فى مطار القاهرة الدولى
كان عمرو ينظر فى كل الوجة ينتظر قدوم صديقة سيف .وفجاة خبط على كتفة شاب يبتسم لعمرو
عمرو .حضرتك تعرفى
الشاب .لا بشبة عليك مش عمرو صاحبى بردو
عمرو يدقق بملامح الشاب
عمرو بصدمة. سيف مش ممكن
سيف بابتسامة حب يحضن صديقة .لية بقى مش ممكن عشان خسيت شويا
عمرو .يابنى اقسم بالله ماعرفتك واية إللى انت عاملة فى نفسك دة لابس ايس كاب لية وجاكت كمان ههههه يابنى احنا مش ف الشتا انت فاكر نفسك لسة فى باريس
سيف .معلش بردان شويا اتعودت على جو هناك مش هنمشى بقى ولا اية
عمرو .طبعا ياسيفو هات الشنط ......
وصل عمرو سيف إلى العمارة التى يسكن بها وفى الشقة المقابلة لشقتة...
عمرو. تعالى دى شقتك جنب شقتى اهى
سيف .تسلم ياصاحبى
عمرو. ياااة ياسيف واحشنى اوى والله كان لازمتها اية الغربة بقى احنا الاتنين مالناش غير بعض خليك هنا معايا
سيف .معلش انا هفضل فى فرنسا اتعودت على هناك ومش فارق معايا انا جيت عشان خاطر ماتزعلش منى
عمرو بقلق .مالك شكلك فى حاجة مخبى علية اية انطق اوع تكون عامل مصيبة ههههه انا عارفك
سيف بابتسامة كلها وجع .لا الحمد لله توبت عن المصايب هههه
عمرو .مش هتصدق قابلت مين من يومين
سيف .مين
عمرو .ملاك الهلالى
سيف ..!!!
...............
فى شركة الثلاث بنات
حبيبة مع ملاك بيشتغلو على فستان نهى
ملاك .مالك يابيبو
حبيبة. زياد شايل هم الطفل إللى حكتلك عنة
ملاك .وانتى زعلانة
حبيبة. لا دة صعبان علية اوى انا خايفة يحط نفسة فى مشاكل مع المستشفى عشان والد الطفل إللى مات
ملاك. لا انا مع زياد وماتخفيش علية الحق ماحدش يخاف منة ولا يضعف لازم نواجة الظلم والقهر إللى الناس الغلابة بتدفع تمنة حرام
حبيبة. ربنا يستر
ملاك .فريدة بقى هتعمل التصاميم من البيت وتبعتها
حبيبة. ايوة بقى خليها تانتخ فى البيت واحنا نشيل الهم هنا هههه ملاك هو احنا لية مش حوامل
ملاك. ههههههه بتتكلمى جد ولا بتهزرى
حبيبة. لا جد انا خايفة اكون مابخلفش واخوكى يتجوز علية
ملاك .هههه ماتخفيش اخويا بيحبك ومش هيعمل كدة ههههه والله تجننى يابيبو
حبيبة .طب ماتيجى نروح نكشف عند دكتورة ونعرف فى حاجة ولا اية
ملاك. يابنتى اهدى وبطلى جنان فى واحدة محوزة من شهرين عايزة تلف على الدكاترة من دلوقتى
حبيبة. نطمن بس
ملاك .ههههه لا مش رايحة فى مكان قومى شوفى شغلك وانا هخلص يامجنونة
.................
فى مكتب احمد الهلالى
يتحدث فى الهاتف مع كريم
احمد .بقولك ياكيمو عايز عنوان دكتورة نسا اروحها
كريم .دكتورة لية عايز دكتورة انت فى مشاكل ولا اية
احمد .هههه يابنى عشان ملاك عايز أجل الحمل
كريم .وتاجلة لية يابنى دى نعمة واحسن حاجة فى الحياة
احمد .يابنى افهم ملاك صحتها دلوقتى مش تتحمل حمل وولادة ودكتورها لم تعبت اتكلمت معاة قال تاجل دلوقتى
كريم. اة تمام خلاص هشوف مواعيد دكتورة اعرفها هى كويسة وهقولك
احمد. تمام ياكيمو
كريم .ماشفوتش فارس من زمان
احمد. لا من يوم الحفلة
كريم .تفتكر فى مأمورية اصلة مش باين
احمد .ممكن هكلمة واشوفة ....
...........
باشر احمد عملة وتحدث مع فارس وعلم انة فى مأمورية خارج القاهرة....
وكريم بعت له فى ماسج عنوان دكتورة صديقتة
...
احمد لنفسة .فاضل افاتح ملاك بس هقولها ازى خايف تزعل يارب خليك معايا يارب ......
........
فى مكتب محمود الهلالى
تحدث محمود مع المقدم آدم ليطمئن على ملاك. وخطة المراقبة والحماية...
آدم. كلة تمام يا باشا
محمود. اوع حد يحس بيك
آدم. لا معلش يا باشا احنا ظباط عمليات خاصة مش أى كلام
محمود .تمام لو فى جديد بلغنى
آدم. طبعا يا باشا
.........
ظل محمود شارد بعد المحادثة. ياترى بتخطط لية يا مدحت وناوى على اية انا واثق انك مش هتسكت وتنسى كدة بسهولة .يارب احمى بنتى يارب ...
.........
فى شقة سيف الجديدة
سيف بفرحة .ملاك
عمرو. ايوة ياعم الحبيب ملاك
سيف. اجوزت مش كدة بس قابلتها فين
عمرو .مش هتصدق فاتحة شركة ازياء هى واصحابها ومجوزة ابن عمها
سيف .اة عارف
عمرو .انت بتحبها بجد سيف
سيف .عمرى ماعرفت معنى الحب ولا طعمة ولا احساسة غير لم شوفتها من سنتين دخلت احلى احساس على قلبى ربنا يسعدها يارب فى حياتها
بس شوفتها فين وامتة
عمرو .ماهى والدها محمود الهلالى نهى سكرترية فى شركتة وكمان بيحبها زى بنتة وكمان هو إللى هيسلمنى نهى بنفسة ابسط بقى ياعم هتشوف ملاك بنفسك
سيف بابتسامة الم. بقت لغيرى ومش من حقى دلوقتى اشوفها
عمرو .سبحان مغير الأحوال طب اقلع يابنى انا مش عارف مستحمل البتاعة دى ازى وقولى هى باريس مافهاش اكل يبنى خسيت النص كدة لية اقولك تعالى نطلع نضرب كشرى بالدقة يظبطك قوم
سيف. لا ماليش نفس ومش هقدر على الكشرى
عمرو .يابنى انت ناسى كنت لازم تضربلك طبقين بالدقة والشطة عشان تستمتع وتحس بالطعم
سيف .لا ياعمرو عايز انام تعبان من الطيارة
عمرو .طب انت مش حران اقلع طيب البتاعى دى ومسك الايس كاب وشالة من على رأس سيف
سيف بعصبية. عمرو سيبها
عمرو بصدمة....سيف
اية دة ...؟؟