The boy who can govern me [COMPLETED]

CHAPTER [ 20 ]

(U)

စာမေးပွဲ ...

Baekhyun ဘဝမှာ သခွားသီးပြီးရင် အမုန်းဆုံးအရာကိုပြောပါဆိုလျှင် စာမေးပွဲပင်ဖြစ်သည်။

ငယ်ငယ်လေးတည်းကနေ အခုချိန်ထိကို ခါးခါးသီးသီးမုန်းတဲ့အရာနှစ်ခု။

Henry Fischel သည်ဘယ်လိုအတွေးနဲ့များ စာမေးပွဲဆိုတာကိုစတီထွင်ခဲ့သလဲ။

သခွားသီးကို India နိုင်ငံမှာ ဘာကြောင့်များရှာဖွေတွေ့ရှိခဲ့ရသလဲ။

စာမေးပွဲခန်းထဲမှာ Baekhyun ခေါင်းကိုပဲကုတ်နေမိသည်။

လူကငြိမ်သက်နေသော်ငြား သူ့အတွေးတွေကတော့ ပြာယာခတ်နေသည်။

ကျက်ခဲ့သောစာတွေအကုန်လုံးက ရောထွေးကုန်ကာဘာမှ ဆွဲထုတ်လို့မရ။ ဟင်းလင်းပြင်ဖြစ်နေတဲ့ ဦးနှောက်ထဲမှာ ရှောင်ပြေးကာပုန်းနေသည့် မှတ်ဉာဏ်တွေကို ဘယ်လိုနည်းဖြင့်အမိဖမ်းရပါ့။

အပ်ချည်ကြိုးတို့ဖြင့် ရှုပ်ထွေးနေသော အပ်ချည်လုံးတစ်လုံးလို လမ်းစကိုရှာမရ။

ကောက်ရိုးပုံထဲ အပ်ပျောက်ရှာဆိုတဲ့စကားပုံအတိုင်း ယောင်ဝါးဝါးစာတွေအကြား သူတော့လမ်းပျောက်နေပြီ။

" ငါလည်း အပ်တောထဲကနေကိုမထွက်တော့ဘူး ''

ကိုယ့်ခေါင်းကိုထုပြီး ခပ်တိုးတိုးပြောလိုက်တော့ အတန်းစောင့်ဆရာကမကြားဘဲ အရှေ့ဆုံးတန်းမှာထိုင်နေသည့် Chanyeolထံသို့အသံလှိုင်းကပျံ့နှံ့သွားပုံရပြီး လှည့်ကြည့်လာသည်။

စာမေးပွဲခန်းထဲမှာ သူများတွေအကုန်လုံးကကိုယ်စီကိုယ်စီ Extra Answer Papers တွေ မြိုင်မြိုင်ဆိုင်ဆိုင်တောင်းနေကြတော့ Baekhyunမှာ အားကျရုံမှတပါးမတတ်နိုင်တော့။

သူကတော့ အတွေးထဲပေါ်လာသမျှကိုသာ Answer Paper ပေါ်ကောက်ရေးလိုက်သည်။ အမှတ်ပေးတာ၊မပေးတာ တီချယ်တို့အပိုင်း။

ဖြေရင်းဖြေရင်း အချိန်စေ့ဖို့ ဆယ့်ငါးမိနစ်လောက်အလိုမှ ခေါင်းထဲမှာ ဒက်ခနဲပေါ်လာသည့်အတွေးကြောင့်Baekhyun အတန်းစောင့်ဆရာကို စာရွက်အပိုလှမ်းတောင်းလိုက်သည်။

" Extra Paper "

" Extra Answer Paper ''

ဇာတ်တိုက်ထားခြင်းမရှိဘဲ အရာရာထပ်တူညီနေသည့် Soulmate နှစ်ယောက်ရဲ့ပြိုင်တူထွက်လာသော အသံနှစ်သံကြောင့် စာရွက်တစ်ရွက်ပဲ လက်ထဲမှာကိုင်ထားသည့်ဆရာတောင် ယောင်နနဖြစ်သွားရ၏။