أعشق ملاكي

الفصل التاسع عشر

اتصل احمد على ياسين وحكى كل حاجة حصلت فى غيابة وياسين فرح لاخوة جدا وشجعة على موقفة مع ملاك ان كدة صح وان والدتك بكرة تفرح لم تشوفك مبسوط واقتنع احمد بكلام اخوة وبعد يوم طويل فى الشغل ذهب إلى البيت عشان يستعد لمقابلة ملاك
احمد .سلام عليكم ازيك ياست الكل
فرحة. وعليكم السلام كويسة
احمد يقبل يدها. يارب دايما بابا فين
فرحة .فى المكتب
احمد .طب هو حضرتك مش تجهزى عشان تيجى معانا
فرحة .يهمك ان اجى معاك

احمد .طبعا يا ماما مش عايزة تباركيلى وتفرحى معايا ولا اية انا فرحتى مش هتكمل اللى بيكى ياست الكل
فرحة بتنهيدة .وانا نفسى افرح بيك وربنا يسعدك هعمل اية بقى دة اختيارك وانت حر مبروك
احمد بحب.الله يبارك فيكى ياست الكل انا هطلع اجهز بقى ...
ملاك مع رؤى بتلبس ومتوترة ورؤى فرحانة انها كبرت وبقت عروسة
رؤى بحب .مبرووووك ياقلبى ربنا يسعدك ويفرحك يارب
ملاك بابتسامة. ربنا يخليكى يا ماما عبقال زيزو
رؤى. ههههه يا ريت هو يعقل وانا اجوزة علطول ههه
(لبست ملاك الفستان الفيروزى وحجاب نفس لون الفستان وكانت جميلة اوى وشيك ولبسها بسيط)

رؤى .زى القمر ياحبيبتى
ملاك .انا قلقانة وخايفة مش عارفة لية
رؤى .دة الطبيعى بس وماتخفيش دول عمك ومرات عمك واحمد مش حد غريب بلاش قلق
ملاك .انا حاسة انى اول مرة اشوفهم هههه
رؤى .معلشى اهدى كدة وبلاش توتر وانا هنزل اكون فى استقبالهم وماتنزليش إللى لو زياد جالك ماشى اتقلى كدة ههه
ملاك بتوتر..حاضر
بعد دقايق رن جرس الباب فى بيت العروسة
وصل احمد والدة ووالدتة
بعد الترحاب من محمود وعمر ورؤى وزياد قعدة شويا
محمد .اية يامحمود فين عروستنا
محمود .اطلع يازياد نادى ملاك
زياد .حاضر ياعمو
زياد .ملاك يلى ياحبيبتى العريس مستنى هههه يخربيتك مالك كدة انتى بتتكثفى ههه ماكتتش اعرف
ملاك .زياد اتلم بقى الله
زياد بحب .والله قمر يلى ننزل بقى
دخلت ملاك مع زياد واول ما احمدشافها ومكثوفة ومش مستوعبة الموقف وقف وبيبص عليها بحب واعجاب من جمالها
رؤى .ملاك حبيبتى مالك سلمى على طنط
ملاك .تقبل فرحة من خدها ازيك ياطنط
فرحة بابتسامة صفرة .ازيك ياحبيبتى
ملاك تقبل عمها .ازيك ياعمو
محمد .حبيبة عمو قمرماشاء الله
ملاك بتبص لاحمد واحمد مد يدة يسلم على ملاك بحب .ازيك ياملاكى
ملاك بكثوف .الحمدلله وسابت احمد واقف مكانة وراحت قعدت جنب بباها
محمد .طبعا يامحمود عارف احنا هنا لية انا بطلب منك ايد ملاك لابنى احمد
محمود .طبعا موافق احمد دة ابنى مش هلاقى لملاك احسن من احمد والمهم رأيهم
محمد .اية ياملاك موافقة على احمد ولا اية ههه
ملاك .موافقة
احمد .بتقولى اية على صوتك شويا مش سامع ههه
ملاك نظرة تحدى...
محمد.طب نقرة الفاتحة وبعدين هم يحددو أى وقت ينزلو يشترو الشبكة وان شاء الله لم ياسين يرجع من السفر وكمان يكون زين رجع هو ومروان ونعمل حفلة لكتب الكتاب اية رايكم
محمود .موافقين طبعا والوقت إللى يناسب ملاك واحمد يشترو الشبكة فيةبراحتهم
بعد قراية الفاتحة .رؤى يلى بإجماعة العشا جاهز وبعد لم اتعشو روحووسابو احمد
احمد .ممكن ياعمى اقعدمع ملاك فى الجنينة بعد اذنك
محمود .اتفضل يابنى
احمد خرج الجنينة ومعاة ملاك
احمد .ملاك انتى مالك كدة زى مايكون القطة اكلت لسانك
ملاك بنظرة زعل .شكرا
احمد .انتى مكثوفة ولا اية بالظبط مالك بجد هتخبى عليا من اولها
ملاك بحزن. كان نفسى ماما تكون معايا وتفرح معايا فى يوم زى دة
احمد بحب .حبيبتى هى اكيد فرحان بيكى وحاسة بيكى كمان لم تفرحى بتفرح عشانك فبلاش دموع بالله عليكى
ملاك .حاضر
احمد .اية الجمال دة والفستان تحفة عليكى
ملاك .شكرا
احمد .ههه شكرا اية كل حاجة شكرا لا دة انت مش طبيعية خالص بقى هه
ملاك .ههههه لية شايفنى مجنونة ولا اية
احمد .بقولك اية رايك ننزل نشترى الشبكة بكرة الفستان والبدلةبعد بكرة
ملاك. لا طبعا الشبكة لم حبيبة وفريدة يرجعووكمان الفستان انا هشترية معاهم
احمد .نعم مع مين انا خلاص كلها عشر أيام واكون جوزك وانتى عايزة تنزلى مع صحباتك لا طبعا انا إللى هختار معاكى الفستان وانتى اختاريلى البدلة
ملاك .بس انا عايزة صحابى معايا ويفرحو معايا
احمد .الشبكة ممكن يكونو معاكى لاكن الفستان هنختارو سوى ولازم يعجبنى فاهمة ولا لاء
ملاك .اة طبعا هتبدا تتحكم فية مش كدة
احمد .لا ياقلبى مش تحكم حب وغيرة عليكى مش اكتر بحبك
ملاك ...
احمد .طب قوليلى حاجة طيب
ملاك .ههههه
احمد. ياخرابى على دى ضحكة بموت فيكى
ملاك غنيلى ممكن
ملاك .اية لية يعنى
احمد بغمزة .صوتك حلو وعايز اسمعة انا وبس
ملاك بتفكير .اممممم اغنى اية
احمد .على زوقك بقى
ملاك غنت اسمى
اسمى يفرق فى اية وياكى
انا حد عاشق ولاقاكى
انا انسان عمرى لو الف عام فى عنيكى بلاقى طفل وبلاقينى دفا وامان
انا عندى لعنيكى كلام ماحدش غيرو فى الدنيا يقولو فى يوم من الايام ليكى او لناس تانية
انا زادى فى هواك الشوق وزوادى وانا المعشوق وانتى الشمس مهما تغيب تانى تنورى الدنيا
ولافيت بلاد الله وهحكى لكل خلق الله عن سيرة هوا  عاشق عن عاشق الى مولاة
احمد بحب .صوتك جامد واغنية جميلة .بقولك ورينى المرسم بتاعك
ملاك .تعالى من هنا دة كان بتاع ماما ودخلو اوضة المرسم فى الجنينة واحمد انبهر اكتر من جمال المرسم وكمان رسم ملاك
احمد  .اية دة انتى موهوبة بجد وكمان رسمة صورتى بتحبيبنى اوى كدة اعترفى
ملاك بكثوف. عادى على فكرة
احمد قرب منها وطبع قبلة على جبينها وانا بعشقك
اية رايك تيجى تصممى مواقع معايا رسمك حلو اوى واكيد هطلعى الرسم المطلوب
ملاك .لا طبعا انا وحبيبة وفريدة هنفتح مكتب لينا احنا التلاتة وهنشتغل لوحدنا بس لسة ماعندناش الشقة إللى هتكون مكتبنا
احمد .اة عايزبن تكونو لوحدكم
ملاك .اة طبعا تشتغل نحقق نجاحنا
احمد بابتسامة. طب والمرسم
ملاك .انا عندى المرسم وان شاء الله فى يوم من الايام هفتحو طبعا بس المكتب هيكون شغلنا الخاص ف تخصصنا فى دراستنا وهى الازياءوالموضة
احمد. خلاص انا هشوفلكم المكتب إللى يناسبكم
ملاك .لازم يعجبنا الاول