Her Wicked Battles

HWB 35

Day 93: Result Day of 10th Battle - Behind of Auditorium - 8:14

Mula sa nakatabinging mukha ay unti-unti kong humarap at sinalubong ang galit sa mata ng isang bema habang pinipigilan ng dalawa niyang kaibigan. Hinawakan ako ni Misty sa'king braso at inilayo, takot na maulit ang nangyari.

"You killed him!"

Sa pangalawang pagkakataon ay may isa na namang nakaramdam ng hinanakit sa'kin. Hindi ko siya inimik at hinayaan umiyak, magalit, at magwala sa kamay ng mga kaibigan. Sila man ay nagpipigil din na atakehin ako.

"Garelle!" Pagtawag mula kay Aurum kasama ang iba pa naming mga kaibigan. Tumabi sila sa'kin at hinarangan sa pasugod na bema. "You stop there!" Pagsinghal ng babaeng maharlika.

"You are tolerating her!" Nanginginig sa galit na sigaw ng babaeng bema. "Stop defending a killer! A heartless woman!"

"Wala ka ng magagawa kung namatay na ang kasintahan mo!" Singhal pabalik ni Arao. "Relationship is forbidden here! It's your fault kung bakit nasasaktan ka!"

"You are like her, heartless! Cruel!" Sigaw ng nasa kanang babae habang masama ang tingin kay Misty dahil sa pagtulak nito kanina sa kanya upang mailayo sa'kin nang papasugod ito para sana makisali sa sampalan.

"Who cares!"

Hinawakan ko sa braso ang babaeng maharlika at hinila sa likod. Hindi naman siya umangal habang ang mga mata ay matatalim na nakatingin sa mga bema. Inanunsyo ang kanilang ginawa sa'kin kaya paniguradong makakasali sila sa susunod na labanan.

"Tatalunin ko ang grupo ninyo!"

"Sigaraduhin mo lang," aniko na kinalingon nila sa'kin. "Matagal-tagal pa ulit ang susunod na labanan kaya siguraduhin mo."

Suminghap sila at hinila ng isa nilang kaibigan para umalis. Nang mawala sila ay 'saka ako marahas na ipinaharap ni Arao sa kanya.

"Why did you kill him?" Aniya at tinitigan ako ng mabuti, lakas loob na nakipagtitigan sa'king mata. "Tell us, Garelle Kane!"

Itinagilid ko ang ulo at pinag-isipan ang isasagot.

Kahapon ay laban at pangatlo ko ulit iyong panalo. Between Deal and Kill, I choose to kill. Masyadong mababa ang puntos na ibinibigay at may kasamang pixie ngunit hindi ako nagkaroon ng interesado kaya mas ginusto ko nalang pumatay. Hinawakan ko ang kamay ni Arao na nakahawak sa akin at tinanggal iyon.

"Oh no, Gakane. Do not make a mistake of not answering." Pagbabanta ni Dyx Fetalino.

Sinuklay ko ang buhok gamit ang kanang kamay at napansing bumabalik sa dating pagkakagulo ang buhok dahil ayokong sinusuklay ito. Hindi ko alam kung bakit napangisi ako ng maalala ang nangyari kanina.

Tahimik kaming nakatayo sa likod ni Headmaster at ng apat na taong robot. Habang inaanunsyo ang aming pagkapanalo ay naramdaman ko ang pangingnig ng katabi kong bema. Nilingon ko ang lalaki at takot itong nilingon ako. Kita sa mga mata niya ang pagmamakaawa at paghingi ng tulong pero binigyan ko lang siya ng patay na tingin. Nanlalamig ang puso ko.

Nagsimula ng bumaba si Dharyx at Amana sa entablado kaya pinasadahan ko agad ng tingin ang grupo ng Bema.

"Do not cross the line." Babala mula kay Headmaster bago mawala kasama ang apat na robot.

Nagkaroon ng pulang linya palibot sa apat na grupo at sinimulan ko na rin humakbang papaalis sa tabi ng lalaki ngunit hindi pa ako nakakalayo ng hawakan nito ang braso ko. Nilingon ko siya at naibaba ang tingin sa kamay niyang nangingnig.

"Please.. spare my life." Piyok niyang pagmamakaawa. "Please..."

"SICARIO!" Tangis ng isang babaeng bema habang pinipigilan siya ng kanyang grupo.