أعشق ملاكي

الفصل الرابع عشر

زين قابل ملاك فى صالة المطار واخدها كافية المطار
ملاك بحضن زين وواحشتنى اوى
زين .وانتى ياقمرى واحشانى موت اقعدى تشربى اية
ملاك .اى عصير فرش
زين .من فضلك اتنين عصير فراولة
زين .ملاك فى حاجة مالك اية يخليكى تيجيلى المطار كدة
ملاك .بص بقى من غير لف ولا دوران ولا حوارات
انا عايزة منك تقرب من آسيا وتشاركها حملها يا اخى وتحس بيها شويا خدها وسافرو غيرو جوى مش بتاخدها معاك فى أى رحلة لية تغير مودها شويا عشان نفسيتها مهمة ليها ولابنك يا ابو مالك ولا انت هتفضل عايش كدة طيارى معاها هى محطة ولازم تنزل عندها ترانزيت دى مراتك يعنى حياتك كلها تشاركوها سوى
زين باستغراب من كلام ملاك  .كبرتى ياقمرى وبقيتى ادخلى فى حياة الكبار
ملاك بزعل مصطنع. اسفة ان بدخل فى حياتك ياكبير
زين بهزار .هههه يالهوووى عليكى لم تقفشى بهزر والله انتى ادخلى فى أى حاجة انتى قمرى الوحيد إللى من حقة يدخل فى حياتى واطلبى وانا انفذ فورا وحالا ولابد هههه
ملاك .عارف انك بتهزر عشان ماتقدرش
زين .يابت دة انتى بنت قلبى تعرفى وانت صغيرة خالص لم جيتى تعيشى معانا كنتى قد الكف كدة ههههه كان عندى 8سنين وكنتى زى القمر وشك ابيض ومدور وعنيك لون السما والبحر كدة مش عارف ازى وقولت لبابا الله دى حلوة اوى هسميها قمر عشان هى شبة القمر
بس بابا قالى عمك محمود سماها ملاك عشان دى بتعتة هو
انا بقى زعلت ماما قالت ياحبيبى هى هتبق اختك انت وزياد وانت الكبير خلى بالك منهم ومن ساعتها وانا اقولك قمرى
ملاك .هههه تصدق معلومة جديدة ماكنتش اعرفها كنت فكرة عشان انا اصلا قمر بتقولى كدة
زين. هههه ايوة ياعم الغرور بقى
ملاك .حبيبى يازين خلينا فى موضوعك انت واسيا
زين بلحظة تفكير .امممم خليها هنا اشربى العصير وانا راجعلك مش هتاخر استنى بس
ملاك .اوكية اما نشوف اخرتها معاك اية
ذهب زين إلى المدير واخد اجازة أسبوع ومش حد اعترض عشان فهمهم ان مراتة تعبانة ومش يقدر يسافر الرحلة ووافقو على طلبة وبعد ربع ساعة عند ملاك رجع زين
زين .خلاص يا ستى مش مسافر والرحلة واحد صاحبى هيطلع بدالى وكمان خدت أسبوع بحالة احازة
ملاك بفرحة .yes
اكيد آسيا هتفرح اوى خلى بالك منها وحسسها بشوية اهتمام عشانها وعشان مالك ماشى وكلها اربع شهور ياعم ومالك يجى الدنيا بالسلامة ولازم وجودك جنبها بردو يحسن نفسيتها دى تعبانة اوى خفف عنها شويا حس بيها يحس بيك ربنا
زين بهزار .اعمل اية احمل بدالها ولا اولد انا هههههه
ملاك .هههه خفة
زين .والله عارف انى مقصر معاها بس الراحلات وشغلى اعمل اية وهى اكتر حد عارف شغلى هى كانت مضيفة وعارفة
ملاك .اهو قولت كانت مضيفة
زين .هو انا طلبت منها تسيب الشغل هى لم حملت سابت الشغل وانا سبتها براحتها
ملاك .يمكن عشان كدة هى حاسة بالوحدة اكتر وانك مشغول عنها زيادة
زين .اعمل اية واحد متجوز واخد اجازة واحد مجبس اعمل اية كلنا مضغوطين ولو مش قولت انى مراتى تعبانة  كانو رافضو الاجازة والله غصب عنى  شغلى كدة وحياتى كدة ولم مالك يجى بالسلامة هيساليها بقى اعمل اية
ملاك. خلاص احكيلها كل دة انك مضغوط من الشغل وهى والله هتفهم دة وهتخفف عنك كمان بلاش حالة الصمت وترجع فى البيت عشان تنام وتصحى تسافر  ولا انت حبك ليها قل ولا اية النظام
زين. لا طبعا دى حياتى حب عمرى والله دى سبتتنى من اول نظرة هههه
ملاك .طب ماتسبتها انت كمان بكلام حلو وشكولاتة وورد صدقنى هتفرح اوى هات بوكيةورد وشكولاتة وروح بق اعملها مفاجأة وسافرو الاسبوع دة وقالها دة تعويض عن غيابى وبعدى عنك وكدة ياكابتن هو انا إللى هقولك
زين. تصدقي صح والله بتفهمى
ملاك .عندك شك فى قدراتى هههه
زين .لاابدا ياقمرى
ملاك .هات 2بوكية شكولاتة
زين .2 لية
ملاك .علشانى واحد هتستخصر فية
زين .لا طبعا انتى توامرى
بقولك اية تيجى معانا انتى والود زياد نطلع كلنا الساحل
ملاك بصدمة. نعم نطلع كلنا  امشي يا زين روح لمراتك  دة زياد اعقل منك هههههه
زين .خلاص براحتكم تعالى اوصلك
ملاك .لا روح انت معايا عربيتى  سلام بقى وبوسلى آسيا ومالك هههه
زين .هههه يوصل ياقمرى خلى بالك من نفسك
ملاك .اوكية سلام
مشىزين ونفذ كلام ملاك واشترى ولد الياسمين إللى آسيا بتحبةواشترى كل والشكولاتات إللى بتحبها وروح على البيت
فى مكان اول مرة نروحلة
فيلا صغيرة فى المهندسين
فيلا زين وآسيا
فتح الباب وتسحب عشان يعملها مفاجأة ودخل اوضة النوم كانت آسيا لسة نايمة و(شعرها مفرود جنبها طويل وبنى وناعم وهى شكلها جميل وهى نايمة بيضة وعيون خضرةومحجبة ومزة حبها لم شافها فى اول رحلة ليها على طيارتة وكانت نقية وجميلة زى بشرتها البيضة الناعمة ) زين يداعب فى انفها بورد الياسمين عشان تصحى ويلعب فى شعرها
آسيا بنعاس. اف
زين .هوووف ينفخ هوا عشان تفتح
آسيا بتبربش عيونها وفتحت شافت زين غمضت تانى فاكرة نفسها بتحلم
زين .وضع قبلة على جبينها كفايا نوم بقى يا ايسو
آسيا. برقت عنيها بخضة وقامت مفزوعة
آسيا. زين زين مالك انت هنا ازىانت كويس ماسافرتش انت..
زين .هوووس اهدى كفايا اية لكلوك لكلوك ادينى فرصة اتكلم
آسيا. انا مستغربة وجودك بس
زين .نعم لية مش بيتى ولا ارجع تانى على المطار
آسيا. لا ياحبيبى انا مقصدش اصلك سافرت كنت فاكرة يعنى سافرت وخايفة تكون تعبان
زين يقبل خدها .انا فعلا تعبان انى بعيد عنك وطلبت حد يسافر بدالى واتفضلىكل الشكولا إللى بتحبيهاوكمان اتفضلى دة
آسيابفرحة .تحضن زين الله يا حبيبى ربنا يخليك ليا يارب بموت فيك
زين بابتسامة. وانا بعشقك ياقلبى انت
زين .لسة فى كمان مفاجأة هنسافر الساحل نغيرجو أسبوع وانا خدت احازة اية رأيك
آسيا. لا بجد مش ممكن انا هموووت من الفرحة مش قادرة كل دة
زين .بعد الشر عليكى احنا عايزين نعيش أسبوع راحةوحب وانتى تقولى اموت ينفع الفصالان دة
آسيا..بحبك موت
زين ..ايوة بقى قوليلى اخبار الاجازة اية
آسيا بعدم فهم .اجازة اية
زين .الاجازة إللى الدكتورة محددها ياروحى خلاص ولا اية
آسيا بكثوف.اة خلصت من أسبوعين
زين .يالهوووووى وماتقوليش يا ظالمة هههه
يتبع