ငယ်ရွယ်တဲ့ မတ်ကလေးဟာ အခု ငါ့ယောကျာ်းဖြစ်နေတယ်(Myanmar translation)

YOU ARE READING

Romance

Lu Lijun & Jiang Yuyan Credit to all Author and Translator. This story is not mine.I just translate this. 🖤 ပထမဆုံးဘာသာပြန်တာဖြစ်တဲ့အတွက်အမှားများရှိရင်ခွွင့်လွှတ်ပါ

#beautiful-female-lead #friendship #modern #revenge #romance #translation

It Feels Good To Feel Your Heartbeats...

Start from the beginning

by sweswexlaing

သူ့အကြည့်တွေ ရောက်နေတဲ့ နေရာကို သူမ မျက်လုံးတွေ ရွှေ့လိုက်ပြီး သူ တင်းတင်းကျပ်ကိုင်ထားသည့် လက်ကောက်ဝတ်ကို သူမ ကြည့်လိုက်တော့သည်။ထို့နောက် သူ့မျက်လုံးတွေထဲကို ကျန်းယွီယန် ပြန်စိုက်ကြည့်လိုက်ကာ ပျက်ရယ်ပြုစွာ ပြောလိုက်၏ "ရှင်ရော ကြောက်နေတာမလား?"

"Huu?"သူ့ မျက်ခုံးတစ်ဖက် မြင့်တက်သွားကာ မေးခွန်းထုတ်လိုက်သည့် ပုံစံနှင့် လုချောင် သူမကို ကြည့်လိုက်သည်။

"ကျွန်မလက်က ရှင့်ရင်ဘက်ရဲ့ ဘယ်ဘက်ခြမ်းမှာ ရှိနေတုန်းက ရှင့်ရဲ့ နှလုံးခုန်နှုန်းကို ကျွန်မလည်း ခံစားလိုက်ရတယ်လေ။သူတို့က ကျည်ဆံရထားတစ်စီးထက်တောင် ပိုမြန်နေတယ်"တုံ့ဆိုင်းခြင်းမရှိ သူမ ပြောလိုက်တယ်။အခုတော့ ကျန်းယွီယန်ရဲ့ အလှည့်ပင်။ဒါပေမယ့် သူမ အလှည့်က ဘယ်လောက် မှ မကြာရှည်ဘူးဆိုတာ သူမ မသိခဲ့ပေ။

သူ ကောက်ကျစ်စွာ ပြုံးလိုက်ပြီး သူမ နားထဲသို့ ထပ်မံ တီးတိုးပြောလိုက်လေ၏"အဲ့ဒါက ဘာကြောင့်လဲဆိုတော့...." သူ ခဏရပ်တန့်လိုက်တယ်။

"Huu?"သူ ဘာဆက်ပြောမလဲဆိုတာ ကျန်းယွီယန် စောင့်နေခဲ့သည်။

".....မင်းကြောင့်လေ။ ကိုယ် မင်းကို တွေ့တဲ့ အချိန်တိုင်း ကို်ယ့် နှလုံးသားက ခုန်လာတယ်။" သူမ နားသီးလေးကို သူ့ နှုတ်ခမ်းက ထိလုနီးပါးကပ်လိုက်ကာ ဖြားယောင်းသွေးဆောင်သော အသံဖြင့် ထိုစကားလုံးတွေကို ပြောလိုက်၏။သူမ နားနောက် မှာ ထိုးသွင်းသော ရှည်လျားသည့် ဆံနွယ်များမှ သင်းရန့ံအား လုချောင် နက်နက်ရှိုင်းရှိုင်းကို ရှူရှိုက် မိလေတယ်။သူမ နားကို သူတကယ်ပင် ကိုက်ချင်နေသော်လည်း သူ့ရဲ့ လိုအင်ဆန္ဒတွေကို ထိန်းချုပ်လိုက်သည်။ ပြုံးလိုက်ကာ သူမ မျက်နှာကိုကြည့်ရန် သူ နောက်သို့ ပြန်ဆုတ်လိုက်၏။သူမ နှုတ်ခမ်းလေးက အနည်းငယ် ကွာဟနေပြီး သူမ မျက်လုံးတွေကတော့ ပြူးကျယ်နေခဲ့လေတယ်။သူမကို ကြည့်ရတာ အသက်ရှူဖို့ မေ့နေတဲ့ပုံပင်။သူမ နှာဖူးကို လုချောင် ကြင်နာစွာ နမ်းလိုက်ပြီး ပြုံးကာ ပြောလိုက်တယ် "အသက်ရှူ!"

သူမ အာရုံပြန်ရလာကာ အသက်ကို ပြင်းပြင်း ရှူသွင်းလိုက်သော်လည်း ဘယ်လို တုံ့ပြန်ရမှန်း မသိလေဘူး။ထိုအချိန်မှာပဲ သီချင်းက ပြီးသွားတာကြောင့် သူမ သက်သာစွာ သက်ပြင်းချလိုက်တော့သည်။နှစ်ယောက်လုံး အကကြမ်းပြင်သို့ အတူတူ ပြန်လျှောက်သွားလိုက်သည်။ထိုနေရာနှင့် အကွာအဝေး အနည်းငယ်သို့ ရောက်ချိန်တွင် လုလီကျွင်းက သူ့အစ်ကို ဝမ်းကွဲ ဝမ်ပန်နှင့်အတူ လုချောင်ဆီသို့ လာနေ၏။