_صباح الخير ياحبيبي
_صباح النور ياقلبي
_يلا بسرعه البس علشان تلحق تفطر قبل متروح الشغل
_حاضر
وسبته يلبس وروحت انا اجهز الفطار واصحي عيالي وبعدها قاعدنا كلنا علي السفره علشان ناكل وفي وسط الاكل لقيت جوزي بيقولي
_جهزي نفسك بكره ياحور
_ليه
_علشان اخويا عزمنا عنده
_لا انا مش راحه خد عيالك وروحو انتو
_اقصري الشر ياحور وتعالي مينفعش متروحيش
_وانا بقول مش راحه ياكريم واعمل اللي تعمله
_كده طيب انا بقي هاخد العيال وهقعد عن اخويا اسبوع
_انت بتضغط عليا يعني علشان انت عارف اني مقدرش استغني عن عيالي
_اعتبريها زي متعتبريها المهم عندي انك هتيجي معانا بكره
_انت ليه كده ليه ظالم كده ده انت بتشوف بنفسك مرات اخوك بتعمل ايه وبتقعد تلقح بالكلام وتعيب علي عيالي في اي حاجه بيعملوها وتديني كلام زي السم وبسكت علشانك وانت حتي مبتفكرش ترد عليها ولما اقولك تقولي مش عايز اخسر اخويا انا مقولتلكش اخسره بس برضو مضيعش كرامتي ياكريم ده انت كرامتي من كرامتك
وسبيته ودخلت اوضتي وفضلت اعيط مش هو ده حلمي ولا هي دي الحياه اللي اتمنيت اعيشها انا كان نفسي اهل جوزي يبقو اهلي كان نفسي مرات اخوه واخته يبقو اخواتي بس للاسف كل ده حلم مش اكتر الواقع مش كده ابدا الواقع ان مرات اخوه بتكرهني وانا تعبت مبقتش قادره استحمل كلامها انا بشر برضو والله بشر
بعد مهديت شويه كلمت صحبتي اسمها رهف
_الو يارهف الحقيني
_ايه تاني عملتلك ايه الزفته دي
_عزمني بكره عندها مش هستحمل كلامها يارهف
_حور بقولك ايه انا قولتلك قبل كده وهفضل اقولك متسمحيش لحد يهينك اي كان مين حتي لو جوزك نفسه انتي عندك لسان وبتعرفي تردي كويس علفكره خدي حقك واحرجيها بس بالادب متركبيش نفسك الغلط وفي نفس الوقت متسكتيش ومتسمحيش لها انها تنتقد عيالك سكتيها وردي عليها
_عندك حق في كل كلمه قولتيها مهو طالما جوزي مش عايز ياخد حقي يبقي اخده انا بس بالادب اقفلي بقي دلوقتي
_اخدتي غرضك مني وخلاص هتقفلي ناس واطيه صحيح
_ايه اخدت غرضي منك دي ياجزمه انتي اقفلي علشان مجيش اضربك قدام عيالك
_لا وعلي ايه يامعلم انا اقفل بكرامتي احسن
_ايوه كده شطوره سلام
_سلام ياختي
وبعد مقفلت معاها كلمت جوزي علي الفون وقولتله اني موافقه اروح لقيته استغرب كده وقالي
_ده من ايه ده بقي
_هو انت مفيش حاجه عجباك اوافق مش عاجب ارفض مش عاجب اعملك ايه طيب
_عجبني علفكره انك وافقتي بس مستغرب السرعه دي
_لا متستغربش ويلا بقي روح كمان شغل
_ماشي سلام
_سلام
وتاني يوم بقي جوزي اخدنا وروحنا عند اخوه وبعد مسلمنا عليهم طبعا ودخلنا قاعدنا ابتدينا بقي لقيتها بتقولي
_هو ابنك رفيع كده ليه
_خلقة ربنا وبعدين ماله ده انا ابني زي القمر في كل حلاته
_القرد في عين امه غزال
_قرد فشر هو فيه زي ابني مؤدب حبيبي وبيسمع كلامي والناس كلها بتحبه وان كان علي الشكر قمر برضو ده كفايه عيونه العسلي دي
_طيب
_المهم عايزه اتكلم معاكي لوحدنا شويه
_طيب تعالي جوه
_ماشي يلا بينا
ودخلنا جوه وانا بدعي ربنا بصلاح الاحوال ولما قعدنا قولتلها
_انتي ليه بتكرهيني
_مين قال ان انا بكرهك ده انتي اللي بتكرهيني
_انا بالعكس والله انا بحبك ونفسي نبقي اخوات بدل دور السلايف ده ايه رأيك
_موافقه بس بشرط
_ايه هو
_ان كل واحده فينا تقعد وتطلع اللي جواها بحيث ايه نقفل الصفحه دي ونفتح صفحه جديده
_تمام اتفقنا
وقعدنا نتكلم كتير اوي اوي وكل واحده فينا قعدت تقول اللي بيضايقها من التانيه وفي نهاية الكلام قفلنا الصفحه دي وفتحنا صفحه جديده صفحه المحبه والاخوه وفعلا بقينا نقرب من بعض اكتر ونتكلم مع بعض لحد مبقينا صحاب واخوات كمان واحيانا كان بيحصل مشاكل اكيد بس كانت بتبقي بنا كده لا انا كنت بقول لجوزي ولا هي كانت بتقول لجوزها لأننا عارفين اننا لما نقول المشكله هتكبر ومع كل ده كنت من جوايا زعلانه من جوزي انه مدافعش عني وعلشان كده كنت مخصماه ففي يوم جه قعد جمبي وقالي
_هتفضلي زعلانه مني كده كتير ده انتي بقيتي بتكلمي رغد مرات اخويا اكتر مني وصلحتيها ولسه مش عايزه تصلحيني
_ايوه لسه علشان انا زعلانه منك جدا انا مليش غيرك بعد موت ماما وبابا وانشغال اخواتي في بيتهم وانت وعدتني تبقي ابويا واخويا وكل حاجه ليا فين بقي كل ده ها مدافعتش عني ومكنتش سندي
_انا اسف حقك عليا اني خيبت ظنك فيا
_لا انا برضو زعلانه وجدا كمان
_امممم طيب ولو جبتلك شكولاته
_بجد بجد هتجبلي شكولاته
_اه بس لو صلحتيني
_انا اصلا نسيت كنت زعلانه منك ليه المهم الشكولاته
_ههههههههههههه طفله والله طفله
_عجبك ولا مش عجبك
_عجبني طبعا وهو انا ايه اكتر حاجه حبيتها فيكي مش طفوليتك دي
_بحبك ياكيمو
_وانا بعشقككك ياقلب كيمو ووعد مني اني عمري مهخيب ظنك فيا تاني وهبقي سندك بجد
_بجد
_بجد
_بجد بجد يعني
_بجد بجد يعني
_كده صدقتك تصدق
_لا مصدقش واوعي بقي مش ناقص هبل انا عندي شغل
_ياكيمو استني بس
_لا مش هستني هو انا ناقص هبل
_طيب والشكولاته
_هجبهالك وانا جاي
وساعتها سمعت صوت كتاكيتي الصغيرين بيقولو_واحنا يابابي
_من عيوني ياحبايب بابي هجبلكو انتو ومامي احلي شكولاته
ومشي راح الشغل ودخلت انا واتنهدت بحب اه ياناااااس بحبه اوووي مهما يعمل هفضل احبه كفايه انه بجد بيحبني وانا عارفه انه مش هيخذلني تاني
وبليل بقي لقيته راجع من غير شكولاته روحت ماسكه السكينه وطلعاله_في ايه مالك هدي اهصابك يامعلم مين زعلك بس
_انت فين الشكولاته ها
_يابنت المجنونه اهدي هتموتيني علشان شكولاته
_متشتمش ماما ياض
_ياض حاضر يازميلي مهو احنا قاعدين علي قهوه اصلك خدي يابت الشكولاته اهيه وحلي عن سمايا انا غلطان اصلا اني بتجوز عيله
_انا عيله لا علفكره انا عقله خالص
_ايوه ايوه منا عارف
_طب بحبك
_انتي بتثبيني يعني طيب وانا بعشقك ياام العيال
_ياخراشي ياناااس علي جمالك ياختي كميله كميله
_يخربيت فصلانك اخرسي احسن انتي كده مش بتكلمي جوزك كده انتي بتكلمي ابن اختك فمش عايز اسمع صوتك
بت فصيله بصحيح
_هههههههههههه ليه كده بس ده انا حتي بتغزل فيك
_بقي بزمتك مصدقه نفسك كده بتتغزلي فيا كده انتي بتتغزلي في ابن اختك في فيا
_طب بحبك وانا جعانه
_وانا بعشقك بس جعانه ايه يخرببتك ده انتي خلصتي علي اكل البيت كله اوعي لتكوني حامل
_ايه ده انت عرفت ازاي
_عرفت ازاي اه ياقلبي ويادماغي اللي هيتعبو منك مهو انتي بتحملي وانا اللي بتعب من التنضيف والاكل ومن طلباتك اللي مبتخلص
_انت كذاب علفكره ده انا نسمه
_ايوه ايوه علي يدي باماره اللي بتصحيني الساعه 3 الفجر علشان اجبلها ايس كريم صح
_علفكره بقي ابنك اللي كان عاوز مش انا
_ابني ماشي ياختي ولسه كمان لما نشوف الضيف الجديد هيعوز ايه وامتي
_انت ونصيبك بقي بس شكل طلباته هتبقي كتير بس كل ده علي قلبك زي العسل صح
_صح طبعا هو انا عندي اغلي منكم
_انت عارف بجد انا بحبك انت اغلي حاجه في حياتي
_وانا بعشقك ياحب عمري كله ربنا ميحرمني من وجودك في حياتي ياام العيال
_ولا يحرمني من وجودك في حياتي ياابو العيال
وبكده خلص الاسكربت 7
دمتم سالمين ومتابعين
STAI LEGGENDO
اسكربات بقلمي/menna Mohamed
Storie d'amoreاسكربات رومانسيه وكوميديه ودراميه هتعجبكم جدا ان شاء الله
