اسكربات بقلمي/menna Mohamed

اسكربت

_انتي عارفه انتي هديه من ربنا ليا انتي اختي وامي وكل حاجه في حياتي
_بجد انا كل ده
_بجد انتي اكتر من كل ده انتي سكني وراحتي وسعادتي مش مصدق انك اخيرا بقيتي مراتي
_انا اللي مش مصدقه انك بقيت جوزي خلاص انت عارف انا من وانا صغيره نفسي اووي لما اتجوز جوزي ياخدني الفجر صباحية جوازنا وينزلني علي البحر ويأكلني ايس كريم ونجري ورا بعض ونشوف الشروق
_يخربيتك انتي لسه بتفكري في افكار المراهقين المجانين دول
_ايون
_طيب انا معنديش مانع بس خليها يوم تاني مش يبقي صبحية فرحنا مش للدرجادي الجنان يعني
_لا بقي للدرجادي وهتاخدني تنزلني علي البحر كمان ساعتين ولو مش عاجبك عادي جدا نبدأ وصلة النكد بتاعة الست المصريه الاصيله بدري ايه رأيك
_لا وعلي ايه ياستي هاخدك انزلك كمان ساعتين حلي عني بقي وسبيني انام الساعتين
_نام ياسليم نام هو انت فالح في حاجه غير في النوم
_اتلمي ياجزمه ياللي اسمك نور
_حاضر يامعلم ولا تزعل نفسك
_اخرسي ابت هو احنا قاعدين علي قهوه
_لا قاعدين في البيت
_ايه الرخامه دي انا شكلي هعيد نظر في اني اكمل معاكي
_حبيبي تسلم
عيد عيد وفي الاخر هتكمل ياابني انا لا اقاوم
_مش عارف جايبه الثقه دي منين
_من بتنا ياخويا
_اخويا كمان لا بقي انتي عايزه تتظبطي
وبعد ثواني _خلاص ياسوما خلاص مش قادره بموووووت ههههههه خ هههههه لا ههههههههص
_صحيح ناس مبتجيش غير بالزغزغه وبعدين تعالي هنا صحيح ايه سوما اللي انتي قولتيها دي جبتيها منين
_الله بدلعك
_بدلعيني بسوما يابنت المجنونه
_ملكش دعوه بالحاجه ياض
_ياض كمان انا شويه وهقتلك علشان يقولو العروسه اللي جوزها قتلها ليله الصباحيه ولا اقولك اخرسي احسن وقومي البسي خلينا ننزل قبل متشل منك
_ايوه بقي هو ده الكلام جيالك يابحرررررر
ودخلت علي جوه وانا بضحك وبتنطط سمعت صوته بيشتمني من بره بصراحه ليه حق بس انا مالي ها حد قاله يتجوز مجنونه هو اللي اختار يبقي هو اللي يستحمل بقي المهم لبست هدومي وطلعتله بره لقيته متشيك ايه بقي موووز
_ايه الحلاوه دي
_يابنتي هو انتي قالبه الادوار المفروض اللي انا اللي اقولك كده علفكره
_ياعم بقي ادوااار ايه بس وبعدين يعني بلاش ابدي اعجابي بشيكتك وجمالك
_لا ياختي ابدي واتفضلي قدامي بقي
_اشي
ونزلنا علي البحر وجابلي ايس كريم ولان مكنش فيه حد علي البحر كتير جرينا ورا بعض وهزرنا وضحكنا ولعبنا كمان وشوفنا الشروق واتصورنا مع بعض كتييييير اووووي وبعدها روحنا ونمنا كام ساعه وصحينا لبسنا وسافرنا شرم الشيخ اسبوع وبجد الاسبوع ده كان احلي اسبوع في حياتي كلها حقيقي انا ربنا عوضني عن كل اللي عيشته في طفولتي وفي حياتي لما رزقني بسليم عوضني عن وحدتي وعوضني عن اللي شوفته في بيت اهلي من خناق وشتايم وحاجات كتير اووي وعوضني عن خناق ماما وبابا اللي كان بيقتلنا وبيدمرنا بس انا كنت عاقله وحاولت متعقدش من ده وافهم ان مش اللي مجوزين كده وحتي لما اختي الكبيره اتجوزت اتجوزت راحل معدوم الضمير بيضربها وبيبهدلها وبيخونها وانا بقي في وسط كل ده كنت بحارب لوحدي اني متعقدش ولا اتأثر واني اشوف قدام احسن وانتي مكرهش الرجاله لاني قولت ان اكيد زي ما فيه وحش فيه كويس وده اتأكد منه لما عرفت سليم هو اصلا جاري بقاله خمس سنين وعلفكره انا وهو بنحب بعض من اربع سنين وهو اعترفلي بحبه من تلت سنين بس اتفقنا اني هستناه بس مش هنتكلم مع بعض ولا هنقابل بعض غير لما يتقدم  وفعلا هو ده اللي حصل فضلت سنتين مبكلموش غير الكلام العادي اللي كنا بنتكلمه لحد مخلص دارسته ولقي شغل واتقدم وطبعا اهلي وافقو لانهم بيحبوه جدا وبيعتبروه ابنهم وطبعا انا كمان وافقت لاني بحبه ولان قلبي مدقش غير ليه هو وبس المهم بعد مرجعنا من السفر نزل هو شغله هو بيشتغل مهندس وانا نزلت شغلي وانا بشتغل دكتوره تخاطب وعلفكره انا بحب شغلي جدا جدا وكمان انا مبحبش الروتين نهائي فيدوبك باجي من الشغل بفكر بقي في مقلب اعمله في سليم😂😂وطبعا هو بيتجنن مني وبيردلي المقلب امبارح مثلا حطتله بودرة العفريت في هدومه راح المكتب ومفيش ساعه وجه متنرفز وفضل يبصلي بغيظ حسيته عايز يقتلني مش عارفه عملتله ايه انا المهم دخل اخد دوش ولما طلع مشي علطول استغربت معملش فيا مقلب افتكرته زعل بس لما دخلت اوضتي شوفت صرصار علي السرير فضلت اصوت وبعدها وقفت فوق الكنبه وفضلت اتصل بيه مردش عليا ابن الجزمه ده عارف اني بخاف من الصراصير بس الغريب ان الصرصارده متحركش نهائي ولا جري المهم فضلت علي الحال ده كام ساعه بلعب فيهم علي الفون لحد ما جه اخيرا واول مشاف منظري فضل يضحك كتيييير
_يامجنونه انزلي ده بلاستك
_نعم ياروح امك بقي بعد ده كله يبقي بلاستك
_😜😂😂اه تستاهلي علشان تحرمي تعملي مقالبك دي تاني
_ماشي ياسليم ماشي اما وريتك
_ربنا يستر مش مطمن
المهم عملتي اكل
_كان علي عيني كنت متزنبه هنا هات بقي دليڤري
_لا والله يعني برضو هيجي علي دماغي قي الاخر وهدفع حق الدليڤري
_ايون بالظبط كده_طيب ياختي انزلي
_لا شيله الاول
_يابنتي بقولك بلاستك
_لا برضو شيله
_حاضر ياستي انزلي بقي
_ماشي اوعي
ونزلت فعلا وجاب دليڤري وفضلنا نضحك ونهزر وبعدها لقيته بيقولي
_علفكره مامتك كلمتني وعزمانا عندها بكره
_ماشي انا هستناك لما تيجي من شغلك ونروح مع بعض
_اشمعنا لا بقي كده فيه حاجه غريبه ده احنا لما بنروح عند امي بتبقي عندها من الصبح ومبتبقيش عايزه تروحي اصلا ولما بنروح عند مامتك بتقعدي كل شويه يلا يلا مع انه المفروض يبقي العكس متفهميني واحكيلي اللي جواكي
ساعتها عيط مقدرتش اعمل حاجه غير اني اعيط واترمي في حضنه واتمسك بيه انا مليش غيره واه انا مبحبش اروح عند ماما لاني كل مبروح بيفضلو يتخانقو مع بعض وبعد ميتخانقو ماما تمسكني وتقعد تشتمني وتعيب علي اي حاجه بعملها وتقعد تقولي اني مش نافعه في حاجه واني فاشله وتدعي عليا حقيقي وقت مبتدعي عليا قلبي بيوجعني اووي للدرجادي هي بتكرهني طب ليه انا عملتلها ايه دي بتدعي عليا من وانا لسه صغيره اما حماتي ست طيبه اوي حقيقي كنت بتمني هي تبقي امي انا اصلا كان نفسي اعيش معاها بس سليم هو اللي مرضاش علشان كده بحب اروحلها واقعد معاها ولما ببقي مضيقه بحكلها هي وساعتها هي بتاخدني في حضنها وبطبطب عليا انا بقولها ماما وهي فعلا تستاهلها المهم فضلت اعيط لحد منمت وبعدها صحيت الصبح مقدرتش اروح الشغل اتصلت بيهم واعتذرتلهم وفضلت قاعده لحد ما جه سليم واخدني وروحنا واول ما دخلنا كان بابا وماما بيتخانقو كالعاده واخواتي الصغيرين واقفين يعيطو علي الباب نفس واقفتنا زمان هي نفس الوقفه بنفس الوجع جريت عليهم واخدتهم في حضني ودخلتهم جوه وهدتهم وبعدين طلعت وعليت صوتي علشان يسمعوني _كفايه بقي كفايه حرام عليكم احنا تعبنا كلنا تعبنا بسببكم انتم انتو ليه انانين كده ليه مبتفكروش غير في نفسكو مبتحبوش بعض اطلقو لاكن مدمروناش بالشكل ده
_انتي ازاي بتتكلمي معانا كده يابنت
_علشان انا تعبت ياماما ومش عايزه اخواتي يمرو باللي انا مريت بيه انتو ضيعتونا كلنا من اول يوسف الكبير اللي خلتوه مع اول فرصه يهاجر البلد علشان تعب منكم ومن خناقكم مرورا بسلمي اللي جوزتها لأول واحد جه واتقدملها وحتي مسألتوش عليه كويس ولا لا راهو بيعذبها وبتعيش نفس الحياه اللي انتو بتعيشوها لحدي انا كمان بس يمكن انا اقل واحده تعبت فيهم بس ده لاني كان عندي امل في بكره ده لاني روحت لدكتور نفسي علشان كل اللي بتعملوه دي ميجليش عقده نفسيه بس مقدرتش متعبش مقدرتش متوجعش منكم مرور بليلي اللي ساكته ديما ومبتتكلمش ومعندهاش ثقه في نفسها لحد التؤام الصغيرين اللي كانو بيعيطو دلوقتي وانتو ولا انتو هنا كل اللي يهمكم وبتفكرو فيه هو خناقكم كل الازواج علفكره بتتخانق بس بيبقي بنهم وبين بعض مبيسمعوش عيالهم علشان ميأثروش عليهم لاكن انتو بتسمعو العماره كلها وياريت بعد كل ده حد فيكم بيهتم بينا ولا بياخدنا في حضنه كل اللي بتعملوه انكم تنتقدونا وتشتمونا وبس انا ماشيه واه يابابا مش كل اللي متحوزين بيتخانقو بالشكل ده ولا بيهملو عيالهم بالشكل ده عندكم انا وسليم اهو عايشين وبنتخانق بس بنا وبين بعض محدش بيعرف بالخناقه وحتي لما نخلف مش هنخلي عيالنا يشوفو خناقنا مش هيشوفو غير الحب والضحك والهزار انا ماشيه عن اذنكم وياريت تفكرو وتفوقو قبل مدمرو ليلي والتؤام كمان ده اذا مكنوش ادمرو يعني
اخيرا طلعت كل اللي في قلبي اخيرا اتكلمت اخيرا بقي طول الطريق حاضنه سليم ونايمه علي كتفه وانا بحمد ربنا علي وجوده جمبي هو اللي شجعني اني اتكلم هو سندي وحمايتي المهم فوقت من سرحاني عليه وهو بيقولي
_لو مش عاوزه تروحي هناك تاني متروحيش
_لا هروح بس وانت معايا ومش دلوقتي لما الدنيا تعدي شويه
_تمام
_سليم
_نعم
_هو انا غلط لما اتكلمت وطلعت اللي في قلبي
_لا حبيبتي مغلطيش كان لازم تتكلمي وكان لازم يفوقو ويعيدو حسابتهم
_صح ربنا يخليك ليا
_طب ولو خلاني مين هيتولاني ها
حبيبتي مينفعش تقولي لحد ربنا يخليك ليا او ربنا يخليكي لانه يخليك دي جايه من التخليه انتي كده بتدعي عليه مش بتدعيله احسن تقولي ربنا يحفظك ليا من كل شر او ربنا يبارك فيك او ربنا يديمك في حياتي وهكذا
_تصدق مكنتش كويس انك قولتلي ربنا يحفظك ليا من كل شر
_حبيبة قلبي ويحفظك ليا من كل شر يارب
وروحنا البيت وعدي شهور واكتشفت اني حامل اخيرا بقي هبقي ام ساعتها بجد حسيت احساس عمري محسيته قبل كده انا جوايا حته مني ومن الانسان الوحيد اللي قلبي دقله ياخراشي بجد فرحتي مكنتش سيعاني وقررت  اعملها مفاجأه لسليم وطبعا جهزت المفاجأه ولما جه جريت عليه وحضنته كعادتي وبعدها دخلنا اكلنا وبعدها قعدنا مع بعض فقولتله _احكيلك حدوته
_من ايه ده
_هو كده بقي مزاجي عايزه احكيلك حدوته
_احكي ياستي
_كان فيه مره بنوته حبت واتجوزت اللي بتحبو وعاشو حياه سعيده وبعد كام شهر اكتشفت انها حامل ساعتها الفرحه مكنتش سيعاها وتوته توته خلصت الحدوته
_كويس ربنا يقومها بالسلامه 
_لا والله طيب قوم معايا بقي
واخدته طلعته البلكونه وشورتله علي السما كان فيه بلونه كبيره جدا مكتوب عليها هبقي ام وانت هتبقي اب  بصلي كده بزهول وقالي_هي دي ليا
_لا ليا انا
_مش بهزر بجد انا هبقي اب
_ اه انت هتبقي اب
فضل شويه لحد مفاق من الصدمه وبعدها شلني ولف بيا وعلي صوته من البلكونه وزعق وقال هبقي اب يابشررررررررررر فضلت اضحك علي جنونه وسعادته وقولنا لأهله واهلي الخبر وماما طلبت مني اروح اقعد عندها اول كام شهر بس انا رفضت واصريت اقعد في بيتي رحماتي طلبت مني نفس الطلب وبرضو رفضت واصريت اقعد في بيتي ساعتها حماتي جت قعدت معايا الا امي معملتها بس عادي خلاص بقي انا اتعودت والمفروض مزعلش واه علفكره ماما وبابا قللو شويه الخناق بس طبعا مقدروش يفضلو مقللينو كتير ورجعو تاني يتخانقو كتير وانا مبقتش بروح غير وسليم معايا المهم عدو ال8 شهور وحماتي مسبتنيش ولا لحظه وجبت ولد وسمناه زين كان هو فرحة عمري وحياتي كنت فرحانه بيه اوي انا وسليم ورغم انه مكنش بينيمنا بس كان علي قلبنا زي العسل وسليم مكنش بيسبني لوحدي كان بيساعدني في كل حاجه وحماتي مكنتش بتسبني وكانت فرحانه جدا بحفيدها اما ماما فهي جاتلي مره شافته وباسته وسلمت عليا وروحت ومن ساعتها مشوفتهاش تاني زعلت اوي بجد بس هعمل ايه مفيش في ايدي حاجه اعملها شيلت الحزن من تفكيري واهتميت بأبني ولما كنت بتخانق مع سليم كنا بندخل اوضتنا بعيد عنه نهائي ونتخانق وبنوطي صوتنا كمان علشان ميتفجعش ويعيط وفضلنا كده لحد ما زين كبر وبقي عنده اربع سنين وقالي انه نفسه يبقي عنده اخ ساعتها قررت اجيب بيبي تاني وفعلا حملت وجبت اسيل وزين كان فرحان بيها اوي وكان بيخاف عليها حتي لما بتعيط بيفضل يطبطب عليها ويهديها وهي بتسكت اوي لما بتشوفه او بتلعب معاه ومنكرش طبعا ان كان فيه شوية غيره من زين في الاول بس انا قدرت اشيل الغيره دي نهائي وربيتهم انا وسليم علي انهم ايد واحده وانهم ملهمش غير بعض وعمرهم مشفونا واحنا بنتخانق ديما بيشفونا واحنا بنحب في بعض وبنهزر وبنضحك وبنعمل مقالب في بعض وقريت في التربيه وخليت سليم يقرأ فيها واتعاملنا معاهم بكل حب وتفاهم لحد مبقينا صحاب اكتر من اننا اهل هما مبيخبوش علينا حاجه ومبيحبوش يزعلونا ابدا هما هديه من ربنا لينا وهما امانه من ربنا لينا واحنا والحمدلله احنا حافظنا علي الامانه دي وراعينا ربنا فيها وقدرت اخليهم ميعشوش اللي انا عيشته

وبكده خلص الاسكربت 11 يارب يكون عجبكم وهستني رأيكم في الاسكربت