လုကျင်းဟိုင်က သူ့မိဘတွေရဲ့ အခန်းကို သွားပြီး တံခါးခေါက်လိုက်သည်။သူအခန်းသို့ ဝင်လိုက်သောအခါ သူ့အမေက ကုလားထိုင်တွင် ငြိမ်သက်စွာ ထိုင်နေစဥ်တွင် သူ့အဖေကတော့ မှန်ထည်ပြတင်းပေါက်၏ အရှေ့တွင် လက်တွေကို ဘောင်းဘီအိပ်ထဲ ထိုးသွင်းလျက် ကွက်လပ်ဖြစ်နေသော အပြင်ဘက်သို့ စိုက်ကြည့်နေသည်ကို သူ မြင်လိုက်ရသည်။
ပြတင်းပေါက်နားတွင် တွေဝေစွာ ငေးမောနေခြင်းဟာ အကြီးအကဲ လု တစ်စုံတစ်ခုကို စဥ်းစားလို့မရသည့်အခါတိုင်း လုပ်နေကျအရာဖြစ်သည်။သူကိုယ်တိုင် မြူးကြွနေကျ ပုံစံနဲ့ မတူတဲ့ မျက်နှာဖုံးတစ်ခုကို ဝတ်ဆင်ထားခဲ့သည်။အကြီးအကဲ လု ၏ ကြောက်ရွံ့စေသော ဘက်ခြမ်းကို သူ့မိန်းမ နှင့် သားကြီးသာလျှင် သိသည်။
"ကျွန်တော် အခန်းထဲ ဝင်လိုက်တဲ့ အချိန် နှစ်ယောက်လုံး ဒီလိုဖြစ်နေလိမ့်မယ်ဆိုတာ ကျွန်တော်သိတယ်"လုကျင်းဟိုင်က သူ့အမေရဲ့ ဘေးကခုံတွင် ထိုင်ရင်း တည်ငြိမ်စွာပြောသည်။သူက သူ့အမေ၏ လက်ကိုကိုင်ပြီး နူးညံ့သောအသံဖြင့် ပြောသည်"အမေ ဘာတွေတွေးနေတာလဲ? ဒါကဘာမှစိုးရိမ်စရာ အကြောင်းမရှိဘူးဆိုတာ အမေသိပါတယ်"
"မင်းအဖေရဲ့ အကြောင်းနဲ့ အရင်က သူလုပ်ခဲ့တဲ့ ကတိကိုသာ အမေက စိုးရိမ်နေတာပါ"သူမ သား၏ လက်တွေကို ခိုင်မြဲစွာဆုပ်ကိုင်ရင်း နာကျင်နေသော မျက်လုံးများဖြင့် သူ့ကို ကြည့်ကာ ကျောက်ရွှောင်က ပြောသည်။
"အဖေ" လုကျင်းဟိုင်က ခေါ်လိုက်သော်လည်း ဘာမှ တုံ့ပြန်လာမှုမရှိပေ။
လုကျင်းဟိုင်က သူ့အဖေကို စိတ်အနှောင့်အယှက် ထပ်မပေးတော့ပဲ သူ့အမေကိုပြန်ကြည့်သည်။အကြီးအကဲ လု၏ အေးစက်သော အခြမ်းက နှစ်ယောက်လုံးကို ကြောက်လန့်စေသည်။တောက်ပခြင်း နှင့် ဖောက်ပြန်ခြင်း အောက်တွင် ယင်းကဲ့သို့ ဘက်ခြမ်းမျိုး သူ့တွင် ဖုံးကွယ်ထားမည်ဟု မည်သူမှ စိတ်မကူးနိုင်ဘူး။သူ့ရဲ့ဘက်ခြမ်းက လူတစ်ယောက်ကို သူရှေ့တွင်ပဲ စကားမပြောနိုင်ဘဲ ကြောက်လန့်မှုဖြင့် တုန်ရီစေနိုင်သည်။
"ဒီအကြောင်းကို လုံးဝဘယ်နည်းနဲ့မဆို ဘယ်သူမှ မသိသင့်ဘူး"
YOU ARE READING
ငယ်ရွယ်တဲ့ မတ်ကလေးဟာ အခု ငါ့ယောကျာ်းဖြစ်နေတယ်(Myanmar translation)
RomanceLu Lijun & Jiang Yuyan Credit to all Author and Translator. This story is not mine.I just translate this. 🖤 ပထမဆုံးဘာသာပြန်တာဖြစ်တဲ့အတွက်အမှားများရှိရင်ခွွင့်လွှတ်ပါ
Secret in The Family..
Start from the beginning