أعشق ملاكي

الفصل الثالث عشر

فى مكان تانى بعيد عن القاهرة فى مستشفى بألمانيا. كان يقف امام غرفة العمليات ويدعى ربها ان تمر الامور بسلام ويشفى اخية ويرد اليه نور عينة
اكيد عرفتو مين
كان القلق مسيطر على حسام اثناء دخول مازن غرفة العمليات لكى يحدد مصيرة كان يناجى ربها ان يرد بصر اخية وبعد ساعتان من دخول اخية خرج الدكتور ليطمئن حسام على نجاح العملية وان مازال تحت تأثير البنج ولا يفيق الا بعد ساعات وان العملية تمت بنجاح ولم يبق سوا خطوة واحدة بعد فك رباط العين بعد ثلاث أيام ويتاكدو من نجاح العملية 100/100
نرجع تانى لمكان احمد ومحمود الهلالى
احمد .يعنى خضرتك كنت عارف ياعمى ان بحب ملاك
محمود. اة طبعا عارف بس جاى متاخر يااحمد
احمد بصدمة .متاخر لية فى حد تانى
محمود بضحكة .هههه لا يابنى كلامك اتاخر اوووى عشان انا عارف وشايف الحب فى عنيك من زمان ماتنساش انى حبيب قديم هههههه
ونفس نظرة عينك وحبك وخوفك على ملاك انا متاكد منة عشان نفس نظرة عينى لزهرة الله يرحمها
احمد .الله يرحمها ياعمى عمرك مانستها
محمود بتنهيدة .انساها ازى وهى عايشة معايا فى كل وقت شايفها فى ملاك شكلها روحها حتى ضحكتها ربنا يخلى ملاك عوضتنى عن مامتها الله يرحمها خلينا فيك بقى لسة فاكر تتكلم يا اخى
احمد .ههه كنت غبى بقى ههههه وكنت فاكر انها بتحب زياد ماعرفش ان زياد اخوها ولم اعرفت ماتردتش لحظة وجيتاتكلم مع حضرتك الاول
محمود .اممممم تقصد زياد
عشان كدة كنت بلاقيك متغير وفجاة تقلب ههههه
احمد .اسف ياعمى والله غصب عنى
محمود .كل شيئ مباح فى الحرب والحب يااحمد
بس شوفت اخر تفكيرك اية كنت ممكن تضيع ملاك من ايديك بسبب غباءك دة ههههه
احمد .ماانا جاى اتعلم منك بقى ياعمى انصحنى بقى ياكبير
محمود بهدوء. ان اممممم عايز اية بقى انا إللى اقول لملاك ولا اية
احمد .مش بالظبط بس نعمل خطة زى الا اتعملت فيةواعرف بنفسى ملاك بتحبنى ولا
محمود . هههه مجنون عايزنى اساعدك قدام بنتى لا يمكن ابدا هههههه
احمد .معايا ولا اية
محمود بتوتر. لا استنى الاول فى حاجة مهمة لازم تعرفها مش يمكن تغير رأيك
احمد بقلق .خير حاجة اية دى
محمود .ملاك تعبانة عندها سكر مولودة بيةوعايشة على الانسولين ولو نسيت الجرعة ممكن تدخل فى غيبوبه سكر فى أى لحظة أو لو اتعرضت لزعل او قلق السكر بيلخبط عندها تبع الحالة النفسية كمان
احمد بصدمة .اها سكر ازاي مش فاهم
محمود .اناعارف انك مصدوم دلوقتى ومحدش يعرف غيرى انا وخالها عشان عاشت اول فترة عند خالها ومامتها رؤى وزياد عرف لم دخل طب وساعات كان هو إللى يحقنها او تحقن نفسها وهى صغيرة انا كنت بحقنها واصحابها فريدة وحبيبة عارفين طبعا عشان لو اتعرضت لاي موقف بيعرفو يتصرفو
احمد .كل دول يعرفو وانا لا ازاى ياعمى مش عرفتنى وانت عارف ان اكتر حد قريب منها وكمان كنت عارف مشاعرى
محمود .عشان مش تصعب عليك مش عرفتك ولا عرفت حتى اخويا عشان مش اشوف نظرة شفقة وحزن عليها عشان اشوف الحب فى عنيك مش شفقة مش عشان بنتك عمك لا كنت عايز اتاكد بتحبها ازى حب اخوات ولا حب بجد ولا خوف عليها عشان انت اقرب حد ليها
احمد .بس انا عمرى مااشفق على ملاك دى ملاكى الصغير إللى اول ماجت الدنيا وانامتعلق بيها نفسى اخبيها من عيون الناس والله بحبها وبموت فيها كمان
محمود .فكر كويس قبل ماتكلم ملاك فى أى حاجة
احمد باستغراب. حضرتك متخيل لو عرفت ان ملاك تعبانة هغير رأيى مثلا وأبعدولا اية انت فاكرنى كدة ياعمى
محمود. احمد من حقك تفكر عشان مش تجرح بنتى بعدين انا ماسمحش لمخلوق يجرحها ولا يزعلها حتى لو انت وانا شايفك راجل يااحمد بس لازم تفكر وكمان عرف والدك ووالدتك من دلوقتى عشان زى ماقولت مش عايز حد يدايق بنتى ولو حتى بكلمة مش هقبل بدة
احمد .وانا لا يمكن ابعد عن ملاك انا ماصدقت ان زياد اخوها هههه بجد مش هقبل ان ابعد بعد كدة ابدا
محمود .لم تفاتح والدك ووالدتك انا معاك فى أى خطة عايزها وكمان فى حاجة لازم تعرفها اكيد ملاك ممكن تتحمل مسئولية وجواز بس اكيد هيكون مافيش اطفال عشان خطر على حياتها حمل واجهاد وولادة عشان ملاك لو فتحت فتح صغير بتنزف والجرح مابيلمش بسهولة واكيد انت فاكر لم عملت عملية الزيادة كانت عاملة ازى ونقلنلها دم واكيد فاكر انها دخلت فى غيبوبة دى كانت غيبوبةسكر نتيجة الجرح وفضل السلك شهر ماتفكش بسرعة والحمد لله عدت المرحلة دى والدكتور عرفنى وقتها ان ممنوع حمل واجهاد إلى أن الحالة تكون كويسة وربنا كبير بس كدة هتاجلو الاولاد إلى اجل غير مسمى راضى بدة
احمد .انا عندى ملاكى الصغير وبنتى وحبيبتى وهتكون مراتى مش عايز حاجة غير وجودها فى حياتى وبس وان كان على بابا وماما فدول بيحبو ملاك اكتر مابيحبونى انا شخصيا هههه واوعدك اتكلم معاهم النهاردة ونعمل خطتنا على ملاك بكرة بس تعالى نتفق
نسيب احمد ومحمود يتفقو على ملاك ونروح عند ملاك فى بيتهم
ملاك تتصل بزين (طبعا عارفين زين يبق اخوزياد الكبير وهيبتدى بقى يظهر هههههه)
ملاك .اهلا بالناس إللى مش بتسأل ولا عندها اخت حلوة وطعمةوكيوت زى
زين .ههههه والله عسسسل وواحشتنى ياقمرى انت
ملاك .لا باين فعلا هو انت تعرفنى اصلا ياكابتن
زين .والله الشغل وانتى عارفة مش بنزل اجازات كتير ونزلت وانت كنتى فى الغردقة طب اعمل اية طيب
ملاك .امممم بقى انت مشغول ماااشى انت فين دلوقتى
زين .هكون فين فى المطار عندى رحلة بعد ساعتين تركيا
ملاك .اية كمان مسافر تانى انت لاحقت انت مش جيت امبارح هتسافر انهاردة لية كدة حرام
زين بحب .اعمل اية بقى ياقمرى نصيبى وشغلىكدة
ملاك .طب وآسيا
زين .مالها آسيا
ملاك. انا جايلك المطار عايزة اتكلم معاك سلام
زين باستغراب .سلام
خرج احمد من عند عمة راح يتكلم مع والدة ووالدتة ...
ملاك ركبت عربيتها وراحت تقابل زين فى المطار بعد نص ساعة اتقابلو فى صالة المطار.