اسكربات بقلمي/menna Mohamed

اسكربت (انت سندي) ج1

اسكربت جديد (انت سندي) الجزء الاول😘

_ماما
_نعم ياض ماما مين دي مراتي ده انا لسه كاتب كتابي عليها
عايز تقنعني انها تخلفك انت ياشحط انت مش شايف طولك ولا ايه ده انت اقل حاجه يعني عندك ستاشر سنه وهي عندها تلاتين سنه ايه جابتك وهي عندها اربعتاشر سنه
_علفكره هو عنده خمستاشر مش ستاشر سنه😂
_مين ده اصلا انتي يابت مش مكتوب في البطاقه انك انسه امال مين الشحط ده

مقدرتش ارد عليه من كتر الضحك بجد فصلت ضحك بسبب تعبيرات وشه وعصبيته اللي زادت بسبب ضحكي
لما لقيته خلاص هينفجر من العصبيه اضطربت اهدي نفسي من الضحك واقوله بابتسامه_بتغيري يا بيضه
_يابت متعصبنيش ده انا لسه كاتب كتابي عليكي الناس الطبيعيه في اللحظات دي بيعبروا عن مشاعرهم انما انا قبل مقول اي حاجه يدوبك حضنت حضن صغير من فرحتي االلي مكملتش بسبب الشحط اللي دخل من الباب وبيقول ماما قال ماما قال كتو مو الشحط ده😂😂😂

بجد مقدرتش امسك نفسي خالص ففضلت اضحك جامد اوي لحد ما هديت شويه روحت للولد اللي قالي ماما وحضنته جامد وبوست راسه وقولتله بحنان_ياقلب ماما وحشتني اوي يازينو
_وانتي كمان والله ياماما وحشتيني انا كنت هتجنن بجد علشان اشوفك بقي واحضنك بقالك ست سنين بعيد عن حضنك
ولما بابا قالي اننا هننزل مصر بقي اخيرا فرحت جدا وفضلت ابص علي صورك اللي بعتهالي علي النت واحضنها جامد علشان اخيرا هشوفك
_انت ياض في ايه مش عاملي اعتبار ليه
مراتي دي اللي انت عمال تحب وتحضن فيها
_عادي يعني منا لما دخلت عليكم كنت بتحضنها ومعملتليش اعتبار وانا ابنها علفكره وراجلها من قبل ماانت تتجوزها اصلا
_ابنها منين يابني انت هتجنني البت انسه واحنا لسه كاتبين كتابنا😂
متفهميني علشان مقعدش فوقيه افطسه الرخم ده
رد عليه بضحك_هدي اعضائك الولد ده ياسيدي يبقي يزن ابن اختي في الرضاعه
_ازاي وانتي معندكيش اخوات اصلا
_انا كان عندي اخت بس ماتت من سنين هي وبنتها استني هفهمك الموضوع من اوله مامته انا اتعرفت عليها انا واختي لما جت سكنت جنبنا هنا في اول جوازها ومن الوقت ده بقينا صحاب اوي وبعدها بكام شهر اختي اتجوزت وبالصدفة الاتنين حملوا في نفس الشهر بس اختي حملت الاول قبلها بتقريبا اسبوعين وبعدها هي حملت علشان كده لما ولدوا اختي ولدت الاول وجابت بنوته وبعد اسبوعين جارتنا وصحبتنا ولدت وجابت يزن وطبعا احنا كنا معاها علشان خاطر هي ملهاش حد غيرنا لانها يتيمة ام واب حتي جوزها كان مسافر في الوقت ده المهم بقي انها بعد ما ولدت بكام يوم كده ربنا افتكرها بس قبل متموت وصتنا علي ابنها فطبعا اختي اخدت الولد ورضعته مع بنتها وبكده الولد بقي ابن اختي في الرضاعه وفضلت اختي ترضع يزن مع بنتها لحد ما نزلت في يوم ببنتها علشان كانت تعبانه جامد وسابت يزن معايا وبعد ساعه واحده لقيت التليفون بيرن وبلغوني بموت اختي وبنتها بسبب عربيه خبطتهم وطلعت تجري ومن اليوم ده ويزن عايش معايا لاننا مكناش عارفين نوصل لباباه ونقوله حتي خبر موت مراته لان تليفونه كان مقفول فضل يزن عايش عندنا سنين انا اللي ربيته ومن يوم ما وعي علي الدنيا وهو بيقولي ماما لحد ما بقي عنده سبع سنين وجه يوم كده كنا قاعدين وسمعنا صوت حد بيخبط جامد اوي علي الباب اللي قدامنا استغربنا اوي لان الشقه دي بأسم ابو يزن ومن يوم ما ماتت امال مامت يزن وهي مقفوله وانا اللي معايا المفتاح فطبعا قومت جريت وفتحت الباب لقيت ابو يزن قدامي انا كنت شوفت صورته في الصور قبل كده وشكله متغيرش كتير طبعا دخلته عندنا وناديت بابا وماما ودخلت يزن اوضتي وقعدنا حكناله كل اللي حصل فقالنا انه للاسف عمل حادثه قبل ما امال تولد بأيام ودخل في غيبوبه لسنين وطبعا بعد ما فاق كان صعب يرجع لحياته بسهوله فأخد فتره لحد مقدر يرجع لحياته الطبيعيه وساعتها نزل على مصر علطول لانه حاول يتصل على امال لقي فونها مقفول وطبعا كان هيجنن ويطمن عليها وعلي البيبي
وطبعا ياهيما بعد ما رجع ابو يزن كان طبيعي انه ياخد ابنه يعيش معاه علشان كده انا دخلت وعرفته انه باباه رجع و عايزه وكان سهل يتقبل ده لاني كنت مفهماه الحقيقة من زمان وكان عارف انه مش ابني وان مامته متوفيه وباباه مسافر بس اللي كان صعب هو انه يسبني علشان كده باباه قدر ده وخلاه يقعد معانا بالنهار ويروح ينام معاه بليل والكلام ده فضل سنتين لحد ما قرر انه ياخده ويسافر وطبعا مكنتش اقدر اتكلم لانه في الاول والاخر باباه فسافر يزن معاه وفضلنا على تواصل طول الست سنين دي وعمر يزن ما بطل يقولي ماما لاني رغم ان ساعتها مكنتش كبيره اوي يعني بس كنت بعشق الاطفال وكان عقلي كبير علشان كده كنت ليه فعلا ام
بس ياسيدي دي هي القصه كلها فهمت بقي