أعشق ملاكي

الفصل العشرون

فى مستشفى بالمانيا
كان الطبيب يفك رباط العين من على مازن وحسام يترقب نتيجة العملية وبعد لحظات من اصعب لحظات حسام ومازن
الطبيب يتحدث بالامانى.
مستر مازن هل انت مستعد
مازن .نعم دكتور مستعد
الطبيب .حاول أن تفتح عينك ببطء بعض الشئ
فتح مازن عينة وغمض بسرعة وبعد لحظة فتح عينة جامد ومش مصدق ان بعد 3سنين ظلمة شاف نور الدنيا تانى وبص لحسام وضحك وخدة فى حضنة
مازن بفرحة .الحمدلله ياحسام انا شايفك الحمد لله بدموع الفرح يحضنة جامد الحمدلله ياحبيبى
الطبيب فحص عينة وبارك على نجاح العملية
سجد مازن وحسام لشكر الله على رجوع النور لعيناة مرة أخرى
مازن. حسام احجز على اول طيارة راجعة مصر مش قادر لازم اشوف حياة واحشتنى اوى
حسام بتنهيدة .خليها بكرة ونتفسح انهاردة سوى
مازن بحب .لا معلش ننزل انهاردة ونتفسح فى مصر الاول يااخى خلى عندك انتماء لوطنك هههه
حسام. ماشى إللى يريحك هشوف اخبار الحجز
حسام لنفسة. ياربى اقولة ولا اية بس انا خايف اصدمة اعمل اية بس ياربى ....
حجز على اول طيارة ورجعو مصر
حسام .نورت بيتك وبلدك يامازن شوف كل حاجة نورت ازى
الدادة بزغروطة لولولولى مبروك ياحبيبى ياالف حمد وشكر اليك يارب  نورتو الدنيا كلها
مازن .تسلمى يادادة ربنا يخليكى
حسام .طب وانا ماليش نفس ولا اية
الدادة.والله البيت والدنيا كلها وحشة من غيرك ياحسام
حسام .ايوة كدة تسلميلى انا هطلع انام أسبوع ماحدش يصحينى
مازن .هههه حقك ياعم ماانا كنت مطلع عينك
حسام .لا والله ياحبيبى الطيارة هلكتنى عايز انام اسبكو بقى
مازن .انا خارج يادادة اشم الهواة واشوف الدنيا بقى سلام ياحبيبتى
الدادة .خلى بالك من نفسك ياحبيبى
ذهب مازن لشراء اجمل بوكية ورد البنفسج عشان دة ورد الحياة المفضل ليها وراح اشترى خاتم رقيق فى فص احمر الماس عشان يفاجاها بعرض الجواز وركب تاكسى ووصل عند البيت قدام شقة حياة
مازن يرن الجرس وتفتح والدتة حياة
ام حياة بصدمة .مازن
مازن بابتسامة. ازيك ياطنط عاملة اية
ام حياة بغضب.جاى لية يامازن مش خلاص كل حاجة انتهت من سنين اية رجعك تانى
مازن متوقع هجوم .انااسف انا عارف انى غلطان وظلمت حياة وانا الحمد لله عملت العملية وهعوضها عن السنين إللى فاتت بس هى تقابلنى مرة واحدة بس ونتفاهم
ام حياة .جيت متاخر يا مازن ومابقاش ينفع
حياة ....

مازن بصدمة. لية حياة مالها
ام حياة .بنتى خلاص تسيتك وعاشت حياتها ابعد عنها انا ماصدقت حياة مكتوب كتابها وفرحها بعد أسبوعين
مازن  بصدمة. انا انا
ام حياة .انت اية انت سبتها من 3سنين وعايز تيجى تلاقيها حاطة ايدها على خدها مستنياك انت إللى ضيعتها زمان راجع لية دلوقتى روح عيش حياتك وسيب بنتى تعيش حياتها ومبروك على العملية واتفضل امشى بقى حياة خرجت مع جوزها اتفضل قبل مايرجعو
مازن باسف .انا اسف واوعدك مش هتشوفى وشى تانى ..
خرج مازن مصدوم ومش مصدق ان حياة بقت مرات حد تانى حس ان خسر كل حاجة فى لحظة والأمل ضاع من بين ايديه تانى وهو خارج برة العمارة قابل حياة داخلة العمارة وفى شاب وسيم ماسك ايدها وبص فى عنيها وضحك لها
حياة بصدمة. مازن
مازن بنصف ابتسامة. مبروك ياحياة عرفت من طنط ان فرحك كمان أسبوعين مبروك
حياة .عبقالك يامازن ومبروك على العملية 
اعرفك دكتور كريم
ودة بشمهندس مازن
كريم مد ايدة وسلم على مازن وقالة تشرفنا
مازن بص لحياة حس انها بتلومة وبتقولة اتخرت اوى يامازن
مازن فاق وقدم الورد لكريم وقالو الف مبروك ربنا يسعدكم عن ازنكم
حياة .مازن استنى مش هتحضر فرحنا دى دعوة الفرح لازم تيجى
مازن بابتسامة. ان شاء الله مبروك عن ازنكم ....
مازن مش مستوعب كل دة وكمان بتقدمى دعوة فرحها عايزة تجرحنى تانى وبسكينة باردة ازى اشوفها وهى عروسة حد غيرى ازىتلبس فستان الفرح لغيرى ياربى انا إللى ضيعتها زمان مامتها عندها حق وكمان حياة عندها حق نظرة عنيها بتلومنى وبتقولى اتاخرت اوووى
اعمل اية ....
فجأة جاء اتصال لملاك 
ملاك بصدمة .دة رقم مازن مصر هو نزل امتة
زياد .طب ردى كدة انتى لسة هتتصدمى ردى
ملاك. الو مازن ازيك عامل اية جت مصر  امتة انطق
زياد .هههههه
مازن .انطق اية انتى اديتيتى فرصة انطق
ملاك .خلاص خد فرصتك هههه
مازن بصوت ضعيف. انا عايز اقابلك لو ينفع دلوقتى انا محتاج اتكلم معاكى انتى بالذات
ملاك بتفهم وخوف .طيب اوكية نتقابل فين
مازن .مش عارف اية رايك عند النيل فى كافية
ملاك .اة عارفاة وبروح هناك كتير نص ساعة واكون هناك سلام
مازن .اوكية سلام ...
زياد .اية مالك فى اية وهتقابلى لية دلوقتى
ملاك .مش عارفة خايفة تكون العملية فشلت وهو زعلان صوتة كان مخنوق اوى
زياد .انا جاى معاكى مش هسيبك تروحى لوحدك
ملاك .طيب هقول لبابا الاول
بعد أن وافق محمود خرجت مع زياد لتقابل مازن  بعد نصف ساعة  فى الكافية تبحث ملاك عن مازن وفجأة عرفتةووقفت قدامة وهى بتضحك
ملاك..ازيك يا ابو عيون عسلى هههه
مازن مش مستوعب  ...
ملاك .اية دة مش هتقولى اتفضلى ياقمر ههه
مازن بيلاحظ الصوت وفجاة وقف وبصلها جامد
ملااااك مش ممكن وسلم عليها جامد وجى عليهم زياد انا دوخت على مالقيت ركنة
مازن بيبص لملاك. مين دة
ملاك بضحكة .زياد
زياد .ازيك يا مازن حمدالله على السلامة ومبروووك على العملية
مازن .الله يسلمك اتفضلو اقعدو
مازن .تشربو اية بقى
زياد .ناخد مانجة انا وملاك
مازن طلب  العصير  وقعدو شويا من غير كلام
ملاك بفرحة .مبروووك بجد انا خوفت لم سمعت صوتك وكان شكلة مايطمنش خالص الحمدلله انك كويس
مازن بابتسامة .الحمدلله انا لسة راجع انهاردة من ساعتين تقريبا
ملاك .حمدلله على سلامتك لية ماقولتش انك فكت الرباط وانك فتحت وكمان نزلت ههه
زياد .هههه واحدة واحدة ياملاك على الراجل سيبة يتكلم شويا
ملاك .هههه صح يا زياد اتكلم ياعم مازن
مازن  بيبص لزياد .ساكت
زياد فهم .على فكرة يا مازن انا ماكنش ينفع اسيب ملاك تبجى لوحدها دلوقتى ولو مكسوف تتكلم منى فملاك اختى وتوام روحى كمان ومابتخبيش علية حاجة فاتكلم براحتك يامعلم هههه
ملاك .مكسوفة من طريقة زياد وضحكت هههه
مازن بتفهم .لا يا زياد عارف انك قريب من ملاك مافيش مشكلة المشكلة مش عارف اتكلم
ملاك .اوكية اشرب العصير الاول وبعدين نتكلم بعد دقايق
ملاك .بقولك اية شوفت حياة
مازن بحزن .اممم كنت هناك قبل مااجى على هنا
ملاك فهمت سبب زعلةحياة
ملاك .طيب اية رفضت ترجعلك تانى
مازن .لا هى بقت متجوزة دلوقتى او الاصح مكتوب كتابها وفرحها بعد أسبوعين ودى كمان دعوة الفرح شوفيها
ملاك بحزن. اة فهمت وانت زعلان لية
زياد بص لملاك ..
مازن .انتى مش عايزانى ازعل ولا اتصدم لم الاقى حبيبتى ضاعت منى للأبد وبقت ملك لحد تانى
ملاك .مازن انت متوقع اية انك هتغيب عنها 3سنين براضاك وتيجى تلاقيها زى ماهي مستنياك انت فعلا إللى اختارت البعد  فى الاول لية زعلان دلوقتى
مازن .انا بجد مخنوق  من ساعة ماشوفتها ماسك ايدو وبقت مراتة وانا هجنن
ملاك .بس دة غلطتك انت انت إللى سبتها وانا قولتلك بلاش بكرة تندم وهترجع متأخر ودة إللى حصل
مازن بعصبية .انا عارف انى زفت غلطان وظلمتها وانا إللى طلبت البعد بس بجد موجووووع اوى
زياد متدخل فى الحوار. اسف انى بدخل بس انا هقولك إللى عندى انت لو رجعت وكانت العملية فشلت هل كنت هتروح لحياة وتقولها بعد غياب تلات سنين ارجعيلى نكمل مع بعض تانى وانك عملت محاولة وفشلت العملية  دة كلة كان هيحصل
مازن باستغراب ....
ملاك .اية مش عارف ترد انت رجعت لحياة عشان استرديت بصرك وعايز تستردها هى كمان ولا عشان حياة نفسها انك تعبت واتعذبت من غيرها
مازن .وهتفرق اية النتيجة  واحدة وحياةمش ليا
ملاك .مازن انت زعلان دلوقتى عشان رجعت متاخر وندمان ان حياة حاولت تنساك وبقت ملك لحد تانى ولا زعلان عشان هى دلوقتي سابتك زى ماانت سبتها من 3سنين
مازن. مش فاهم
رياد .اقولك انا انت ظلمت وسبت ضيعتها من ايدك زمان وعايز تسترد حاجة عارف ومتوقع انك هتلاقيها مستنياك فبتالى انصدمت لم لاقيت حياة عاشت حياتها وكملت عادى ملاك .وعلى فكرة انت كمان كملت حياتك عادى بعدها وبدليل التلات سنين إللى عدو عليك وكنت عايش صحيح كنت عايش فى ظلمة بس عديت المرحلة الأولى  الاساسية فى البعد وكمان دلوقتى حياة تخطت مرحلة حبك بدليل الجواز لم انخطبت قبل كدة ماكملتش عشان كانت لسة بتحبك دلوقتى كملت ا لجواز يعنى انت دلوقتى ماضى وانتهى