اسكربات بقلمي/menna Mohamed

اسكربت

_بحبك
_انت عارف كويس اني مبحبش كده
_اول مره في حياتي اشوف بنت مش بتحب خطيبها يقولها بحبك
_هو انت جوزي
_لا بس خطيبك
_ايوه بس ميسمحش ليك تقولي بحبك علفكره
_لا والله
_اه والله انت زعلان من الحقيقه ليه انا مش جوزي ومش محرم ليا ومينفعش تقولي كده غير بعد كتب الكتاب
_بقولك ايه بقي انا مبحبش القفلان الزياده ده
_قفلان ان انا اصون نفسي ده يبقي اسمه قفلان
_اه قفلان انا خاطب علشان احب فيها وتحب فيها واخرجها وافسحها مش خاطب علشان اكون بكلم واحد صحبي حتي بحبك ممنوع
_تمام بص يااحمد ده اللي عندي عجبك علي كده كان بيها مش عجبك كل واحد يروح لحاله لاكن انا مش هتغير ومش هقبل منك كلمة بحبك دي غير بعد كتب الكتاب قبل كده لا
_يعني انتي مصممه
_اه مصممه جدا والقرار في ايدك
_تمام خلاص هستحمل لحد منكتب الكتاب
_تمام
عدت فتره وعادي هو اتقبل فكرة اني مش هسمحله يقول بحبك دي لحد ما في يوم كنا خارجين كلنا انا وهو واهلي واهله فهو كان عندي هو واهله بس اهله كانو قاعدين مع اهلي فلبست هدومي وخرجت لهم وقولت اوريله اذا كان ضيق الفستان او حاجه واول مطلعتله _احمد ايه رايك في الفستان ضيق ولا واسع
_نعممم انتي هتخرجي بالبتاع ده
_اولا اسمه فستان مش بتاع
_اه وبنسبه للخيمه اللي علي راسك دي
_دي مش خيمه علفكره دي طرحه طويله وقريب هلبس الخمار ان شاء الله
_اه لا بقولك ايه بقي انا مش همشي معاكي بالبتاع ده
_اممم خلاص يبقي انا مش خارجه واخر كلام بقي يااحمد تستناني ثانيه واحده
ودخلت جري جبتله شبكته وكل حاجته وطلعتله
_اتفضل حاجاتك اهيه معلشي انا عايزه اتجوز راجل يغير عليا ويراعي ربنا فيا ويحافظ عليا لو فكرت في مره اقوله اني هقلع الطرحه ولا هلبس بنطلون هو اللي يرفض ويقولي لا مش انا اللي ارفض وهو اللي يوافق انا اسفه انت اخترت البنت الغلط انا عايزه اللي يعيني ويقويني علي طاعت ربنا اللي ياخد بأيدي للجنه واكيد ده مش هيكون انت عن اذنك
وجريت علي اوضتي وقعدت اعيط يمكن هو مش هاممني بس انا زعلانه علي نفسي دي تاني خطوبه ليا بس مش مهم المهم اني متأكده ان ربنا هيعوضني بعد شويه لقيت بابا داخل وبيزعق_ايه اللي عملتيه ده
_عملت ايه
_فسختي خطوبتك للمره التانيه الناس هتقول عليكي ايه
_الناس في كل الاحوال بتتكلم وانا مبيهمنيش كلام حد انا اللي يهمني رضي ربنا يابابا طب قولي كنت هتبقي مبسوط لما اتجوز علي اللي كان بيضربني وهو لسه خطيبي وارجعلك بعد الجواز وانا شايله عيل علي ايدي وعايزه اطلق ولا كنت هتبقي مبسوط لما اتجوز احمد اللي ميعرفش حاجه في الدين اصلا ولا في الرجوله ومش بعيد يخليني اقلع الحجاب
وبرضو كنت هرجعلك وهطلب الطلاق صدقني كده احسن يابابا
_عندك ياحق يابنتي ربنا يكملك بعقلك
وبعدها سابني بابا ودخل اوضته وقومت انا صليت ودعيت ربنا كتييير اوووي وقريت قرأن وعدي فتره ونزلت اشتغلت انا خاريجة تربية رياض اطفال بس اخترت اروح اشتغل في حضانه وفعلا اشتغلت هناك وعدي شهور علي شغلي هناك وفي يوم جه راجل معرفوش وعايز ياخد طفل
_حضرتك تقربله ايه
_خاله
_تمام بس لازم الام او الاب يكلموني علشان اتأكد معلشي
_تمام حقك
وفعلا كلم اخته وعطهالي ودخلت جبت الطفل اللي اول مشافه جري عليه وحضنه وبعدها الطفل جري عليا وحضني وبوسته ومشي انا معوداهم كلهم علي كده بس وبعدها بيومين اتفاجأت ان فيه عريس متقدملي واتحدداليوم وطلعت اتفاجأت بيه هو خال الطفل اللي جه اخده من يومين بعد مسابونا بس مش لوحدنا اوي يعني بابا قاعده بعيد شويه المهم قولتله
_هو حضرتك عرفت عنواني منين
_من مديرة الحضانه لما قولتلها اني عاوز اتجوزك وهعملهالك مفاجأه واتأكدت من اختي عطتهولي بس وادينا جينا
_طب اشمعنا انا
_اممم لا دي بقي خليها بعد الجواز احسن مش هينفع اقولها دلوقتي
_هي ايه دي
_بعد الجواز هتعرفي
وقعدنا نتكلم علي نفسنا شويه وبعدها مشينا وانا صليت استخاره وحسيت براحه غريبه وجميله اوي ووافقت بعدها وجه واتفق مع بابا ان كتب الكتاب كمان شهر والفرح كمان 3 شهور وبابا وافق وفعلا بعد شهر اتكتب كتابنا وبقيت مراته حلاله فساعتها بقي سابونا لوحدنا خااالص فقولتله_اشمعنا انا
_حبيتك من اول لحطه شوفتك فيها
_بالسرعه دي
_ربنا اللي بيزرع الحب في قلوبنا وهو اللي زرع حبك في قليي من اول لحظه شوفتك فيها
_اوعدني
_بأيه
_بأنك تصوني وتحافظ عليا ونساعد بعض في القرب من ربنا
_اوعدك
عايز اسألك سؤال
_اسأل
_هو انتي لبستي بناطيل قبل كده
_اه انا كنت بلبس بناطيل لحد ما كانت عمري 18 سنه كده حسيت نفسي محتاجه اقرب من ربنا فقررت اني البس فساتين بس وعرفت اكتر في الدين واهو لغايه دلوقتي بحاول اقرب اكتر واكتر واكيد بغلط لاننا مش ملايكه بس بلوم نفسي ومبكررش الغلط ده
_اممم طب بحبك
_وانا بعشقككك
_بالسرعه دي
_ههههههههه بتردهالي يعني
_ايون
_طيب هجوبك نفس الجواب
ربنا اللي بيزرع الحب في قلوبنا وهو اللي زرع حبك في قلبي من اول لحظه شوفتك فيها
عدي الشهر التاني واتجوزنا وكل لحظه بتعدي بعرف اني المرادي اختارت صح بعرف انه عوض ربنا ليا واحلي عوض كمان ديما بيعيني علي طاعة ربنا وبيساعدني وبيقويني وهو ابويا واخويا وصاحبي ربنا يباركلي في عمره وعدي حوالي سنه وربنا رزقنا ببنوته جميله وسمناها ملك واتوعدنا اننا نربيها علي طاعة الرحمن اكيد كنا بنتخانق بس عمر ما خنقنا ده حد عرفه كلو كان بينا وكان ميعديش ساعه الا ويصالحني وديما يقولي زعلك ميهونش عليك انا سندك وقت متزعلي مني الجأي ليا انا وهو ده الزوج الصالح الحنون هو ده الرزق اللي بجد اللي ربنا رزقني بيه
وبعد حوالي 5 سنين كان عندي فرح اختي فروحت طبعا معاها واختارنا فستان فرحها وبعدها اختارنا فستان ليا انا المهم اختارنا الفستان بتاعي وتمام وعدي اسبوعين وطبعا كل ده انا لسه مورتش الفستان لجوزي فجه يوم الفرح ولبست الفستان وهو شافني لقيته بصلي بصدمه كده وقالي_ايه الجمال ده
_بجد حلو
_موزه ياقلبي بس اكيد مش هتروحي الفرح كده
طليه بس ماانت بتقول حلو اهو
_مهو علشان حلو مينفعش حد يشوفك بيه غيري وبعدين الفستان مجسم اووي ومبين كل حاجه
_ايوه بس انا زهقت من الواسع
_قلبي انا عارف وفاهمك كويس اوي بس مينفعش ياقلبي تروحي بدهانا مش هسمح حد يشوفك كده ويعاكسك
_بس ده فرح
_وهو علشان فرح ننسي ربنا فيه يعني
_لا طبعا
_طيب اديكي رديتي علي نفسك اهو يلا ياروحي ادخلي هتلاقي فستان علي السرير البسيه
_ماشي
وفعلا دخلت لبست الفستان كان واسع بس تحفه وهادي اوووي وفعلا رووووعه كان لونه روز هادي وطرحه لون اسود مع بندانه روز وكان شكلي تحفه بجد
المهم بعد مالبست وطلعت بره لقيت جوزي مستنيني واول مشافني راح صفر وقال_قمر ياخواااااتي اهو كده الجمال
_بجد حلو
_موزه ياقمري والله واهو مش مجسم وطالعه فيه قمرر 16
_علفكره اسمها قمر 14
_لا انتي غير كل القمرات دي انتي قمره جديده كده قمر 16
_ههههههه بحبككك
_وانا بعشقك
_بتعملو ايه
_يخربيتك يابت انتي طلعتي منين
_ايه يابابي ده انا اسمي ملك مش بت وبعدين طلعت من اوضتي ايه الاسأله الغريبه دي
_اه يالمضه انتي ربنا يصبرني عليكي انتي وامك
_علفكره بقي مامي عثل
_اه ومين يشهد لماما غير بنتها
_وانت متغاظ ليه
_مش متغاظ ياختي بكره ابني يجي ويقف معايا
_ده بعدك هيقف مع امه برضو
_برضو مفيش هروب يعني
_تؤ مفيش هروب
_طيب اتفضلو يامغلبني
_بابي بابي
_نعم ياختي
_مقولتليش ايه رأيك في فستاني
_قمر ياقلبي اصلا ملوكه حبيبة بابي جميلة الحميلات
_بحبك اووي يابابي
_وانا بموت فيك ياقلب بابي
_انت عارف مامي كانت عايزه تلبسني فستان قصير خااالص وكمان عريان اووي وضهري كله باين منه وانا قولتلها لا واختارت الفستان ده
_شطوره ياقلب يابابي ايوه كده بنوتي متلبسش العريان اووي ده
_ايوه يابابي وكمان كده احلي الفستان مش طويل اوي وعدي الركبه اهو وكمان هو عريان شويه بس مش مبين ضهري كله
_براڤو عليكي ياقلب بابي ايوه هي دي ملوكه جميلة الجميلات
طبعا بعد الكلام ده لقيته بصلي بعتاب كده فقولتله_هي لسه صغيره علي اللي انت عامله فيها
_حبيبتي انا عامل فيها ايه انا بحميها وبعودها انها متعريش جسمها انا سمحلها تلبس قصير وعريان اه بس بحدود ومتعريش جسمها وهي عارفه انها لما تكبر مش هتلبس كده لاكن انتي لازم تبقي قدوه ليها ياقلبي امال مش انتي اللي تقوليلها تلبس الكلام ده صح ولا ايه
_عندك حق انت عارف
_ها
_انا بحمد ربنا عليك في كل لحظه بتعدي وانا مراتك انت نعمه كبيره اوووي من ربنا
_انتي اللي رزق ربنا رزقني بيه بعد تعب كتير وسنين شقي وعذاب ربنا يحفظك ليا انتي وملوكه ويديمكم احلي نعمه في حياتي
_بحبككك
_بعشقككك
_وانا بموت فيكم انتم الاتنين يابابي ومامي
ساعتها ضحكنا من قلبنا وبجد وحضنا لوكه جامد

بس كده خلص الاسكربت