اسكربات بقلمي/menna Mohamed

اسكربت ج2

وفعلا جوزي اخدها وخلينا ليلي ترضعها وكان اسمها تالين وربيتها انا حقيقي حسيت كأنها بنتي اللي كنت بتمناها حتي فهد فرح بيها اووي وبقي بيخاف عليها وبيهتم بيها وعصام بقي بيعاملها علي انها جوهره ثمينه واتربيت وسطنا وفي حضننا لحد مكبرت وبقي عندها 18 سنه وكانت هي فرحة بيتنا وسبب ضحكتنا كلنا لحد ما جت ست في يوم وطلبت تقعد معايا بعد مدخلتها وقعدنا لقيتها بتقولي

_انا ام تالين
_نعم
_بقول لحضرتك انا ام تالين وعاوزاها
_اه وانا المطلوب مني اقولك حاضر واروح لبنتي اللي ربيتها وكبرت علي ايدي واقولها مامتك جت تاخدك امشي معاها
تالين بنتي حتي لو انتي اللي خلفتيها فاأنا اللي ربيتها وكبرتها ولما كانت بتتعب كنت انا اللي ببقي جمبها مش انتي الام مش اللي بتخلف وترمي الام اللي بتتعب وبتربي وبتكبر
كنتي فين انتي طول السنين اللي فاتت دي لسه فاكره دلوقتي ان ليكي بنت
_مكنش هينفع اجي واخدها قبل علشان بابا كان عايش ولما مات جوزي كان عايش لاكن خلاص الاتنين ماتو فقولت لازم اجي اخدها وتعيش معايا انا اولي بيها وتعرف اخواتها
_ماما
في اللحظه دي قلبي وقف لحسن تكون سمعت كلامنا بصتلها لقيتها بتضحك وجريت عليا حضنتني
_انا جيت يا ماما
_نورتي البيت ياقلب ماما
_امال فهودي فين
_فهودك نزل الشغل وقالي اقولك متقلقيش مش هينسي شكولاتة اميرته
_حبيبي فهودي ده ديما فهمني كده
معلشي ياماما مخدتش بالي ان معاكي حد
اهلا ياطنط نورتي
هطلع انا بقي علي ارضتي
_روحي حبيبتي
_لا استني
_نعم ياطنط في حاجه
_اه فيه حقيقه لازم تعرفيها وانتي اللي تكرري طالما مامتك رافضه
_خير
ساعتها اتأكدت ان بنتي بتروح مني بس كان لازم انا اللي احكيلها مش هي علشان كده
_ثواني اقعدي ياتوتي واسمعيني كويس اووي من زمان من حوالي 19 سنه انا جالي كانسر وساعتها قولت لعمتو ليلي وقوتني ووقفت جمبي وعصام لما عرف وقف جمبي ودعمني وفضلت سنه بقاوم المرض لحد منتصرت عليه ورجعت بيتي ومعداش اسبوع ولقيت عصام داخل ومعاه بنت جميله اوي عندها شهرين وقالي ان البنت دي كان معاها جواب استني هطلع اجبهوبك انا محتفظه بيه
وفعلا طلعت وجبته لها وبعد ما قرته قولتلها
_طبعا انتي سألتيني قبل كده علي مامتك وباباكي وازاي الاسم في الشهاده مش اسمنا احنا قولتلك ان مامتك وباباكي ماتو وان بابا كان صاحب بابا عصام واحنا اخدناكي نربيكي وانك بنتنا غصب عن الكل
الحقيقه مش كده عصام لاقكي تحت علي باب العماره وكان معاكي الجواب ده وقررنا انك تبقي بنتنا ونتكفل بيكي ومكناش هنقولك الحقيقه نهائي بس غصب عني كان لا م تعرفي الحقيقه علشان امك جت وعايزاكي وانا رافضه لانك بنتي انا مش بنتها بس القرار في الاخر ليكي انتي
_قرار ايه انا حياتي كلها كانت عباره عن كذبه انا كنت بدعي لأمي ولبابا بالرحمه وفي الاخر يطلعو متجوزين في السر وتطلع الست اللي كنت بدعيلها دي اسوء ست في الدنيا انتي مش ام استحاله تكوني ام اللي ترمي بنتها لمجرد انها خايفه اهلها يعرفو بيها متبقاش ام اللي بنتها تهون عليها للدرجادي متبقاش ام مفكرتيش ليه في نتيجة الجواز اللي في السر قبل متعمليه ليه تعاقبيني وترميني علشان حاجه انتي السبب فيها مش انا ودلوقتي افتكرتي ان ليكي بنت ياريتك بجد فضلتي مايته في نظري كان زماني علي الاقل بحترمك وبدعيلك انا اسفه انا مش هسيب البيت ده مش هسيب الناس اللي ربوني وحافظو عليا مش هسيب امي اللي كانت جمبي في كل مرحله في عمري امي اللي لما كنت بتعب كانت بتفضل تعيط عليا ومبتنامش غير لما تطمن اني بخير مش هسيب ابويا اللي كان بيعاملني علي اني ملكه عمره مزعلني في يوم وعمري ما احتجت حاجه الا ولقيته جيبهالي مش هسيب اخويا اللي بيفهمني من نظرة عيني اخويا اللي معاه سري كله اخويا اللي بيعاملني علي اني بنته علشان اروح معاكي انتي مع ام معندهاش قلب واللي ترمي بنتها مره ترميها عشره طلبك مرفوض ياطنط انا هنا في بيت اهلي اللي ربوني ووقفو جمبي ولما تعرفي يعني ايه امومه ساعتها ابقي اتكلمي
ساعتها كنت هموت من الفرحه علشان بنتي مش هتبعد عني بعد ما خلصت كلام لقيتها بتبصلي وبتجري عليا تحضني وبتقولي_عمري ما اقدر ابعد عنك ياماما انتي امي ومليش ام غيرك الام مش اللي بتخلف وترمي عيالها والام اللي بتربي وبتتعب
وانا من يوم موعيت علي الدنيا ومعرفش ام غيرك
ساعتها حضنتها جامد وقعدت اعيط وفجأه لقيت حد بيجري علينا ويحضنا احنا الاتنين لقيت عاصم وفهد بيحضنونا
وبعد شويه لقيت الست دي بتقولنا_انتي صح يابنتي عندك حق اكيد مش هتسيبي الناس اللي ربوكي وحبوكي علشان تروحي مع واحده رامتك وانتي صغيره ومهتمش غير بنفسها وبس بوعدك انك مش هتشوفيني تاني بس ممكن اطلب منك طلب
_اتفضلي ولو بأيدي مش هتأخر
_انك تسامحيني عارفه اني مستاهلش مسامحتك بس
_اسفه علي مقاطعتك بس بصي ياطنط الست دي اللي ربتني عرفتني يعني ايه ام وان لازم ابر بأمي وعرفتني يعني ايه مسامحه وعلشان كده انا مسمحاكي بس متطلبيش مني اكتر مني كده لاني مش هقدر  اقدملك حاجه اكتر من كده
_مليش عين اصلا اطلب منك اكتر من كده عن اذنكم
وبعد ما مشيت اخدت بنتي في حضني انا عارفه ان الموقف ده صعب عليها بس عارفه انها قويه واده
عدي سنتين علي اليوم ده وبنتي دخلت كليه هندسه وفهد ابني اتجوز ومعاه تالين عندها سنه وفي الوقت ذه اتقدم لتالين واحد زميلها بس هو في اخر سنه في الكليه حسيتها موافقه بس متردده فطلعتلها وقولتلها
_ممكن اعرف بنوتي الجميله متردده علي العريس ليه رغم اني شايفه نظرة حب في عنيكي له
_خايفه ياماما خايفه لما يعرف ان امي رامتني يعايرني بأهلي
_ساعتها يبقي ميساهلكيش ياتوتي بصي ياحبيبتي من الظلم انك تاخدي حد بذنب حد تاني واللي يعمل كده يبقي ظالم طيب انتي عارفه دينا مرات فهد
_مالها
_دينا اخوها في السجن علشان بيبع مخدرات بس رغم كده البنت محترمه جدا جدا وفهد قايلي من قبل ميتقدملها رغم كده انا قولتله متاخدش البنت بذنب اخوها طالما هي كويسه يبقي اتكل علي الله واتقدملها بس يوم متتقدملها وتيجي في يوم تعايرها بأخوها ساعتها انا هطلقها منك انت لازم تكون سندها وضهرها وتبقي اخوها وابوها التاني وكل حاجه ليها وفعلا اهو فهد متجوزها بقالها سنتين عمره مزعلها في يوم ولما بيتخانقو بيتصالحو علطول وعمره مجاب سيرة اخوها بالوحش والبنت فعلا قمة في الادب والاحترام بصي ياتوتي كل واحد مسئول عن تصرفاته هو بس مش تصرفاته هو واهله لا لان محدش بيختار اهله ده نصيب علشان كده لما تيجي تختاري واحد بتبصي علي شخصيته واخلاقه مش اهله وملكيش دعوه باللي بيقولك عيله بتتجوز عيله اه هو كده بس ممكن عيله تتجوز عيله بس تبقي البنت نفسها مش كويسه او العكس فهو الرك علي اللي هتتجوزها مش علي اهلها اقعدي معاه واحكيله معندوش مشكله كان بيها عنده مشكله يبقي مع السلامه ومن غير تفاهم علشان ده مش هو اللي يستاهلك فهماني ياقلب ماما
_فهماكي يااحلي ماما في الدنيا كلها انا هروح اكلمه واخليها يجي هنا علشان اتكلم معاه ماشي
_ماشي ياقلبي
وفعلا بعد ساعه لقيت حازم جه قعدته في الصالون وسلمت عليها وطلعت ندهت توتي وسبتهم لوحدهم
منكرش اني كنت خايفه من ردة فعله بس قويت نفسي وافتكرت كلام ماما فدخلت وقعدت معاه وحكتله كل حاجه لقيته سكت شويه وبعدها انفجر ضحك استغربت اوي فقولتله
_بتضحك علي ايه
_عليكي طبعا اصلك حسستيني ان الموضوع مهم وانه اخرة اللي بينا
_طيب ما هو مهم فعلا
_بالنسبالك انما انا ميفرقش معايا انا هتجوزك انتي مش اهلك حتي لو كان ابوكي ده تاجر مخدرات دي حاجه متخصنيش انا اللي يهمني انتي واخلاقك وحبك ليا لاكن اهلك مين وكويسين ولا لا ده شئ ميفرقش معايا اصلا
_يعني مش هيجي يوم وتعايرني بيهم
_ابقي مستاهلكيش وساعتها تطلقي مني بسرعه لاني مش هبقي الراحل اللي بيحافظ عليكي ثانيا اللي يعاير واحده بأهلها ميبقاش راجل انتي شيفاني مش راجل
_لا انت راجل وسيد الرجاله
_طيب يبقي عمري مهعمل كده علشان محدش بيختار اهله ياحبيبتي دول نصيب المهم شخصية البني أدم نفسه واخلاقه واحترامه مش اهله انا هتجوزك انتي هخلف منك انتي هتعيشي في بيتي ومعايا انتي مش اهلك المهم بقي ايه موافقه
_هتسمع ردي من بابا عن اذنك
ياااااه الفرحه مش سيعاني كلامه طمني بشكل رهيب منكرش ان صدمتي في الست اللي تبقي امي كانت كبيره بس لما فكرت لقيت ان فعلا محدش بيختار اهله بس انا ربنا بيحبني رغم ان دول اهلي وانهم رموني بس ربنا رزقني بعيله بجد بأم مفيش في حنانها وحبها لينا وبأب مفيش احن ولا اجدع منه وباخ هو سندي وضهري واهو بزوج هيبقي في حياتي كل حاجه كل دول عوض كبير ليا عن اهلي بس رغم كده تربيتي مخلياني مسمحاهم بجد رغم اني زعلانه منها انها رامتني بس مسمحاها ومستمتعه بوجدي وسط اهلي اللي بجد اهلي اللي بيحبوني وبيتمنو سعادتي اهلي سندي وضهري وحياتي كلها
معداش شهرين وكنت مرات حازم بس كان شرطي ان بيتي يبقي قريب من بيت اهلي وفعلا حازم جابلي شقه قريبه منهم وكنت عايشه اسعد حياه مع جوزي واهلي واهل جوزي اللي بقو اهلي التانين رغم ان اكيد كان فيه مشاكل بس كنا بنعديها بحبنا لبعض ومفتش سنه علي جوزي من حازم الا وكان معايا عاصم علي اسم بابا حبيبي ومعداش 3 سنين و كان معايا تؤام سمتهم فهد وحياه وعيشت حياتي كلها وسط عيلتي اللي بجد وجوزي اللي بيحبني وبيراعي ربنا فيا وزي ما اتربيت علي الرحمه والعطف والمسامحه ربيت عيالي عليهم

وبكده خلص الاسكربت 15 يارب يكون عجبكم ومستنيه رأيكم فيه
دمتم سالمين ومتابعين