اسكربت جديد (دي ليله في العمر) الجزء الاول🖤🖤
_بت ياهدير انتي يابت يلا اصحي بقي ايمان عماله تتصل بيا علشان تروحي معاها للكوافير
رديت علي ماما بنوم_حاضر يانونو انا صحيت خلاص هقوم البس واروحلها
_ماشي ياحبيبتي يلا قومي
فضلت باصه علي ماما لحد ما طلعت من الاوضه حاولت انام تاني😂بس معرفتش روحت قولت ببرطمه_هما يتجوزوا وانا معرفش انام ايه ده ياختي
يلا بقي لما اقوم اشوف العروره بتاعة عيلتنا😂
قومت فعلا من علي السرير ودخلت الحمام غسلت وشي وبعدها طلعت لبست هدومي واخدت الفستان بتاعي بالطرحه ونزلت روحت عند بنت عمتي
اول مدخلت شقتها لقيتها بتقولي بزعيق_كده ياحيوانه تتأخري كل ده يلا قدامي علي الكوافير يلا
مدتنيش فرصه حتي ارد عليها وسحبتني وراها زي الجاموسه😂😂المهم نزلنا وركبنا المشروع وروحنا علي الكوافير
طبعا بدأت الكوافيره مع العروسه وانا فضلت اتفرج كده كده انا مش هعمل غير ميكاب بس حتي الطرحه هلفها انا ففي الاخر خالص هبقي اقوم البس واخليها تحطلي الميك اب
واحنا قاعدين بصيت علي الفستان والحاجه ملقتش طرحه ولا حتي كرينه فسألتها_بت هو انتي مش هتلبسي طرحه وهتلبسي الفستان عريان كده
_اه طبعا يابت ده هو يوم في العمر مش هيتكرر تاني لازم استمتع وافرح فيه
ده انا حتي كنت عايزه اجيب فستان قصير بس علي مرداش قالي كفايه انه عريان
اوعي تقوليلي انك هتفضلي لابسه الطرحه ياست الشيخه
_شيخة مين يابنتي ده انا مبصليش فروض ربنا ولو صليتها مبلتزمش في كل فرض
كل الموضوع بس اني استغربت لانك محجبه مينفعش تقلعي الطرحه لمجرد انه فرح
_لا ياختي ده يوم واحد في العمر لازم افرح فيه والبس اللي انا عايزاه واعمل كل حاجه نفسي فيها هو انا هتجوز كام مره يعني
المهم من رأي انك كمان تقلعي الطرحه
_تفتكري هبقي احلي من غيرها
_طبعا يابت هتبقي موزه واعملي شعرك ااستشوار وانتي اصلا قمر وشعرك ناعم وطويل يعني هتبقي بدل قمر قمرين
_اشطا ماشي هقلعها
بعد شويه جم صحاب ايمان وبقيت بنات العيله وفضلنا الكام ساعه دول نرقص ونهيص ونصور ايمان ونغني معاها وخربناها بمعني الكلمه😂وطبعا لما ايمان خلاص قربت تخلص قومت انا لبست فستاني والكوافيره عملتلي شعري وحطيتلي الميك اب بصيت لنفسي في المرايه ومش مصدقه الحلاوه اللي انا بقيت فيها دي
_شوفتي بقي ياهدير انتي قمر ازاي من غير حجاب وبعدين ده هو يوم يعني مش هيحصل حاجه
_علي رأيك اهو يوم وهيعدي
_بالظبط كده
بعد نص ساعه جه العريس واخد ايمان وطلعنا علي القاعه بالعربيات وطبعا مشغالين اغاني ومهرجانات وعمالين نزغرط ونصقف واحنا في العربيه ونغني مع الاغنيه طبعا كلنا فرحانين جدا ايمان دي اختنا قبل متكون من عيلتنا
فضلنا كده لحد موصلنا القاعه اللي هيتعمل فيها الفرح
نزلت انا وباقي البنات من العربيات وروحنا ساعدنا ايمان علشان تنزل هي كمان وبعدها العريس مسك ايديها وبدأت الزفه فضلنا نرقص شويه ونعني وبعدها دخلنا القاعه طبعا بدأ برجورام الفرح وسط فرحتنا ورقصنا وضحكنا لحد ما حصل اللي مكنش يخطر علي بالنا ابدا حصل اللي صدمنا كلنا وكسر قلوبنا
كانت ايمان بترقص فجأه لقيناها وقعت علي الارض
احنا كلنا اتصدمنا مبقناش فاهمين اي حاجه لحد ما جه الدكتور وكشف عليها ولقيناه بيقولنا بأسف_البقاء لله
YOU ARE READING
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
