أعشق ملاكي

الفصل الثامن

ملاك .انا هسيبك تاخد القرار المناسب ليك ولاخوك ولحياة  ومن حق اخوك يكون أسرة حتى لو انت رافض  تعمل العملية بلاش توقف حياة اخوك اكتر من كدة واخر حاجة هقولهالك صلى وادعى ربنا يختارلك الاحسن وفكر كويس فى حياتك إللى جاية
ممكن تجيب موبيلك هسيف رقمى ولو خدت قرار صح ياريت اعرفة
مازن طلع الموبيل فى صمت واخدتة ملاك وسيفت رقمها ورنت على رقمها وسابت مازن فى صمت
مازن اتصل على حسام وبيفكر فى كلام ملاك واللى قالتو على نفسها ورغم صغر سنها الا انها عرفت تتكلم معاه وتوصلو لقرار وواجهتة بالحقيقة الغايبة عنة ...

سيف كان واقف وسامع ملاك وشاف دموعها وغصب عنة دموعة نزلت عشانها .لا بجد ماتستهالش انتقامى قد اية انا واطى وتافة انا لازم اعتذر عن إللى حصل فى النادى ..ذهبت ملاك إلى غرفة نومها فى الفندق واتصلت على توام روحها زياد وبعد دقايق خرجت وذهبت إلى والدها .
ملاك.بابا ممكن نخرج نتفسح بقى
محمود .اكيد ياحبيبتى بس قوليلى مالك الاول شكلك معيطة
ملاك .حكت لباباها كلام زياد وكلامها معاه من غير ماتحكى عن وجعها الحقيقة من تعبها. عشان عارفة والدها بيحزن عليها .محمود انا فرحان بيكى انتى عملتى الصح مازن كان لازم مواجهة زى دى انا فرحان انك كبرتى وبقيتى تحلى مشاكل كمان
ملاك .ههههه بنتك يابص هههه
وخرجت مع والدها يتفسحو ويكتشفو الغردقة واتعشو وذهبت فى نوم عميق من تعب اليوم إللى مرت بية
فى الصباح .جاء اتصال لملاك وكانت المفاجأة
(مازن يتصل )

ملاك. الو سلام عليكم
مازن .وعليكم السلام ملاك انا مخنوق اوى ومحتاج اتكلم معاكى
ملاك .اوكية ساعة ونتقابل على البحر
مازن .وانا هستناكى سلام
ملاك .سلام
ذهبت ملاك اخدت شاور وغيرت ملابسها  اديت فريضتها واخدت حقنة الانسولين وفطرت مع والدها
ملاك. بابا مازن اتصل وبيقول عايز يتكلم معايا ويقابلنى على البحر تفتكر خد قرار بالسرعة دى
محمود .بعد كلامك معاة امبارح كان لازم ياخد قرار ويفوق لنفسة واكيد خد القرار الصح
ملاك .اتمنى ذلك ههه

ملاك فى طريقها إلى مازن قابلت سيف
سيف .لو سمحتى يا آنسة ممكن دقيقة بس
ملاك باستغراب. انا
سيف .ايوةانتى انا اسف ان دايقتك فى النادى فى القاهرة
ملاك بتفكير .نعم اسف  هو انت
سيف .ايوة انا إللى ضربتية بالقلم واسف على الموقف البايخ إللى حصل
ملاك .وايةبقى يخليك تتاسف اكيد فى حاجة
سيف بابتسامة.والله ابدا انا كنت عايش فى فرنسا وكنت فاكر عادى أى شاب يتعرف على بنت عادى ماعرفش ان مصر لسة فيها بنات زيك كدة وبعدين انتى استفزتينى لم مديتى ايدك علية
ملاك .ماهو انت إللى قليت ادبك عايزنى اعاملك ازى

وخلاص اسفك مقبول عشان عرفت غلطك وانا مسمحاك ياسيدى حاجة تانية ولا امشى بقى
سيف .ماتيجى نقعد مع بعض شويا بدل الوقفة دى
ملاك .والله واضح انك مابتتعلمش من غلطك وبتقررة تانى
سيف بضحكة .هه خلاص والله بهزر
ملاك .عن اذنك بقى
سيف.مع السلامة (هتوحشينى)
ذهبت ملاك بسرعة لمازن
ملاك .احم اتاخرت عليك
مازن .ملاك لا ابدا
ملاك .خير عايزنى فى حاجة
مازن بتردد. انتى زعلانة منى
ملاك .لاء وهزعل منك لية
مازن .انا بجد مخنوق وعايزك تسمعينى كويس ومش عارف اخدقرار يريحنى