Flower and Cigarette

Chapter 8

Nasa gym kami ngayon dahil P.E subject namin. Naririnig ko ang mga tilian ng mga babae sa tabi ko at pati na rin ang mga nanonood dahil nagprapractice ng basketball ang varsity team ngayon sa kabilang court kasama na doon si Yakob.

"Ang gwapo ni Yakob!" Kinikilig na sabi ng classmte ko habang hinihila ang kasama niya.

"Ang hot niya kahit ang sungit-sungit niya." Sabi pa nung isa.

Namewang lang ako at tumingin kay Yakob. Gwapo nga siya at hindi iyon maipagkakaila. Matangos ang ilong at makapal ang kilay. Hindi siya maputi dahil tan ang kulay ng balat niya kung baga lalakeng-lalake. At sobrang ganda ng hubog ng kanyang mukha dahil sa jawbone nito at mata niyang nakakaakit.

Nakashoot si Yakob sa court at ang mga babae ay naghiyawan na naman. Pawisan na siya kaya pinunasan niya ang kanyang mukha gamit ang laylayan ng kanyang damit at bumungad ang walong abs nito. Namewang siya at nakipag-apiran sa barkada niya. As usual tumili nanaman ang mga supporter nito.

"Laway natin dyan?" Biglang salita ni Hannah at umupo siya sa tabi ko.

"Huh?" Taka kung tanong rito at tinignan siya.

"Bakla ka! Kung makatingin ka parang pinagnanasaan mo si Yakob!" Mahalay na sabi nito at sinage-sage pa niya ako gamit ang kanyang katawan.

I feel ashamed because of what she said. I am that obvious enough? Eww! Bakit ko pagnanasaan ang isang katulad niya? Besides, it's not my thing to fantasize men in a lustful way.

"Che! Manahimik ka nga!" Sita ko sa kanya at inilayo ang katawan ko. May pagka-likot pa naman itong si Hannah kapag nangungulit.

"Hindi naman kita masisi, masarap nga naman si Yakob." Dugtong pa niya.

"Hannah 'yang bunganga mo!" Sigaw ko sa kanya at baka may makarinig pa sa amin. Isipin nila na fan na fan ako ng isang demonyo.

"Anong pinag-u-usapan niyo d'yan?" Biglang lumitaw si Luigi kaya napatingin kami ni Hannah sa kanya.

"Isa pang masarap." Wala sa huwisyo na sabi ni Hannah at tinakpan ko na lang ang bunganga niya. Masyado nang mahalay ang babaeng ito.

"Anong masarap?" Takang tanong ni Luigi sa akin habang nakangiti pa ito.

"Yung adobo HAHAHA kasi nagluto si Mama." Palusot kung sabi at tinanggal ang kamay ko sa bunganga niya. "'Eh miss na ni Hannah yung luto ni Mama." Pinandilatan ko si Hannah at tumango na lang ito.

"Okay."

"Magpractice na tayo?" Kumbinsi ko sa kanila at pumunta na kami sa may gilid para magpractice ng Arnis.

Combative sports kasi ang pinagaaralan namin. Binigyan kami ng prof namin ng oras para magensayo para sa practical exam namin at malapit na rin ang midterm exam.

Matapos magensayo ay umupo na kami at uminom lang ako sa aking baon na bottled water. I-lalapag ko na sana ito ng biglang may kumuha sa kamay ko.

Tumingin ako kung sino ang kumuha at nagulat na lang ako na nasa likod ko pala si Yakob at uminom siya rito.

Naramdaman ko din na mukhang nagulat si Hannah at nagtaka naman si Luigi. Iyong iba rin ay nagbulong-bulongan na.

"Here." Abot niya sa akin sa bottled water ko na naubos na niya. Nakatunganga lang ako dahil hindi ko alam na lalapit siya sa akin.

"Hindi mo ba kukunin." Sabi niya at kinuha ko agad ito.

"Bakit ka nandito?" Tanong ko sa kanya dahil hindi naman kami masyadong nagpapansinan sa school. Parang anino nga lang ako sa kanya kapag minsan nagkakasalubong kami.