أعشق ملاكي

الفصل الخامس والعشرون

مازن .عايز اتكلم معاه هو مش دكتور نفسى انا تعبان يااحمد ومحتاح حد متخصص يسمعنى واكيد هو اكتر حد هيفهمنى وهو عارف نص حكايتى اكيد مع حياة انا عايز اتكلم عن باقى حكايتى مع فريدة
ولا هيرفض يعالجنى مثلا
احمد .لا طبعا كريم استحالة يعمل كدة اتفضل دة العنوان ورقم الفون
مازن .شكرا يااحمد
احمد. على اية تحب اجى معاك
مازن .تسلم ياغالى خليك جنب ملاك وانا لم اخلص معاه هاجيلكم
احمد. تمام منتظرك
............
قرر مازن أن يذهب إلى عيادة دكتور كريم وحجز موعد وجاء دورو
تفاجأ كريم بوجودة
كريم .مازن اتفضل اهلا وسهلا
مازن يصافحة باليد .ازاى حضرتك يادكتور
كريم بابتسامة. احنا قولنا مافيش القاب ولا اية
مازن .بس انا جاى استشارة ولازم اتكلم معاك بصفة دكتور
كريم .تحب تشرب اية الاول
مازن .شكرا ماليش نفس
كريم .خير اتفضل استشارة اية اللى عايزة
مازن .اولا احب اوضحلك حاجة مهمة الاول إللى حصل فى الحفلة كان مجرد صدفة وانا انصدمت من وجود المدام بس مش اكتر يعنى مافيش أى حاجة من نحيتى اتجاهة اقسم بالله هى كانت فى الماضى وانتهى الأمر ومن آخر مرة اتقابلنا قدام البيت وانا لا شوفتها ولا كلمتها ولا فكرت فيها
كريم بابتسامة. اولا انا عارف مراتى كويس اوى وعارف مافيش حاجة لا من ناحيتك ولا ناحية مراتى ومن فضلك الموضوع دة مايتفتحش تانى
مازن .تمام اوعدك
كريم .خير بقى لية انا بالذات
مازن .عشان انت الوحيد إللى هتفهمنى لكن تعرف نص حياتى عايز اتكلم عن النص التانى وتسمعنى وتفهمنى وهل انا مريض ومحتاح اتعالج او لا انا بجد تعبان جدا
كريم .واضح كمان انك مابتنمش فى اية انا سامعك
مازن .اول لم قابلت فريدة اعجبت بيها كانت لسة مش محجبة انا كنت اعرف ملاك الاول وهى الملاك إللى خلانى اشوف نفسى كويس وابطل اظلم اخويا واعمل العملية وعملتها ونجحت وتعرفت على فريدة وفى خطوبة ملاك واحمد شوفتها بالحجاب واتشديت ليها اكتر بعد كدة قربنا اكتر من بعض واتخطبنا وعملنا كتب كتاب انا اعرفها بقالى سنة ونص واتجوزنا بس من شهرين كانت الحياة تمام فى الخطوبة وكتب الكتاب وعادى بس مش عارف اول لم اتجوزنا الدنيا اتقلبت فى اول الجواز كانت محرجة منى ودة عادى الطبيعى واحدة واحدة الامور بقت تمام والخوف والتوتر بتاع بداية الجواز راح وفضينا شهر العسل وكنت فرحان جدا وبحبها جدا بس حسيت دايما انها بتفضل تقولى بتحبى بجد وانا دايما اقولها طبعا ياقلبى ياعمرى الكلام دة عشان اوصلها قد اية بحبها لكن هى زعلت وقومت الدنيا بينا واتخنقت معايا وقالت انى مابحبهاش عشان مش بنادى باسمها وعديت الموقف رغم أن زعلت انها كبرت الموضوع وقولت معلش لسة بداية حياة جديدة دايما توصلى احساس عدم الثقة انا واصلى انها مابتثقش فية اطلاقا وكل شويا خناق على اتفه سبب بحسها بتقلل من نفسى وعدم ثقة غير كمان شك دايما وآخر مرة فسرت مقابلتى معاكم فى الحفلة شئ تانى فى دماغها ومهم ادافع عن نفسى فى حاجة معينة كدة فى دماغها مقتنعة بيها وانا كتر الكلام فى الموضوع دة بيتعبنى بجد بتوتر نفسينا انا اعصابى مش متحملة شك وعدم ثقة وخناق كل شويا انا بنهار بجد هى مش قادر تفهمنى او تحس بية انا جوايا شرخ فى قلبى منها لم سابت البيت وروحت ارجعها وهى رفضت عشان عناد مش اكتر عارفة انها غلطانة بس ماتقدرش تعتذر عايزة انا إللى افضل اعتذر واطلب السماح منها يوم الحفلة كنت هقلب العربية من كتر عصبيتها وخناقها معايا وانا سايق وانا بتوتر بسبب حادثة أمى وموتها هى مش قادر تفهم كدة انا لسة بعانى بجد من موت امى لسة احساس انى السبب موجود جوايا ومتغلب عليا بحاول ادارى واخبى جوايا انا وبس خفت اخسرها هى كمان مش مستحمل افقد حد وخصوصا هى بجد بقت مراتى وحبيبتى ودنيتى كلها
كريم .ارتاح وكفايا كدة انا هقولك انت مالك انت مش مريض نفسى انت بس فاقد حاجة معينة وعايز تلاقيها فى مراتك انت اة بتحبها وخايف عليها تفقدها زى والدتك انت لسة بتحمل نفسك موت مامتك رغم أن دة قدر وربنا كاتبة بس انت حاسس بعد لم رجع النور لعنيك وحبيت واتجوزت وكملت فى حياتك حسيت انك كدة انانى عشان قررت تعيش حياتك ومامتك ماتت فكل لم تشوف نفسك فرحان ومبسوط هتحسى بتأنيب الضمير ان مامتك تحت التراب وانت عايش وبتضحك وبتحب ومكمل حياتك دة احساس ذنب شايلة جواك عشان كدة مش مرتاح ونوم متقطع وكمان مراتك بدل ماتديك حب وحنان واحتواء انت محتاحة هى بعدت عنك وانت تعبت اكتر بص يا مازن انت إللى تقدر تساعد نفسك بنفسك مشكلتك بسيطة حلها عندك والدتك دلوقتى فى مكان احسن صلى ادعيلها اعمل عمل خير خرج صدقة اعمل صدقة جارية ساعد يتيم أى حد محتاج اشغل نفسك بعمل تطوعى ساعد فى دار المسنين أى راجل او ست كبار فى السن قرب منهم وساعدهم خصص جزء ولو بسيط من وقتك كل أسبوع مثلا قضي الوقت فى دار المسنين ساعد ست كبيرة كأنك بتقدم المساعدة لوالدتك والعمل الصالح هيوصل صدقنى هتحس براحة وسكينة وهتنام مرتاح البال ومش شايل هم وهتاحس بامان وهتحس كمان بحضن والدتك إللى هو ناقصك والدفى بتاعها
دى موضوع تأنيب ضميرك اما بقى حكاية مراتك والشك وعدم الثقة وكل الكلام دة عشان هى فاهمة ان عشان حبيت قبلها مرة ورجعت حبيتها هى خايفة تحب بعدها أو تحب عليها خصوص لو انت اول حب فى حياتها هتفضل تفكر انا ماحبتش غيرة هو واحد لكن هو سهل يحب تانى وتالت وعاشر عشان كدة الثقة معدومة بينكم خليك بارد فى التعامل معاها هتحس بفجوة جواها فهتراجع نفسها هتعرف انها السبب الاساسى هتفضل تقرب هى وانت تسبت على مبدءك وبرودك مش هتقبل كدة هيحصل حوار بينكم عتاب كل واحد يخرج لتانى اية مزعلة اعملة زى كشكول المشاكل لكل واحد فيكم واحد وقت لم بزعل من التانى يدون فى الكشكول اية تاعبة اية شاغل بالة وتفكيرة اية لازم يعملة واية لازم يبعد عنة أى مشكلة توجهكم تكتبوها فى الكشكول وآخر الاسبوع كل واحد ياخد كشكول التانى وتبداو تعملو إللى يريح دة وهى هتسعى تعمل على راحتك وانت كمان وواحدة واحدة هتفهمى لبعض من غير أى كشكول ولا كلام بس هتعرفو عايزين اية محتاجين اية من نظرة العين بس هتكونو حفظتو لبعض اية بيفرح مراتى واية يزعلها واية يعصبها وتبعد عن كل دة دى اول خطوة اسعى فيها وانت بتحبها مش مهم عناد وتكبر فى الحب اتخلى عنهم دول بيدمرو الحب مافيش مانع لم تعتذر وحسسها ان الاعتذار عن الخطأ احسن بكتير من ان عارف انى غلط ومتكبر اعتذر على فكرة المشكلة بسيطة وكون مافيش ثقة انت ازرع جواها الثقة من جديد مش عيب تحاول انت تنحنى شويا عشان مش تتعب بعد كدة وقبلك إللى يتكسر لازم تعدى حاجات عشان المركب تمشى بدون قيود واقطع انت عليها أى شك شاركة يومك فى الشغل عملت اية لو فى مشكلة قربها منك وقالها حتى لوعندك انت حل المشكلة دى حاول تشغلها معاك واعرف كمان يومها ماشى ازى  كان حلو كان وحش لو مدايقة خفف عنها بضحكة بنظرة الستات دة كائن طيب جدا وبيفرح بلمسة بنظرة بكلمة وبحضن بطبطبة ومافيش مانع كمان هدية ههههه
مازن .امممم هنخصر كتير كدة هههه
كريم .ماتنساش ان
*العتاب إهتمام والصمت بداية انسحاب *
مازن .انا متشكر جدا يادكتور ماتصوريش حضرتك خففت عنى قد اية
كريم .دة واجبى ودى لعبتى دكتور نفسى ههههه على فكرة ماتجيش تانى اشوفك عند احمد بقى ان شاء الله
مازن .انا رايح عند احمد تحب استناك لم تخلص كشف
كريم.هههه لا طبعا انت عايز اخد كرت احمر واتطرد من البيت ولا اية سلملى علية
مازن.اكيد طبعا يوصل مع السلامة
خرج مازن مرتاح البال من كلام كريم وخلى عندة امل فى بكرة واحساس براحة وتاكد فعلا ان حياة تستحق هذا الشخص ليعوضها وتمنى لهم السعادة والخير وتذكر مقولة
...لن تقابل شخص بالصدفة ؛؛ القدر  حدد ذلك  لانة يحمل لك رسالة ..؟
فتذكر أن كل شخص تلتقى بة يحمل لك رسالة ..
دونها فقد تحتاجها فى المستقبل ..