واتسعت ضحكتها بدموع ، تبجي وتضحك
لزمت الجليكان مرة ثانية بيمنتها ويسرتها لازمه الجداحة
وانه متحنط خايف اتقرب و تفر الجداحة ونحترك اثنينارفعتها يمكن تريد تدير على شعرها الي توه فتحته،
وانه استغليت انشغالها و طفرت عليهاموكعها وياي على الارض قبل تبدي على راسها وتعمي نفسها ، جنت معتليها
اتلاويت وياها صامة بيدها الجداحه وتحاول بأبهامها تفر الجرخ ،
وانه العرك يكت مني ، فرة منها انروح اثنينا فحم!
ضربتها راشدي حتى ترخى ايدها ،
لزمت معصمها و كمت اهز بيه حتى توكع من جفها الجداحة-هدي
هديها ما اريد اكتلجوكعتها منها ، ولكفتها قبلها عن الارض ..
وكفت اتطوطح لان الشمس جانت عليه تصكع و انه سابح بالبانزين و طفرتي عليها خلتني الهث مختنك من الريحة
مسحت حلكي احس طعم البانزين بيه
واني اشمر الجداحه من السياج ، و هي ما كامت ظلت على الارض بالعكس تمددت بالشمس وتلهث
دنكت عليها لزمتها من ساعدها اكومها مثل الصلصال اجيبها منها تروح منا
لزمتها من جوة اديها ، من الجانبين رافعها عن أرضية السطح الحارة ،
عثرت بمدري شنو وهي هم وكعت عليه ،
التفتت لوراية لانه نعالها عثرت بيه وانه مناك دايخ
عروبة- شسون
ظلت جامدة تباوع الناصحت عليها
-تعالي لاختج
اريد تحرگ روحهااجتنا تركض
-ايمان شنهاي الريحة
كوميحاولت اختها تكومها ، ما تكوم
جرجرناها اني وياها كل واحد من كتر مدخليها لجوة عن الحر وصلابة الكاع ، للبيتونه
عروبة
-زين للحمام وديهانزلناها من سطح الطابق الثاني
دخلتهن للحمام وطلعت سدت الباب عروبة واسمع بواجي وصياح ايمان
ظليت واكف ما مأمن لا تطلع وتحاول تأذي نفسها-ئمووووو
و تتبع صوت ضحك طفولي
التفتت ليساري لانها زهرة عدت اكبر درجاية و اخرهن واجتني تركض بشعرها الاشكر يطافر وية ركضها
أنت تقرأ
سبحة و تراچي
Mystery / Thrillerثم ماذا يا أبي؟ ثم حافظ على أخوتك يا بني أمك وأنا كخيط المسبحة شددنا أزركم وأخوتك كالخرز وانت المأذنة أن وقعت فرطت الحبات يا ولدي لزهراء العراقية
الحادي والاربعون
ابدأ من البداية