اسكربات بقلمي/menna Mohamed

اسكربت

_حمدلله علي سلامتك ياعمري
_الله يسلمك ياحبيبي
امال هي فين
_في الحضانه حبيبتي بيطمنو عليها وهيجبوها
_نفسي اشوفها اوي
_حبه والممرضه هتجبها وهتشوفيها
_ان شاء الله هتسميها ايه ياحبيبي
_هسميها عشق علشان هي عشقنا احنا
_الله جميل اوي اسم عشق طيب قولي ياابو عشق عيلتي الكريمه وعيلتك الكريمه برضو فين
_كلهم بره مستنينك توفقي هطلع اناديهم دلوقتي
_ماشي ناديهم
وفعلا طلع نداهم ودخلو كلهم سلمو عليا وبعد شويه جت الممرضه وهي شيله حاجه صغننه كده وعطيتها لحازم جوزي وبعد ما مشيت لقيته جاي عليه وبيمدها عليه مديت ايدي واخدتها منه براحه اوي كأنها حتة الماظ غاليه لازم احافظ عليها وهي فعلا كده واول مشيلتها حسيت احساس عمري محسيته قبل كده بقي الكائن الصغير ده يبقي حته مني ومن جوزي حبيبي بقي الكائن الصغير ده انا مصدر امانه ومبيطمنش غير في حضني احساس حلو اووي انك تبقي العالم كله بالنسبه لحد خصوصا بقي لو كان الحد ده حته منك ومن اللي الانسان اللي اختاره قلبك المهم بعد مشيلتها حضنتها اوي وبراحه خالص وورضعتها وانا عماله ابوسها وامشي بأيدي علي خدودها بقي انا بقيت ام يااااه جميله اووي الكلمه دي انا عارفه اني لسه مشواري طويل ومتعب في تربيتها بس كله يهون علشانها هو انا عندي اغلي منها وبعد مرضعتها جوزي اخدها مني وحطها في سريرها بتاع المستشفي وفضل جمبي هو وبابا واخواتي وحمايا وحماتي واخوات جوزي هما دول عيلتي منكرش اني كان نفسي ماما تبقي معايا بس هي اللي اختارت هي اللي سابتني لبابا بعد مطلقت منه وراحت اتجوزت بابا كمان اتجوز بس الست اللي اتجوزها طيبه جدا وبتحبني وحاليا هي عندي في البيت بتعملي الاكل علشان لما اروح اما بقي ماما فهي بعد مطلقت من بابا راحت اتجوزت وخلفت ونسيت خالص ان عندها بنت حتي مفكرتش تسأل عني اللي شاغل بالي بس ازاي قدرت تعملها ده انا يدوبك لسه مخلفه مبقاليش ساعه ونفسي بنتي تفضل في حضني ديما ده انا مش عايزه حد يشيلها وياخدها بعيد عني عايزاها قدام عيني فوقت من كل تفكيري دهعلي صوت حازم بيقولي بوشوشه
_حبيبي بيفكر في ايه
_حبيبك تعبان كان نفسي تبقي جمبي اوي ياحازم
_حبيبة قلبي والله هي اللي خسرانه وبعدين انا جمبك اهو وكلنا جمبك
_برضو كان نفسي هي كمان تبقي جمبي وتشيل بنتي وتاخد بالها مني كان نفسي تعمل اللي مرات ابويا بتعمله
_استهدي بالله ياقلبي ومتنكديش علي نفسك افرحي بعشق ومتفكريش في حاجه خالص
_عندك حق عشق دلوقتي هي المهم هاتهالي ياحازم
_حبيبتي انتي لسه تعبانه استريحي ونامي ولما تصحي ابقي اجبهالك
_لا هاتها دلوقتي علشان خاطري ياحبيبي
_حاضر ياقلب حبيبك
وفعلا قام جبها وعطهالي حقيقي حازم ده هو عوض ربنا ليا ونعم الزوج والاب والاخ والصاحب بجد هو كل حياتي واللي يشوفنا يقول بنا قصة حب رهيبه بس في الحقيقه احنا اتجوزنا جواز صلونات مامته شافتني مره وحبتني وكلمته وهو وافق وجه اتقدملي وانا وافقت وفي فترة الخطوبه بقي اتعرفنا علي بعض وحكالي كل حاجه عنه وحكتله كل حاجه عني ومع اهتمامنا ببعض اتقربنا من بعض وحبينا بعض وبقي يومي مبيكتملش غير بيه وبعدها اتجوزنا وانا في اخر سنه في كلية الاداب قسم لغه عربيه وكملت السنه دي وانا متجوزه وبجد بعد الجواز حبيته اكتر منا بحبه علشان من اليوم اللي بقيت مراته فيه بقيت بنته واخته وصاحبته بيخاف عليا وبيحبني وبيهتم بيا احيانا كتير بحس كانه بيعاملني كاني بنته لما بعرف بيفهمني واحيانا تانيه بحس اني امه لنا بيزعل بيجري عليا ويترمي في حضني حقيقي انا محظوظه انه رزقني براجل زي واللي للاسف قليل اوووي اللي زيه ودي حاجه في حد ذاتها تزعل ليه بقي الزوج يزعق ويشتم ويتخانق ويضرب ويهمل والزوجه بقت نكديه وضعيفه ومنكسره ليه تبقي هي دي الصوره اللي الكل راسمها وعن الجواز ليه الجواز يبقي كده ليه ميبقاش حب وعطف واحترام وتفاهم ليه ميبقاش موده ورحمه انا مبقولش اتعلمو من الروايات والقصص لا انا بقول اتعلمو من قدوتنا كلنا سيدنا محمد عليه افضل الصلاة والسلام وانتو كمان اتعلمو من السيده خديجه اقرو وشوفو اد ايه سيدنا محمد كان عطوف ورحيم ومتفاهم وازاي كان بيساعد السيده خديجه في اعمال البيت وكان ليها اب واخ وصاحب ليه متكنوش سكن لبعض ليه لازم تتخانقو وتضربو بعض وتدمرو عيالكم ليه  كل ده انا فكرت فيه في بالي بعد مفتكرت كل الازواج اللي شوفتها واللي كلهم عقدوني من الجواز ولما كنت بقولهم حلمي كانو يقلولي بطلي اخلام مفيش زوج كده حسسوني اني بطلب حاجه مش من حقي رغم ان ده اقل حقوقي وهو اني اتجوز اللي يحترمني ويقدرني اللي يعاملني علي اني ملكه اللي قوم بكل الادوار في حياتي اللي يبقي قدوه صالحه لعيالي بس والحمدلله انا ربنا عوضني باللي يكون ليا كل دول المهم وبعد كل التفكير نمت ومصحتش غير علي صوت حبيبي وجوزي زوما بيقولي اننا هنمشي طبعا سندوني لاني مكنتش قادره امشي وركبنا عربيك جوزي وروحنا وعدت الايام وعنلت عقيقه وسبوع وكان احلي ايام وانا بشارك الناس فرحتي بس بعد ما الناس كلها مشيت ومكنش فاضل غيري انا وجوزي وعشقنا لقيت الباب بيخبط بصيت لجوزي بااستغراب وقمت وراه علشان اشوف مين ولما شوفت مين اتصدمت شوفت اخر واحده كان نفسي اشوفها وفي نفس الوقت هي اكتر واحده نفسها اشوفها انا كنت عارفاها من الصور اللي بابا ورهالي بصتلها كده بصدمه من منظرها وشكلها وقولتلها بثقه_خير ايه اللي جاب حضرتك
_انا مليش غيرك متقفليش بابك في وشي انتي كمان يمكن انتي اكتر واحده انا ظلمتها بس متعاقبنيش بأنك ترميني في الشارع بعد ملجأتلك
وبعد مقالت جملتها دي لقيتها وقعت في الارض جريت عليها انا وحازم وحازم شلها دخلها جوه واتصل بالدكتور ولما جه الدكتور طمنا انه ارهاق شديد وعطانا ادويه ومشي ساعتها قعدت بره وانا لسه مصدومه وفضلت علي صدمتي لحد مقالي حازم_ايه هتعملي ايه
_مش عارفه انت ايه رأيك
_اللي اعرفه انا ان دنيا اللي انا حبيتها عمرها مهتقفل بابها في وش حد ما بالك بقي بمامتها
_ايوه بس
_مبسش هي مهما تعمل هتفضل مامتك يادنيتي لازم تقفي جمبها وحاولي تسامحيها
_سيبها بظروفها تعالي ندخل ننام وبكره ربنا يحلها
_تعالي يلا ياقلبي
ودخلنا نمنا من غير منتكلم في حاجه تانيه يدوبك دخلت بوست عشقنا واخدتها في حضني ونمت اصلي مبطمنش غير وهي في حضني انا مبعرفش انام غير وهي في حضني مبحسش بالامان غير وهي في حضني بجد انا بحتاج لحضنها يمكن اكتر مهي بتبقي محتاجه لحضني المهم لما صحيت من النوم لقيت عشق بتعيط وحازم نايم شيلت عشق ورضعتها وفضلت شيلاها لحد منامت خالص وبوستها وحطيتها في سريرها وبعدها قومت وروحت اوضيتها لقيتها صاحيه وباصه قدامها دخلت عليها وقولتلها بهدوء_صباح الخير
_صباح النور ايه هترميني صح
_البيت بيتك مش من تربيتي اني اقفل بابي في وش اي حد محتاجاني ولو محتاجه مساعده في اي حاجه قوليلي واكيد مش هتأخر
_عايزه عيالي بس مش عايزه غيرهم
_ههههههههههه تصدقي ضحكتيني ده اخر طلب كنت افكر اني اسمعه منك ده من امتي الحنان ده ولا اكنك انتي اللي رميتي بنتك يعني
_ندمت والله ندمت ولو يرجع بيا الزمن عمري مكنت هعمل كده واتعاقبت لما اتجوزت راجل ميعرفش معني الرجوله بهدلني وضربني وواتجوز عليا اخد حقك كله مني سامحيني يابنتي
_ربنا اللي بيسامح ولو علي عيالك فأنا هخلي حازم يجبهم كده كده حازم بيشتغل ظابط مباحث فهيقدر يجبهملك
هما كام
_ولدين ولد كبير في اولي ثانوي واسمه اسر والتاني اولي اعدادي واسمه عدي
_تمام ماشي عن اذنك هروح احضر الفطار
خرجت من عندها وانا مشاعري متلغبطه جدا روحت عملت الفطار وحضرته وصحيت حازم وخليته يدخل يندهلها وقعدنا كلنا نفطر بهدوء لحد مسمعت صوت عياط عشق فطبعا قومت وجريت وشيلتها واخدتها في حضني وطلعت بيها بره لحد ملقيتها بتقولي بلهفه غريبه _هي دي بنتك
_اه دي عشق بنتي
_طيب ممكن اشيلها
ساعتها بصتلي بصه رجاء خلتني اتلغبط وبصيت لحازم اللي شاورلي براسه بمعني اديهالها وفعلا سمعت كلامه وادتهلها لقيتها شلتها بلهفه وحنان وحضنتها والغريبه ان عشق سكتت معاها المهم متكلمتش وكلت بهدوء وبعدها لميت الاطباق وكلمت حازم في موضوع اخواتي وقالي انه هيتصرف وكل ده وعشق في حضنها ومعتطهاليش غير لما عيطت علشان جعانه وعدي اسبوع وكانت عشق مبتفارقهاش ابدا والمفروض ان النهارده اخواتي هيجو حازم قالي انه دفع فلوس لابوهم وهو وافق معرفش ازاي بصراحه فيه ابهات بيبعو عيالهم ولو بفلوس الدنيا كلها ده انا ضوفر واحد من عشق عندي بالدنيا كلها وبصراحه انا من جوايا سامحتها ونفسي اقولها اني سامحتها واخليها تعوضني السنين اللي عيشتها من غيرها واكتر سبب خلاني سمحتها هو اني شايفه حبها لعشق واد ايه هي بتحاول تعوضها المهم واحنا قاعدين جرس الباب رن قومت فتحت ولقيتهم قدامي شباب زي الورد واطول مني كمان حضنتهم بحب وحنان ودخلتهم لقيتهم جريو عليها وحضنوها جامد وبعد شوبه شالو عشق وباسوها وكانو مبسوطين اوي بيها وعدي يومين واتعودت علي اخواتي واتعودو عليا واتقربنا من بعض لاكن هي للاسف معنديش الجرأه اني اقولها اني سامحتها لحد مكنت في المطبخ ولقيتها داخله عليا وبتقولي _هتسامحيني امتي بقي نفسي اخدك في حضني
_انتي اللي منعتي نفسك من الحضن ده
_عارفه وندمت والله كفايه كده بقي كفايه عقاب بقي انا خلاص مش هعيش طول العمر نفسي اخدك في حضني واعوضك عن بعد عنك طول السنين دي
لما فكرت في كلامها وفي انها ممكن تروح مني في اي وقت اترميت في حضنها وقولتلها_انا مسمحاكي والله بس خليكي جمبي
_انا جمبك ياقلب امك
_يااااه ياماما كان نفسي اقول الكلمه دي من زمان
_اديكي قولتيها اهو وعمرك مهتبطلي تقوليلها ياقلبي تعالي في حضني تعالي
وفضلت حضناني لمده كبيره اوي بنحاول نعوض فيها كل السنين اللي اتحرمنا فيهم من بعض المهم عدت الايام واتقربنا من بعض اكتر وحكتلها كل حاجه عني وفي يوم كنا قاعدين بناكل لقيتها بتقول_ممكن ياحازم ياابني تشوفلي شقه لحسن احنا تقلنا عليكم اوي
قبل منا ارد لقيت حازم بيرد وبيقولها بحنان_متقوليش كده ياماما البيت ده بيتك ومفيش شقق تانيه انتي منورانا بقعدتك معانا
_ايوه بس
_مفيش بس ومفيش شقق انتو هتفضلو عايشين معانا هنا
_اللي تشوفه ياابني
بجد في اللحظه دي حازم كبر في نظري بدل المره الف بجد مفيش رجاله زيه كفايه انه جبر بخاطر امي وعاملها كأنها امه مش الرجاله اللي بشوفهم بيمنعو مرتاتهم من زيارة اهلهم معرفش بجد ازاي بيجيلهم قلب يعملوها ويقطعو صلة رحم ويمنعو بنت من اهلها واهل من بنتهم ربنا يهديهم بجد المهم بقي انعدت سنين وماما واخواتي عايشين معانا وبجد ماما قدرت تعوضني عن كل سنين البعد دي بس بعد معوضتني وعلقتني بيها ماتت وسابتني وعشق بجد اتأثرت اوي كلنا اتأثرنا وقلبنا انكسر بموتها وحازم فضل جمبي وفي ضهري وهو اللي قواني وهو اللي قوي اخواتي وكان لهم اخ كبير بجد وطبعا اخواتي طلبو يعيشو في بيت تاني بس هو رفض رفضلو عايشين معانا لحد مكبرو واتجوزو و وحازم كان هو وكيلهم  ورغم انهم اتجوزو وبقي ليهم حياتهم بس فضلو يزرونا وفضلو معانا وبجد عمرهم منسونا بالعكس ده يوم محازم حبيبي الله يرحمه مات في عمليه تبع شغله كانو هما اللي جنبي وجمب عيالي وطلبو مني اعيش معاهم بس انا اللي رفض ولما رفضت لقيتهم باعو شققهم واشترو شقتين في العماره اللي قاعده فيها وبقو معايا طول الوقت وهما اللي ساعدوني اربي عيالي لاني رفضت الجواز بعد حبيب عمري وحياتي لان في نظري مفيش راحل يستاهلني غير حازم ومفيش راجل في نظري يستاهل كلمة راجل غير حازم ربنا يرحمك ياحبيبي ويجمعني بيك في الجنه وفضلت عايشه انا اربي عيالي مع اهلي واخواتي واعل جوزي وكانت فرحني لما عيالو بينجحو في حياتهم ساعتها بجد بحس اني ربيت صح واني صونت امانة حازم وقبل متكون امانة حازم فهي امانة ربنا ليا الامانه اللي كان لازم احافظ عليها واصونها علشان لما اروح لربنا اقوله انا صونت امانتك يارب وربيت عيالي صح وراعيت ربنا فيهم لما اقابل حازم في الجنه ان شاء الله اقوله انا ربيت عيالنا زي ما انت كان نفسك تربيهم ودلوقتي هما بقو حاجه كبيره زي مكان نفسك تشوفهم وديما بيدعولك اصلي بكلمهم ديما عنك وعن حنانك وطيبتك وهما علفكره اخدينك قدوه ليهم وسيف قالي انا نفسي ابقي زي بابا احب مراتي واراعي ربنا فيها وعشق قالتلي انا نفسي اتجوز واحد زي بابا يحبني ويراعي ربنا فيا ساعتها قولتلهم لو نفسكو تبقو زي بابا يبق خد سيدنا محمد عليه افضل الصلاة والسلام قدوه ليك ياسيف وخدي ستنا خديجه راضيه الله عنها قدوه ليكي ياعشق ساعتها بجد احنا هنبقي فخورين بيكم علشان انا وبابا كنا طول عمرنا وخدنهم قدوه لينا اوعو تاخدو القدوه من الروايات لا خدوها من السنه والقرأن هما دول اللي فيهم الموعظه اللي بجد

وبكده خلص الاسكربت 12 ياريت يكون عجبكم مستنيه رأيكم فيه وعايزاكم بقي تشجعوني كده برأيكم في الاسكربتات وفي السرد وفي كل حاجه اصلي محتاجه حبة طاقه ايجابيه علشان اتشجع واكتب اكتر وطلب صغنن مني ليكم ادعو لأمي الله يرحمها بالرحمه والمغفره

دمتم سالمين ومتابعين