ဧည့်ခန်းထဲ လှဲအိပ်နေရင်း စာအုပ်ဖတ်နေတဲ့မဟာ ၊ အနားကိုရောက်လာတဲ့ အန်တီမြကြောင့်
"ဘာလို့လဲ အန်တီမြ"
"ဒီနေ့ သူဌေးပြန်လာမယ်တဲ့ ခရီးကပြန်လာနေပြီပြောတယ်"
အရင်အပတ်ထဲက ယုဝါက ပြင်သစ်ပြန်သွားခဲ့ပြီး တုနှိုင်းမောင်ကတော့ ၊ ယုဝါမပြန်ခင်ရက်ကထဲက အလုပ်ကိစ္စနဲ့ခရီးသွားရသည်လို့ အန်တီမြပြောသည် ။ ဒီနေ့ပြန်ရောက်မည်ပေါ့
"အဒါဘာလို့လဲ အန်တီမြ"
"ညစာစားဖို့ သူ့ကိုစောင့်ပါတဲ့"
"အော် အင်း"
ခေါင်းတစ်ချက််ငြိမ့်ပြရင်း ဖတ်လက်စ စာအုပ်ကိုသာ ဆက်ဖက်နေသည် ။
စာအုပ်ပြီးသွားချိန် နာရီကိုလှမ်းကြည့်လိုက်တော့ ၇ နာရီခွဲ ၊ ဗိုက်ဆာနေသလိုရှိတာကြောင့် ထမင်းစားခန်းထဲသွားလိုက်ပြီး
"အန်တီမြ ဘာချက်တာလဲ"
"အကိုလေးစားချင်တယ်ဆိုတဲ့ ငါးပေါင်းလုပ်ထားတယ်"
"စားတော့မယ် အန်တီမြ"
"ရှင် ဟို သူဌေးက"
"ကျွန်တော်ဗိုက်ဆာနေပြီ"
"ပြင်လိုက်ပါ အန်တီမြ"
ဘယ်အချိန်ရောက်လာတဲ့မသိတဲ့ တုနှိုင်းမောင်က စာပွဲမှာ ဝင်ထိုင်ရင်းဆိုလာသည် ။
"အယ် သူဌေး ၊ ဒေါ်မြတောင်းပန်ပါတယ် ကားသံမကြားမိလိုက်လို့"
"မင်းထိုက်လိုက်ပို့တာမလို့ပါ"
"ဟုတ်ကဲ့"
ပင်ပန်းနေပုံရတဲ့ တုနှိုင်းမောင်က ရေဗူးကိုကိုင်ကာ မနားတမ်းမော့သောက်နေသည် ။
"ဒေါ်မြ ရေထပ်ပေးဦး"
"ဟုတ်ကဲ့သူဌေး"
တစ်ဗူးလုံးကုန်သွားတာတောင် ထပ်တောင်းနေတဲ့ တုနှိုင်းမောင်ကို အန်တီမြကအမြန်ပင်ယူပေးသည် ။ မဟာကတော့ ငါးပေါင်းကိုသာ စားနေရင်း ထပ်မကြည့်တော့ ။
"ဘာလိုသေးလဲ ကျွန်မဘာလုပ်ပေးရမလဲ သူဌေး"
လက်ခါပြလိုက်တာမလို့ အန်တီမြ အပြင်ထွက်သွားသည် ။ မျက်နှာချင်းဆိုင်ထိုင်နေပေမယ့် သူ့ကိုလုံးဝအာရုံမရှိတဲ့ မဟာက အေးဆေးစွာပင် စားနေလေရဲ့ ။
DU LIEST GERADE
Inversely Proportional(ပြောင်းပြန်အချိုးကျခဲ့သော)-Complete
Romantikယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...