عاد الي المنزل بعد تعب اليوم ودخل لاقى حسام فى استقبالة
حسام. مازن كنت فين كدة من اول يوم ليك هنا ياعم قلقت عليك
مازن بابتسامة.ههه عادى كنت عايز اشوف الناس والبلد وحشتنى ياحس
حسام .ياخويا ماتشوفش وحش الناس هى الناس اية إللى هيتغير يعنى
انت روحت عند حياة
مازن باستغراب. شكلك كنت عارف وماقولتش
حسام .والله عرفت لم انت قررت تعمل العملية خوفت اقولك تصرف نظر عن العملية فقولت لم تعملها بقى ابق اقولك ماعرفش انك اول حاجة تعملها انك تروحلها
مازن بتفهم .خلاص ياحسام ماحصلش حاجة عادى دى المتوقع انا إللى غلطان واتخليت عنها طبيبعى الاقيها ارتبطت وحبت دول 3 سنين مش شهور ربنا يسعدها حياة انسانة كويسة وتستاهل كل خير
حسام .اية انت إللى بتقول الكلام دة
مازن .انا كنت انانى اوى معاها مش هخبى عليك لم شوقتها فى ايد واحد غيرى زعلت ازى بس كفايا افضل انانى ومتملك معاها هى من حقها تنسانى وتكمل حياتها انا ضيعتها زمان وراجع فاكر انها هتجرى علية ان جرحتها وانهاردة حسيت بالجرح دة الحمدلله ربنا يسعدها
حسام .انا فرحان بكلامك دة يا مازن وانت كمان ربنا هيعوضك ربنا يسعدك ياحبيبى وتلاقى بنت الحلال إللى تستهالك
مازن بحب .ان شاء الله خير المهم اية بقى مش هتحكى لاخوك
حسام .ماانا مستتيك اهو عشان احكيلك عن واحدة بحبها وعايز اروح اخطبها بقى ههه
مازن بفرحة .اخيرا ياحبيبى كنت حاسس بيك بس مستنى لم تقول
حسام .كنت مستنى الوقت المناسب. هى مهندسة معانا فى الشركة واسمها مريم وبحبها اوى
مازن يحضن اخوها .مبرووووك ياحبيبى ربنا يفرحك ويسعدك
حسام. طب احدد معاد امتة نتقدم
مازن .من دلوقتى لو تحب
حسام بفرحة .خليها بكرة اكلمها وناخد ميعاد من اهلها عبقال يا مازن يارب
مازن بابتسامة. طب هطلع انام انا بقى ياعريس ...
ظل يفكر فى كلام ملاك ووجة ملاك لا يفارق خيالة وكان بيكلم نفسة
معقول اللا انا فية دة جنان رسمى ازى افكر بالطريقة دى وملاك اكتر حد وقف جنبى واعتبرتها اختى الصغيرة كمان ازى اخدها بديل حياة لا فوق يامازن مش ينفع تفكر كدة لازم أدى نفسى وافكر كويس فى كل خطوة وبلاش اخسر ملاك هى فعلا اختى والاخوة مش بتتعوض بلاش نظراتك لية دا انا حسيت انها خافت منى لا ماينفعش دة انا حتى مافكرتش اسال عنها انا عمال احكى عن نفسى وهى تسمع لازم اسمعها هى كمان اكيد عايزة تحكيلى زى مابحكى ليها لازم ارجع اعاملها اختى الصغيرة وبس مش عشان قالتلى احب اول حد افكر فية هى فوق لنفسك كدة يامازن واعقل ...
عند ملاك بتتكلم مع زياد
ملاك .خرجت روحت تعمل مكالمة اتاخرت كلمت مين اعترف
زياد .ههههه لم تكبرى هقولك هههه
ملاك .امممم مش عايز تعترف
زياد ..يابنتى انتى فاهمة غلط
ملاك .عيبك بقى انى بفهمك من غير ماتحكى هههه مش على ملاك يا بابا
زياد. والله انتى فهمانى صح
ملاك .طبعا عشان تعرف تقدر قمتى يادكتور
زياد .انتى حبيبتى يا موكا.
ملاك .انا ولا حبيبة ههههه
زياد .اتلمى يابت خلينى اعرف اسوق بدل ماادخل بيكى فى شجرة ههههه
ملاك .طيب لينا بيت نتكلم فية
وصل زياد فيلا محمود الهلالى اتفضلى انزلى بقى
ملاك .اية مش نازل معايا مش نازلة لازم نتكلم انت خوفت حبيبة تضيع من ايديك زى حياة كدة .
زياد ..ايوة ياختى لازم اتعلم من اخطاء غيرى وافهم الدرس كويس
ملاك .طب دى خطوة مهمة وانا قولتلك عليها قبل كدة
زياد. عارف بس كنت مستتى لم ترجع القاهرة ونتكلم بس بعد إللى حصل قولت لازم بقى اتكلم مش اسكت زى احمد وارجع اندم زى مازن واضيعها من ايدى للأبد اية رايك فى اخوكى
ملاك .هو دة زيزو حبيبى احكيلى بقى بالتفصيل الممل
زياد .هقولك بعدين شكل احمد عندكم عربية هناك
ملاك .اية خلاص انزل معايا اصل انت عارفة هيحقق معايا
زياد .ههههه انتى خايفة منة ولا اية يابت لا انا ماعلمتكيش على كدة
ملاك .ياعم اتلهى وأنزل وبعدين انت عارف مش بخاف من حد
زياد .امرى لله اتفضلى
دخل زياد وملاك البيت سلم على عمة محمود واحمد وملاك كمان
ملاك .ازيك يااحمد
احمد .اهلا اية اخركم كدة
زياد .ملاك مش بتبطل زن زن الله يكون فى عونك هههه
ملاك .انا ولا انت إللى مش بتفصل ابدا
احمد. كنتو فين بقى
ملاك وزياد بيبصو على محمود .احنا كنا على النيل
احمد .على النيل ازى يعنى
زياد .هههههه قصدها كنا فى كافية جنب النيل بنحب نقعد فية
احمد .طب احنا مش اتفقنة ان هننزل نشوف الفستان والبدلة
ملاك .ايوة بس قولتلك لم حبيبة وفريدة يجو وهم جاين بكرة
احمد. بعد ازنك ياعمى هتطلع الجنية اتكلم انا وملاك شويا
محمود .اتفضلو يابنى
زياد .خدونو معاكم انا مروح بقى تصبحو على خير
الكل. وانت من اهل الخير
احمد. ممكن اعرف بقى اية حكايتك بالظبط
ملاك .مش فاهمة
احمد بعصبية .لا فاهمة كويس اوى لية مش قولتيلى انك خارجة مع زياد دة بدل مانخرج انا وانتى حتى مافكرتش تعرفينى وبعدين انا خطيبك ممكن قبل ماتتصرفى أى تصرف تقوليلى وتاخدى اذنى انا مش كيس جوافة انا خطيبك الاسبوع الجاي اكون جوزك
ملاك .انت متعصب اوى لية وبعدين زياد اخويا واية يعنى لم اخرج معاة
احمد .يبقى تعرفينى الاول وبعدين لم اوفق تبقى تخرجى معاه
ملاك .انا استازن بابا وقولت هقابل مازن واخاد زياد معايا
احمد .نعم مين مازن دة كمان إللى قابلتية
ملاك لنفسها .ياخرابى هيموتنى دلوقتى لازم اتماسك شويا
ملاك بقولك مين مازن دة وماتخلنيش افقد اعصابى عليكى
ملاك بهدوء عكس مابداخلها.دة صاحبى من الغردقة أقصد اتعرفت علية فى الغردقة
احمد بعصبية. نعم صاحب مين انتى من امتة بتصاحبى ولاد بقى ان شاء الله
ملاك .عادى حصل موقف وبقينا اصحاب
احمد .لا والله بجد ياحلاوة ماكنتش اعرف وكمان رايحة تقابلية كدة عادى ولا عاملة اعتبار لية اصلا وكمان قال اية واخدة زياد طب زياد اية وضعة بيراقب الجو ولا اية
ملاك .يعنى اية
احمد .مسك ايدها جامد. انتى هتستعبطى وتقولى زياد وبتقابلى واحد غريب وتقولى صاحبى ملاك انا صبرى نفد معاكى فوقى كدة وكلمينى زى مابكلمك مين زفت دة انطقى
ملاك بحزن. اية ايدى وجعتنى هتكسرها
احمد بعصبية .واكسر دماغك كمان لو ماتكلمتيش دلوقتى
ملاك. مش هتكلم واكسر إللى عايز تكسرة انا مش عايزاك اصلا ولا بحبك ولا عايزة اتجوزك وأبعد عنى بقى وسابت احمد مصدوم ودخلت عند باباها .
ملاك بدموع .بابا انا مش عايزة اكمل مع احمد وطلعت اوضتها وقفلت على نفسها وفضلت تعيط جامد على كلام احمد وتحكمة وعدم ثقتة فيها وعلطول عصبىعليها اكتر من الاول ...
احمد مصدوم من كلام ملاك خرج مش شايف قدامة ...
محمود مش مستوعب كلام ملاك لية قالت كدة خرج الجنيةيفهم من احمد بس لاقى احمد كمان مش موجود ..وبعدين بقى فى لعب العيال دة
بعد ساعة جى اتصال من محمد الهلالى
محمود .الو اية بتقول اية احمد
انا جاى حالا
YOU ARE READING
أعشق ملاكي
Romanceأعشق ملاكي الجزء الأول للكاتبة فاطمة الألفي المقدمة منذ عشرين عاما توفت زوجتة وهى تلد ابنتة الوحيد ملاك أطلق عليها ملاك لانها كانت تشبة الملاك حقا فى جمالها وبرائتها.
