سبحة و تراچي

الثالث والأربعون

السلام عليكم

سبحة و تراچي

من كتابات زهراء العراقية

الفصل ٤٣

وأن واجهك الحب ♡ بيوم
ارتدي يا صديقي  نعليك وأهرب!!

*صفاء

رجعت عروبة هي والبنات اباوع لاديهن كلشي مابيها و عروبة وجهه مدخن وعصبية رافعه خشمها ما تتحاجة

امي -جا وين الملابس
الي ردتن اجيبنهن لايمان؟

انتصار- ما لكينه شي
بيه حظ

عروبة-يمة ما جنا بالسوك
رحنا لمرت خضر الثانية

سألتها اني بريبة
- شنو سويتن

وحده تباوع لوجه الثانية

انتصار-الي لازم يصير
خل تعرف هي ويامن لعبت

امي- ولجن شنو سويتن

جوهرة لا تاخذ ولا تنطي ووجها اصفر

عروبة خلت وكامت و راحت يم ايمان بالغرفة ..

كعدت يم جوهرة وفتحت تحقيق وياها بس الي اكدر اخذ منها حجي ذني الاثنين ما يتحاجن

بعد ملحة كالت- شفناها
وهي استفزت انتصار وعروبة
وشسمه

كلت
-وشنو احجي

- عروبة ضربتها و
صار حجي زايد ناقص

رجعت سألت
-وشنو
خفت حيل من هاي الخطوة الرعنة منهن

ندك الباب ، وراح عون يفتحةو اجه يكول الي البسي ربطة اجه مختار
يم الكيدور واكف

انتصار- خالة لا تحجين
كدام مختار شي
عفية لا ننسحل

كلت قبل لا اطلع للغرفة
-اجه من وكت
ياخذجن يجوز
خضر كايل اله

وجه انتصار انبلع و اني رحت لبست حجاب ، ورجعت الهم

مختار محمل مسواك و علاليك ما نعرف شبيها

- وينها امونه
اريد اشوفها

رحت كلت الها واني ادري بيها مراح تطلع اله
لأن زين من يجي يسأل عنها ما تقبل تطلع اله حتى شجاع وعبد الله ما تطلع

-امونه مختار يريد يشوفج

عروبة جانت كاعده يمها سألتني

-اكلج وجهه اشلونه

-لا تخافين ما يعرف بعملتج
من وجهه وروقانه
وانت بت عمج وجوهيران
جان كلتن الي
اروح اتحسبن وياجن