أعشق ملاكي

الفصل الحادي والثلاثون

مازال عمرو على وضعة مصدوم من ما راءة فوجد صديق عمرة ليس لشعرة أى وجود فقد كان (اصلع)
سيف بالم .اية مالك مستغرب ولا مصدوم ولا زعلان ولا اية بالظبط
عمرو .اية عمل فيك كدة
سيف بابتسامة الم .الكانسر طبعا يا صاحبى
عمرو بعدم تصديق  .اية ازى وامتة ولية ماقولتش لية هو انا مش اخوك لية مش تعرفنى لية دايما كنت حاسس انك بتتوجع بس ماكنتش بتحكى كنت حاسس بنبرة صوتك واقولك مالك تقول تمام كويس مافيش لية ياسيف لية يا اخويا يا صاحبى لية مش قولتلى لية كنت جتلك وقفت جنبك ماكنتش سبتك لحظة كنت اهون عليك تعبك
سيف .مش حابب تتوجع معايا كفايا واحد فينا بس إللى يتوجع من لحظة ماسبتك وسافرت فرنسا وصلت على المستشفى اتعالج والشركة كنت صفتها من زمان وحياتى عايشها فى المستشفى ويتعالج باخد 3 جلسات كيمك فى الاسبوع عشان كدة جسمى ضعف وشعرى وقع ههههه بقت مستنى لحظة الموت وبصارعة كل يوم
عمرو يقرب علية ويحضنة ويبكى. حقى اعرف مالك حقك كنت تقولى كنت اكون معاك مش تكون لوحدك فى بلد غريبة كنت جتلك يا صاحبى كنت اديتك عمرى وحياتى فداك يا صاحبى انتى مش عارف انت اية بالنسبالى مش عارف لية تتعذب لوحدك لية تتالم وتصارع المرض لوحدك سيف لازم تخف فاهم لازم تتعالج لية العلاج مش جاب نتيجة امال اية الكلام إللى بنسمعة ان السرطان لية علاج والناس بتخف
سيف بابتسامة الم. ماقولتش عشان ماشوفش ادموعك دى عشان مش ازعلك علية عشان مش اضيع فرحتك عشان كدة ماكنتش عايز انزل واحضر فرحك عشان مش اكسر فرحتك لو انت مش اصريت ماكنتش جيت والعلاج فى ناس كتير بتخف وفى لا وفى تخف وترجع تنتكس تانى وتموت وخلاص وانا تعبت وقررت الاستسلام مابقاش عندى طاقة تحمل يا صاحبى بجد تعبت صبرى قل ومافيش حل بتالم كل يوم وكل دقيقة وبتوجع ومعندش قدرة تحمل خلاص النفسبة 0 يا صاحبى
عمرو. ماتقولش كدة ربنا كبير وموجود وهتخف وانا معاك وملعون ابو الفرح على الجواز على أى حاجة يحرم علية الفرح من غيرك لازم اطمن عليك لازم تكمل علاجك سامحنى لو اعرف كنت جتلك وفضلت جنبك مش كنت نزلتلك فين علاجك انت هترجع تانى تكمل العلاج وانا هكون معاك ومش هسيبك فاهم مش هسيبك غير لم تخف 
سيف .ياعم اسكت شويا هو اية اللى ارجع وانت معايا انت مجنون يا ابا انا مصدقت جيت وبعدين فرحك كمان 10 أيام تسيب مراتك وتسافر مع صاحبك انت عبيط يابنى انت ههههه انا معاك اهو
عمرو .لازم تكمل علاجك وانا ..
سيف .بس اسكت سبنى اتكلم الدكتور بتاعى قلى انزل اغير جو وامشى على العلاج وبطل بقى دراما عشان انا تعبت وعايز ادخل انام بقى وفرحك هيتم فى معادة واللى انا اتجوز خطبتك وخليك انت فى شغل الدراما دة ههههه
وترك صديقة عمرو فى صدمتة ودخل غرفة لينام أو بمعنى اصح يدعى النوم ويحدث نفسة.
غصب عنى ياصاحبى مااقولش عشان مش اشوف دموعك وعشان ماتعيش امل كداب واشوف شفقة فى عنيك ولمعة الفرحة تنطفى واكسر قبلك وتتوجع علية وانا عارف انك مالكش حد غيرى غصب عنى يااخويا ياحبيبى نفسى افرح بيك واجوزك واطمن عليك مش تكون حزين فى فرحك عشانى بس دة نصيبى وانا راضى بية..اةةةة لية بس افتكرت ملاك لية  دقيت تانى كنت قولت خلاص نسيتها ومش هتدق تانى ليها ولا لغيرها اسكت ياقلبى كفايا دق كفايا علية وجع...
.............
اتخذ احمد قرار بعد أن علم عنوان الدكتورة من كريم صديقة وقرر الاتصال على ملاك
...
احمد لنفسة. مافيش غير الأمر الواقع مش هتدخل معاها فى تفاصيل انا اتصل ونفجر القنبلة وخلاص ربنا يستر على الجريمة إللى هنعملها دى كفايا اسم الدكتورة لوحدة مصيبة ههه
.......
فى مكتب ملاك
ملاك تبتسم لنهى
ملاك.ها تمام يانهى عايزة نضيف حاجة جديدة
نهى بفرحة. يالهوى يهبل ميرسى ياملاك بجد
ملاك بابتسامة. بس يابنتى عيب احنا اخوات كدة هيقفل على كدة تمام وبعدين انتى إللى قمر فى الفستان
نهى .تسلمى ربنا يخليكى
ملاك. هيخلص خالص كمان يومين وهبعتة على عنوان بيتكم
نهى .والله ماعارفة اقولك اية ولا عمى محمود بجد انتو اكتر من اهلى
ملاك .طيب ياختى اقلعى بقى الفستان عشان يتظبط بقى هههه
....
(حياتى يتصل )
ملاك بابتسامة. الو ايوة ياحبيبى
احمد .حبيبى واحشتينى قولت اسمع صوتك
ملاك. اممم وسمعت هههه
احمد. لا لسة هههه بتعملى اية
ملاك بغرور .بشتغل طبعا انت فاكر اية انا مهمة فى شغلى
احمد. لا انتى مهمة فى حياتى بس مش فى شغلك هعدى عليكى نروح مشوار مع بعض كمان ساعة تكونى جاهزة ياملاكى تمام
ملاك .هنروح فين
احمد. لا دى مفاجأة
ملاك .اوكية
احمد. هاتى بوسة بقى على مااشوفك ههه
ملاك .ههههه اقغل ياعم انت مش فاضية
احمد. بقى اطلب منك بوسة تفصلينى كدة ماشى لم اشوفك بقى سلام ياعمرى
ملاك بنفس صوت احمد .سلام ياعمرى هههه
.............
احمد بتنهيدة .هههههه مجنونة بس بعشقها انا لية خايف من رد فعلها يبق اقولها الاول ولا اسيبها تتفاجا طب اقول لمين بس ياسين اخويا هتصل واشوفة
........
ياسين يدخل من باب الفيلا وجاء اتصال
(الكبير يتصل )
ياسين .ايوة ياكبير خير
احمد .اية ياعم ياسين انت بتقفل لية
ياسين .هههه لسة داخل البيت ومستغرب احنا كنا مع بعض فى الشركة اية واحشتنك ومش قادر على بعدى هههه
احمد. بقولك اية مش وقت هزار اسمعنى
ياسين .سامع قووووول
احمد .انا خدت معاد عند دكتورة عشان ملاك تاخد مانع الحمل ومش عارف اقول لملاك اية وابدا ازى خايف تزعل اية رايك لو حطها قدام الأمر الواقع واخدة نروح دكتورة وهى تبق قبنلة وفرقعت وخلصنا
ياسين .ههههه انت مجنون هى دى عايزة قنبلة وتفرقع لا لازم مقدمات ياكببير خصوصا مع ملاك انت عارف لم تزعل اية بيحصل ربنا يكون فى عونك يا اخويا هههه
احمد. قال انا بستشيرك قال روح نام يا ياسين احسن
ياسين. طب هتعمل اية بس ملاك مش من النوع دة يا احمد ماتبحش تحكمك دة انت كدة بتلغى رائيها
احمد. طب اقفل انت كدة قلقتنى بزيادة سلام
ياسين .سلام ...
كانت تتسمع على حديثهم
فرحة .ياسين انت جيت ياحبيبى
ياسين .لا لسة جاى فى الطريق هههه ماانا قدامك اهو يا ماما اية لازمة السوال الغريب دة
فرحة .ولد بطل هزار
ياسين .ولد اية دة انا شحط قدامك انا مجوز ومخلف وتقولى ولد عيب يا ماما هبتى هضيع قدام مراتى هههه
فرحة .طب اطلع يا خويا لمراتك
ياسين .الله اية الوش الخشب دة ياست الكل فى اية ياجميل
فرحة .مافيش اخوك عامل اية مش جاى انهاردة
ياسين .تقصدى احمد لا مش جايا
فرحة .لية بقى
ياسين .وانا مالى ياماما ماعرفش جاى ولا مش جاى عن اذنك اغير هدومى..
.........
فرحة لنفسها. ماشى ياولاد بطنى هشوف اخرتها معاكم اية ..
.........
فى مطعم ما على النيل
مروان مع زوجتة مرام .
مروان .ها ياقلبى هتتغدى اية
مرام .اى حاجة على ذوئك
مروان بحب .عيونى
طلب مروان الاكل وبدأ فى تناول غدائهم وبعد الغدا تحدث مروان
مروان .خير ياقلبى موضوع اية عايزة تتكلمى معايا فية
مرام بتوتر .مروان انا كنت عايزة
مروان بابتسامة .قولى يا ميرو ماتتكسفيش ياقلبى دا انا جوزك يابت ههه
مرام .هههه
مروان .امتة بقى تبقى فى بيتى ياروح القلب
مرام .كنت عايزة نسكن بعيد عن اهلك عايزة شقة صغيرة تكون خاصة بينا ونعيش فيها على راحتنا
مروان .حبيبى ماهيكون ليكى جناح خاص بيكى وهتكون شقتنا الصغيرة جوة الفيلا انا بحب جو العيلة ومش عايزة تبقى لوحدك سارة موجودة فى الفيلا وسيلا انا مااقدرش ابعد عن سيلا وانتى بتحبى سارة هتونسو بعض
مرام .انا بحب سارة بس بصراحة خايفة من طنط
مروان .ههههه ماما هى بتخوف ولا اية
مرام.لا والله ماقصدى بس انا شايفة بتعامل ملاك مش كويس وملاك بنت عمكم امال انا بقى هتعاملنى ازى انا بقول لم نعيش لوحدنا هيكون احسن لينا كلنا
مروان .حبيبتى انتى فاهمة غلط ماما بتحب ملاك بس حكاية المرض وخوف ماما ان احمد مايكونش عندة اولاد بس ماما مع الوقت كلنا عارفين انها هتغير رايها وتحب ملاك تانى زى الاول واكتر كمان
مرام .يعنى عشان ملاك تعبانة يبق مش هتخلف دة سكر مش مرض خطير لقدر الله
مروان .كلنا فاهمين كدة بس ماما معتقدة بقى انها لا هتحمل ولا تخلف اولاد ولو خلفت ممكن الاولاد يتولدو تعبنين زى ملاك
مرام . دى شئ فى علم الغيب وانا مش عايزة يحصل مشاكل ارجوك يا مروان
مروان .طب عندى حل كويس انا هجيب الشقة ونفرشها على ذؤقك وكمان هنفرش الجناح بتاعنا فى الفيلا  ولو مش عجبك تعيشى معانا فى الفيلا اوعدك هنعيش فى الشقة
مرام .بس لية تكلف نفسك فى تجهيز مكانين
مروان بحب.عشان بحبك ومستعد اعمل اية حاجة عشان سعادتك ياقلبى
........
بعد ساعة وصل احمد إلى شركة ملاك وهاتفها ونزلت فى استقبالة
ملاك بابتسامة. حبيبى لية ماطلعتش
احمد .يقبلها فى جبينها. طب سلمى الاول
ملاك. احمد عيب احنا فى الشارع
احمد. مراتى ياقلبى وعادى اتفضلى
فتح لها باب العربية وركبت ملاك
وذهب احمد إلى المقعد الخاص بية وبدأ فى السواقة...
بعد نصف ساعة وصل امام عمارة الدكتورة
احمد .اتفضلى وصلنا
ملاك باستغراب. وصلنا فين احنا جاين نعمل اية فى العمارة دى
احمد يمسك بيد ملاك .تعالى وانتى هتعرفى
ركبو الأسانسير  وتوقف فى الطابق الخامس
واحمد يحتضن يد ملاك .يلا ندخل
ملاك بصدمة .تنظر إلى احمد وتنظر إلى الشقة الموجود عليها يافطة الدكتورة
ملاك  بصدمة .دكتورة جرمين القاضى دكتورة النساء والتوليد والعقم.
ملاك تنظر إلى احمد بدون أى تعبير على وجهها.. لية ،؟؟