Operation Room တစ်ခန်းရှေ့ တုနှိုင်းမောင် ခေါက်တုံ့ခေါက်ပြန်လျောက်ရင်း နေမထိထိုင်မသာဖြစ်နေသည် ။
ဘေးဘက်ကခုံးတန်းတွင်တော့ ဘုရားစာထိုင်ရွတ်ရင်းစိတ်ပူပေးနေကြတဲ့ ဒေါ်သန္တာခိုင်နှင့်အန်တီမြရှိသည် ။ မျက်နှာချင်းဆိုင်ခုံတွင်တော့ ရပ်လိုက်ထိုင်လိုက်ဖြစ်နေတဲ့ ထွန်းအောင်နဲ့ ၊ ဘေးဘက်တွင် မင်းထိုက်ရှိသည် ။
"အရမ်းကြာနေတာမဟုတ်ဘူးလားဟင်"
ထွန်းအောင်ရှေ့ရပ်လျက် တုနှိုင်းမောင်ဆိုလာပေမယ့် ထွန်းအောင်လည်း ဘာမှပြန်မဖြေနိုင်သေးဘူး ၊ မဟာအတွက်သူတို့နှစ်ယောက်ကိုယ်တိုင် လန်ဒန်မှ အမျိုးသားကိုယ်ဝန်ဆောင် ခွဲစိတ်ဆရာဝန်တွေကို ဆက်သွယ်ခေါ်ထားပေမယ့် စိတ်ပူနေတုန်းပဲ ။
တုနှိုင်းမောင်စိတ်ထဲ သူသာနည်းနည်းလောက်ထပ်နောက်ကျခဲရင် ၊ မဟာတစ်ခုခုများဖြစ်သွားမလားဆိုတဲ့အတွေးက ဆိုးရွားစွာခြောက်လန့်သည် ။
တစ်ဖက်နဲ့ ပို့ကုန်စာချုပ်ကိုတောင် သေချာမကြည့်နိုင်ဘဲ လက်မှတ်အတင်းထိုး၍သာ ပြန်ဖို့လုပ်နေတဲ့တုနှိုင်းမောင်ကြောင့် ၊ မင်းထိုက် ကားမောင်းပေး၍ အတူလိုက်ခဲ့တာ ကံကောင်းသွားသည်ဟုဆိုရမည် ။
သူကမဟာကိုစိတ်ပူပြီး ပျာယာခက်နေတာကြောင့် ဘာမှမတွေးတတ်နေ ၊ မင်းထိုက်ကပင် ထွန်းအောင်ဆီဖုန်းဆက်ကာအကျိုးအကြောင်းပြောပြီး ဆေးရုံပို့ကာ လိုအပ်တာတွေ စဥ်ပေးရသည် ။
"မာမီ မဟာ..မဟာ အဆင်ပြေမှာပါနော်"
တုနှိုင်းမောင် သူ၏မိခင်ခြေထောက်နားသွားထိုင်လျက် ငိုရင်းမေးလာသည် ။
"ပြေမှာပါသားရဲ့ ဒေါက်တာကြီးတွေက စိတ်ချပေးဖို့ပြောထားတယ်လေ"
"ကျွန်တော်မသွားခဲ့ရင် ကောင်းမှာ"
"သားရယ်အခုလည်းနောက်မကျပါဘူး မာမီတို့ဆေးရုံကိုချက်ချင်းရောက်လာတာပဲလေ"
"အရမ်းကြာနေသလိုပဲ မာမီ မဟာ ၊ မဟာတစ်ခုခု..တစ်ခုခုများ"
"မဟုတ်ပါဘူးသားရဲ့ သာမာန်ခွဲစိတ်မှုမဟုတ်တော့ ပိုကြာနေတာပါ"
YOU ARE READING
Inversely Proportional(ပြောင်းပြန်အချိုးကျခဲ့သော)-Complete
Romanceယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...
