيخلي نواف عند امه عشان نوف ماتقدر تداريه وهي تعبانه. وسافرو مره ثانيه وصار لهم حادث وتوفو. ....
عرفت ورده بـالي صار لاختها وتعبت من الضيق والحزن على اختها ومن الضرب الي كان يصير لها من ابو سالم مرت سنتين وصار عمر نواف 5 وورده ولدت بنت وسمتها نوف بأسم اختها. ومرت شهرين وتعبت اسعفوها واكتشفو ان صار فيها مرض خبيث. متقدم ضلت ثلاثه شهور وتوفت .... .
ومن يوم ماتوفت وسيرتهم اختفت من الديره ولاعد احد يذكرهم ابو سالم تزوج موضي وربت بنته
ونواف ربته جدته
.......
♥ انتهاء♥
*لو اعجبتكم الروايه بنزل البارتات الباقيه *