"မောင်ရင်တို့ ထမင်း စားလို့ ရပြီ ”
ကြီးတော် က ထမင်းစားဖို့ခေည်နေတာကြောင့်
စကား စ ဖြတ်ကာ ထမင်းဝိုင်း ကို ပြောင်း
လိုက်တော့တယ်။
ငပိရည်တို့စရာ ရယ် ကြက်သား တောချက်လေး
ကို ဘူးသီးလေးနဲ့ ရောထားသေး.....။
စွပ်ပြုတ်ကလေးကော ငါးကြော်လေးရော
ဖွယ်ဖွယ်ရာရာ.......။
”ကြီးတော်ရယ် တကယ့်ကို ဖွယ်ဖွယ်
ရာရာပဲ ”
”မောင်ရင်တို့ အားမနာစားကြတော့ ”
”စားမှာဗျာ စိတ်ချ ”
မင်းဆက်ခ ပန်းကန်တွေ ကြည့်လိုက်တော့
ဇွန်းမရှိဘူး ထမင်းကို လက်နဲ့ စား
တာ မြန်မာ့အလေ့အထ ပဲလေ....။
”ဦးဆက် ဇွန်းမရှိဘူးလား ”
အနားကို ကပ်ကာပြောလာတဲ့ Noel
ကြောင့် ကြီးတော် ကလည်း ရိပ်မိတယ်ထင်တယ်။
”ဟဲ့ကောင်မလေးတွေ ဘုန်းကြီးကျောင်းမှာ
ဇွန်းခရင်း သွားငှားကြစမ်း ”
ကြီးတော် စကားဆုံးတော့ Noel
အသည်းအသန် ခေါင်းခါကာ
”တကူးတကကြီး မယူပါနဲ့ ကြီးတော် ရယ်
ဒီလိုပဲ စားလိုက်ပါ့မယ် ”
”လာ ကိုယ် ခွံကျွေးမယ် ”
”ဟုတ်ကဲ့ ”
မင်းဆက်ခ လက်ကို သေချာ ဆေးပြီး ထမင်းကို
ငပိရည်နည်းနည်းရယ် ကြက်သား
အရည်လေးရယ် သေသေချာချာ
နယ်နေတော့တယ်။
Sam လည်း မစားတတ်လို့ တိုင်ပတ်နေတာကို
ဇေယုတွေ့တော့ ခိုးရီမိကော......။
”ခင်ဗျား ကို လည်း ကျွန်တော် ခွံပေးမယ်
လာ ဒီဘက်တိုး ”
ဇေယု စကားကြောင့် Sam ဇေယု နား
ကပ်သွားတော့တယ်။
မင်းဆက်ခ နယ် ပြီးတာနဲ့ Noel ကို
စခွံရပြီ......။
”ကလေး..... အာ ”
ကလေးတွေ ထမင်းကျွေးသလို တယုတယ
ကျွေးနေတဲ့ မင်းဆက်ခကြောင့်
ရွာသားတွေက လည်း တပြုံးပြုံး ။
ဇေယု လည်း အဲ့အတိုင်းပဲ......။
Noel ကတော့ မင်းဆက်ခ ကျွေးတဲ့ ထမင်းကို
ဇိမ်နဲ့စားနေတော့တယ်။
YOU ARE READING
Noel's Husband (Z & U)
Romance"ကို့ ကိုယ် မင်းရဲ့ Husband Anna လေးရဲ့ Daddy အဖြစ်အသိအမှတ် ပြုပေးနိုင်မလား " မင်းဆက်ခ "ခင်ဗျား ပြန်ပေးမဆွဲမှာ ကြိမ်းသေရင် ကျွန်တော်လက်ခံမယ် 😒 " Noel "ကို႔ ကိုယ္ မင္းရဲ႕ Husband Anna...
