နတ်ဆရာကသူ့ရဲ့ခေါင်းကိုအသာလေး ပုတ်ပေးနေတာနဲ့ သူ့အတွက်စိတ်ပူပြီးပြောပေးနေတာတွေကြောင့် သူ့ရဲ့စိတ်ထဲမှာနွေးထွေးသွားတယ်။ ဒါပေမယ့်နောက်ဆက်ပြောလာတဲ့ ဆက်ခံသူဆိုတဲ့စကားကြောင့် သူဒီနေရာကိုလာမိတာတောင်မှားသွားသလိုခံစားလိုက်ရတယ်။
နတ်ဆရာက သူ့ရဲ့ဆက်ခံသူဖြစ်စေချင်တာကိုသူသိနေပေမယ့် သူကတိုက်ခိုက်ရတာ အမဲလိုက်တာတွေကိုဘဲပျော်မွေ့တယ်။ဒါကြောင့်သူ နတ်ဆရာ ပြောထားတဲ့ ဆက်ခံသူကိစ္စကိုမသိချင်ယောင်ဆောင်ပြီ ဆားလှဲလှယ်ရေးအဖွဲ့နောက်ကိုလိုက်သွားခဲ့တာဖြစ်တယ်။
သူရဲ့တပည်ကြီးမျက်နှာရှုံ့မဲ့သွားတာကိုေတွ့လိုက်တဲ့နတ်ဆရာကရယ်လိုက်ပြီ
"မင်းနတ်ဆရာမလုပ်ချင်ဘူးဆိုတာငါသိတယ် ဒါကြောင့်"
သူစကားကိုတစ်ပိုင်းတစ်စရပ်တန့်လိုက်ပြီး တပည်ကြီးဇီလီရဲ့မျက်နှာအခြေအနေကိုအရင်အကဲခတ်လိုက်တယ်။ သူ့တပည်ကျော်ကြီးစိတ်၀င်တစားနဲ့နားထောင်နေတာမြင်လိုက်တော့သူ့ရဲ့စကားကိုဆက်လိုက်တယ်။
" မင်းလိုဉာဏ်ကောင်းပြီးအတတ်မြန်တဲ့ကလေး မရှိဘူး ။ဒါကြောင့် ငါဆုံးဖြတ်လိုက်တာက အဲ့လိုကလေးမျိုးကို မင်းကိုရှာခိုင်းဖို့ဘဲ "
"အဲ့တာကတော့ " ဇီလီ ဒီကိစ္စကမဖြစ်နိုင်မှန်းကိုသိနေတယ် ။သူကအတတ်မြန်တယ်ဆိုတာ သူအငယ်ကတည်းက သူ့ မွေးအဖေကသူ့သိသမျှတတ်သမျှ တော်တော်များများကို သူ့ကိုသင်ကြားပြသပေးခဲ့လို့ဖြစ်တယ်။ ဒါကြောင့်သူနတ်ဆရာဆီရောက်တဲ့အခါ သူ့အတွက် နတ်ဆရာသင်ပေးတာတော်တော်များများကလွယ်ကူနေခဲ့တာဖြစ်တယ်။
" မင်းရှာနိုင်မှာပါ မင်းက ကလေးတွေနဲ့အမြဲထိကပ်နေပြီ သင်ကြားပြသပေးနေတာကိုငါ တွေ့နေရတာဘဲ ဒါကြောင့်အဲ့ကလေးတွေထဲက ဉာဏ်ကောင်းပြီးသင်ယူနိုင်မယ့်ကလေးအချို့ကိုမင်းရွေးထုတ်လိုက်လေ" တစ်ချိန်လုံးငြိမ်ပြီးနားထောင်နေခဲ့တဲ့ ခေါင်းဆောင်ကပြောလာခဲ့တာမို့ ဇီလီမှာငြင်းလို့မရတော့ဘူး ဒါကြောင့်ခေါင်းသာငြိမ့်ပြလိုက်ရတယ်။
'ငါအချို့ ဉာဏ်ကောင်းပြီး သင်ယူလိုစိတ်ရှိတဲ့ကလေးတွေကို သိသင့်သိထိုက်တာ ဒီအတောအတွင်းမြန်မြန်သင်ပေးလိုက်ရင်တော့အခက်အခဲရှိမှာမဟုတ်တော့ဘူး'လို့ဇီလီတွေးလိုက်တယ်။
"ဒါဆိုရင်ငါမင်းကိုအချိန် ၂ပတ်ပေးမယ်ဇီလီရေ မင်းသင့်တော်မယ်ထင်တဲ့ကလေးအချို့ကိုရွေးထုတ်လိုက် "
ဇီလီ နတ်ဆရာရဲ့ပြောစကားကြောင့်အခက်တွေ့သွားတယ်။
'၂ပတ်အတွင်းမှာ ရွေးထုတ်ရမယ် မဖြစ်နိုင်ဘူး တချို့ကလေးတွေက ငယ်နေသလို တချို့ကလည်းအရွယ်ကနည်းနည်းကြီးနေပြီ ငါကအချိန်တစ်ချို့ရမယ်ထင်နေတာ အခုဘယ်လိုလုပ်ရမလဲ' ဇီလီ အခက်တွေ့နေတဲ့အချိန်မှာ ဘေးနားကနေ အသံတစ်ခုထွက်လာခဲ့တယ်။ ဇီလီအဲ့အသံပိုင်ရှင်ကိုလှည့်ကြည့်လိုက်တော့ ခေါင်းဆောင်ရဲ့ သား သားရဲတစ်ပိုင်းလူသားတစ်ပိုင်းလေးဖြစ်နေခဲ့တယ်။ အဲ့ တစ်ယောက်ရဲ့နာမည်က ချန်းမို ဖြစ်ပြီးအဖြူရောင် ဝံပုလွေ မျိုးနွယ်၀င်သားရဲတစ်ပိုင်းဖြစ်တာမို့ အဖြူရောင်အမြှီးနဲ့အရမ်းလှပတယ်။ သူ့ထက်လဲ ၁၀နှစ်လောက်ကြီတဲ့အပြင် အရွယ်ရောက်ချိန်ကိုကျော်လွန်နေပြီဖြစ်တဲ့ သားရဲတစ်ပိုင်းတစ်ယောက်လဲဖြစ်တယ်။ပြီတော့ မျိုးနွယ်စုမှာ အခုချိန်ထိမိတ်ဖက်မရှိသေးတဲ့ သားရဲတစ်ပိုင်းတွေထဲကတစ်ယောက်ဖြစ်ပြီး အဲ့လိုအရွယ်ရောက်မှုကိုကျော်လွန်သွားတဲ့ သားရဲတစ်ပိုင်းတွေရဲ့ခေါင်းဆောင်တစ်ယောက်လဲဖြစ်တယ်။ အရွယ်ရောက်တဲ့အချိန်ကိုကျော်လွန်သွားရင် သားရဲတစ်ပိုင်းေတွရဲ့ကလေးရနိုင်ချေကလျော့နည်းသွားတယ်။
"ဆရာကြီး ကျတော်တစ်ခုလောက်ပြောချင်လို့ပါ"
"အဲ့ကလေးတွေက သင်ယူဖို့ ခက်ခဲနေမယ်ဆိုရင်ဆရာကြီးဘယ်လိုလုပ်မလဲ အခြားအရွယ်တွေကိုကော ဆရာကြီးမစဉ်းစားတော့ဘူးလား"
ခေါင်းဆောင်ရဲ့ဘေးနားမှာထိုင်နေတဲ့ သားရဲတစ်ပိုင်းလူသားတစ်ပိုင်းက ထပ်ပြီးပြောလိုက်တယ် ။
နတ်ဆရာက ချန်းမိုရဲ့စကားကိုအလေးအနက်စဉ်းစားနေပြီးခနကြာတဲ့အချိန်မှာ စကားပြောလာခဲ့တယ်
"ချန်းမိုပြောတာလဲမှန်တယ်။ " ပြီတော့ ဇီလီရဲ့ဘက်ကိုလှည့်လိုက်ပြီး
"ဇီလီ ရေ ချန်းမိုပြောတဲ့အတိုင်း အရွယ်ရောက်နေတဲ့လူတွေထဲက လွယ်လွယ်ကူကူ သင်ယူနိုင်တဲ့လူရှိရင်လဲ ရွေးပြီခေါ်ခဲ့ကွယ်"
ဇီလီ နတ်ဆရာရဲ့ စကားကိုကြားလိုက်ပြီးနောက်မှာသူအရင်ဆုံးပြေးမြင်မိတဲ့လူက ယဲ့ချိုပါဘဲ ။ယဲ့ချိုကဉာဏ်လည်းကောင်းသလိုသင်ယူလိုစိတ်လေ့လာလိုစိတ်လည်းရှိတယ်။ ပြီးတော့ သားရဲလူသားတိုင်း၊သားရဲတစ်ပိုင်းလေးတွေနဲ့ လည်းအမြဲချိုချိုသာသာနဲ့ဆက်ဆံလေ့ရှိတယ်။ သူ့စိတ်ထဲမှာတော့ ယဲ့ချိုကနတ်ဆရာဖြစ်ဖို့သင့်တော်တယ်လို့ဘဲသတ်မှတ်လိုက်တယ်။
"ကဲ ဒါဆိုရင်ငါတို့ နတ်ဆရာကြီးရဲ့ ဆက်ခံဖို့ကိစ္စကိုဖြေရှင်းပြီးသွားပြီ ဆိုတော့နောက်တစ်ခုက ဆောင်းရာသီကိစ္စဘဲ နောက်သုံး လေးလ လောက်ဆိုရင်ဆောင်းရာသီကကျရောက်တော့မယ်။အဲ့အတွက် ရိက္ခာကိစ္စကိုဘယ်လိုဖြေရှင်းရမလဲဆိုတာကျနော်တို့ ဆရာကြီးနဲ့လာတိုင်ပင်တာပါ" ခေါင်းဆောင်ရဲ့ ပြောစကားကြောင့် အကုန်လုံးခေါင်းငြိမ့်လိုက်ကြတယ်။
ခေါင်းဆောင်ရဲ့စကားကိုကြားတာနဲ့ နတ်ဆရာကြီးက ဘေးနားကစင်ပေါ်မှာတင်ထားတဲ့နတ်ဘုရားကျောက်တုံးကို တရိုတသေနဲ့ယူလိုက်ပြီးအာရုံပြုလိုက်တယ် ။ခနကြာတဲ့အချိန်မှာနတ်ဆရာကြီးကကျောက်တုံးကို စင်ပေါ်ပြန်တင်ထားလိုက်ပြီး
"ဒီတစ်ခေါက်ဆောင်းရာသီကတော့ အဲ့လောက်အခြေနေမဆိုးဘူးလို့ သားရဲနတ်ဘုရားက နိမိတ်ပြတယ် ။ဒါကြောင့် ဆိုးဆိုးဝါးဝါးတော့မဖြစ်ပါဘူး။"
ခေါင်းဆောင်ရဲ့ဘေးနားမှာရှိတဲ့ ခေါင်းဆောင်ရဲ့မိတ်ဖက်သားရဲတစ်ပိုင်းက သက်ပြင်းတစ်ချက်ချလိုက်ပြီး " အဲ့လိုကြားရတော့ ကျနော်စိတ်အေးသွားရပြီး"
#Lilac
26/11/21