Her Wicked Battles

HWB 26

Nang hindi sumagot ang kausap ay binasa ko ang labi. "Sa susunod, huwag kayong gagawa ng hakbang na hindi n'yo naman pala gugustuhin sa dulo. Ngayon, 'wag niyo sa akin isisi dahil unang-una, kasalan ninyo 'yan."

"Hindi ko inaasahang ganito ang kakalabasan, Gakane." Pagsasalita ni Jobo na may lungkot sa mga mata. "Ang inaasahan kasi namin ay magbabago na ang pananaw mo sa amin kapag iniligtas ka namin."

Napaangat ang gilid ng labi ko. "Malapit na kaso," sinilip ko si Arao. "Hindi na pala."

Napatayo si Misty. "Gakane tumigil ka na, please! Huwag mo na kaming pahirapan sa mga trato mo!"

Huminga ako ng malalim at napailing. "Ang tanga n'yo naman."

"Garelle Kane," matigas na bangit ng prinsipe.

"Gakane hindi ka naman ganito noong bumalik ka ah?" Si Jobo.

Nakaramdam ako ng kirot sa puso at hindi nakaimik.

"Gakane bakit hindi mo parin kayang pahalagahan ang mga ginagawa namin sayo?" Si Dyx.

Bumalik sa isip ko ang mga narinig kagabi.

"Isipin n'yo nalang ang gusto niyo isipin." Huling sabi ko bago umalis sa kanilang grupo.

Oras ng ensayo pero na andito kami ni Axalus, nasa sanga ng puno habang pinapanood ang mga kasamahan sa kani-kanilang ginagawa. Napahinto lang ang lahat ng sumulpot ang hologram at naghintay sa sasabihin.

"Good afternoon, students! The SSC President assigned everyone to do a task every Tuesday. Bema is assigned to clean the entirety of the Ond Wall. Woma is assigned to Girig Wall. Eama is assigned to Grov Wall and Snama is assigned to Okrossbar Wall. Every Tuesday, class, and training will be canceled."

"Moreover, congratulations to Ms. Glaze Yazzi from Bema, she correctly Identified one of the fake members of the Supreme Student Council. Their group is the first group that will receive five thousand points. Fake Vice President is now removed in position."

"She's suspicious." Bulong ko pero narinig parin ng katabi ko.

"Bakit naman? Anong mayroon sa kanya?" Taas ang kilay na sabi ni Rucklam.

Tinaasan ko rin siya ng kilay pagkalingon ko. "Wala ka na roon."

"Akala ko ba magkaibigan na tayo?" Kunyaring tampong aniya.

Mapanghusga ko siyang tiningnan at inirapan. "In your dreams."

Napausog ako ng makitang bumubuwelo si Axalus at ilang segundo ng tumalon siya sa ibaba. Binasa ko ang ilalim na labi kasabay na muntikang mabagsakan si Arao dahil sa pagtakbo niya na hinahabol ni Bryne.

"What the hell, Rucklam!" Gulat ang tiling iyon at napahawak pa sa dibdib, hinahabol ang hininga.

"Pasensya na." Ngumiti lang ang lalaki at tumakbo papunta kila Guzman at Handel.

Tumingala si Arao at nagkatama ang mga mata namin. Una akong umiwas at dinama ang init ng hangin.

"Arao, let's go."

Ngumisi ako ng mawala ang dalawang maharlika at tinanaw nalamang si Misty at Dyx na naglalaro nalamang gamit ang kanilang sandata.

"Bakit ang tamad mo mag-ensayo." Si Sweet, habang paakyat dito sa sangang kinalalagyan ko gamit ang hagdanan na ginawa nila noong wala ako. Nang makaupo ay huminga siya ng malalim. "Kane..."

"Hmm?" Mahina kong sagot.

"Ano ng balak mo?" Makahulugang aniya at sinulyap ako. Nagkasalubong ang kilay ko ng hindi maintindihan ang tinutukoy niya.