အဆင့်မြင့် စားသောက်ဆိုင်တစ်ခုမှာ ညစာအတူစားနေကြတဲ့ မဟာနဲ့ချိန်း ။
ချိန်းက မဟာကို တစ်ချိန်လုံးကြည့်နေခဲ့တာ ၊ မဟာကသူ့ရှေ့မှစားစရာတွေကို အနည်းငယ်သာထိတွေ့ပြီး ဝိုင်ချည်းသာ သောက်နေသည် ။
"အကို"
ချိန်းခေါ်တာကို ကြားပုံမရတဲ့ မဟာကအတွေးလွန်နေသည့်ပုံ ။
"အကို!"
"ဟင် အင်း ဘာလို့လဲ"
ချိန်းအသံအနည်းငယ်ကျယ်ကာခေါ်လိုက်တော့မှ မော့ကြည့်လာသည် ။
"ဘာလို့ ဘာမှမစားတာလဲ"
"စားပါတယ်"
"အကို ဝိုင်သောက်ပြီးမူးနေတာတော့ မဟုတ်ဘူးမလား"
"မဟုတ်ပါဘူး"
"ကျွန်တော်ပြန်ဖျားနေပြီ"
ချိန်း မက်တပ်ရပ်ကာ ကိုယ်ကိုမဟာ့ရှေ့ကိုင်းပေးလိုက်တော့ ၊ သူ့နဖူးထက်ရောက်လာတဲ့ လက်တစ်စုံကြောင့် ကျေနပ်စွာပြုံးလိုက်သည် ။
"ဆေးမသောက်ဖူးလား"
"နေ့လည်ကသောက်ဖို့မေ့သွားလို့"
"မင်းကတော့လေ"
မဟာက မနိုင်ဘူးဆိုသည့်ပုံလေးနှင့် ပြောပြီးပြုံးပြတော့မှ ချိန်းပြန်ထိုင်လိုက်သည် ။
"ဝိုင်မသောက်နဲ့တော့"
"အကိုကျသောက်ပြီး"
"ငါက မင်းလိုမဖျားဘူးလေ"
"မဖျားလည်း အပြန်ကားမောင်းရမှာလေ ၊ ဒီကလမ်းတွေကျွန်တော်မမောင်းတတ်ဘူးနော်"
"အေးပါကွာ"
Australia မှာ တစ်ခါတစ်လေ မဟာအပြင်မှာ မူးအောင်သောက်တတ်တဲ့အခါ ချိန်းက တိုက်ခန်းပြန်လိုက်ပို့ပေးနေကျဖြစ်သည် ။
"ချိန်း"
"ဟင်"
"T&T Group မှာ ဘယ်တုန်းကထဲက share ဝယ်ထားတာလဲ"
"ကျွန့်တော့် ဒယ်ဒီဝယ်တာ လွန်ခဲ့တဲ့ ၆ နှစ်လောက်ကထဲကထင်တယ် ၊ ဘာဖြစ်လို့လဲ အကို"
"မဟုတ်ပါဘူး ဒီအတိုင်းပဲ"
အပြင်ဘက်ကိုငေး၍ လက်ထဲမှ ဝိုင်ခွက်ကိုဆက်သောက်နေတဲ့ မဟာက မမူးသေးဘူးဆိုပေမယ့် မျက်ဝန်းလေးတွေ ဆွေးနေသလိုပင် ။
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...