اسكربات بقلمي/menna Mohamed

اسكربت جديد ج 2 "مش هسامح"

اسكربت جديد "مش هسامح" ج2

لقيت الممرضة جيبالي بنوته عندها سنه تقريبا وبتدهالي مقدرتش ارفضها قلبي حن ليها لقيت نفسي باخدها في حضني وبطبطب عليها لحد ما نامت وقعدت انا ومراد اللي قالي_هتسامحي
_لا مش هسامح يامراد مش هسامح ومش هقدر اني اسامح ولا هو ولا هي حتي لو ماتو
_بلاش ياولاء بلاش  بلاش تخلي الكره يملي قلبك  متفكريش ان القوه في انك متسامحيش وتخلي قلبك يتملي بالكره والحقد لا  القوه انك تعفي وتسامحي محدش فينا معصوم من الغلط ياحبيبتي كلنا بنغلط واحيانا غلطتنا بتبقي كبيره بنبقي محتاجين اللي يسامحنا 
_ايوه بس انا مش قادره اسامح انا بشر يامراد مش ملاك علشان اسامح
_ومين قالك ان البشر مبيسامحوش  ده ربنا امرنا احنا بالبشر اننا نسامح ونعفو وده في ايات كتير في القران الكريم  والرسول صلي الله عليه وسلم امرنا بالتسامح في احاديث كتيره ياولاء  من الايات اللي ربنا امرنا فيها بالتسامح 
قال تعالي:(ولمن صبر وغفر ان ذلك لمن عزم الامور) سورة الشوري (43)
وقال تعالي:(والكاظمين الغيظ والعافين عن الناس والله يحب المحسنين)سورة ال عمران (134)
وقال تعالي:(وليعفوا وليصفحوا الا تحبون ان يغفر لكم والله غفور رحيم)سورة النور(22)
وقال تعالي:( فأصفح الصفح الجميل) سورة الحجر (85)
شوفي كل الايات دي ربنا بيأمرنا بالتسامح وفي ايات تانيه كتير وفي احاديث نبويه كتير  زي مثلا 
عن عائشة -رَضِيَ اللَّهُ عَنها-: أنّها قالت للنبي -صلى الله عليه وسلم-: "هلْ أتَى عَلَيْكَ يَوْمٌ كانَ أشَدَّ مِن يَومِ أُحُدٍ، "قالَ: لقَدْ لَقِيتُ مِن قَوْمِكِ ما لَقِيتُ، وكانَ أشَدَّ ما لَقِيتُ منهمْ يَومَ العَقَبَةِ، إذْ عَرَضْتُ نَفْسِي علَى ابْنِ عبدِ يالِيلَ بنِ عبدِ كُلالٍ، فَلَمْ يُجِبْنِي إلى ما أرَدْتُ، فانْطَلَقْتُ وأنا مَهْمُومٌ علَى وجْهِي، فَلَمْ أسْتَفِقْ إلَّا وأنا بقَرْنِ الثَّعالِبِ فَرَفَعْتُ رَأْسِي، فإذا أنا بسَحابَةٍ قدْ أظَلَّتْنِي، فَنَظَرْتُ فإذا فيها جِبْرِيلُ، فَنادانِي فقالَ: إنَّ اللَّهَ قدْ سَمِعَ قَوْلَ قَوْمِكَ لَكَ، وما رَدُّوا عَلَيْكَ، وقدْ بَعَثَ إلَيْكَ مَلَكَ الجِبالِ لِتَأْمُرَهُ بما شِئْتَ فيهم، فَنادانِي مَلَكُ الجِبالِ فَسَلَّمَ عَلَيَّ، ثُمَّ قالَ: يا مُحَمَّدُ، فقالَ، ذلكَ فِيما شِئْتَ، إنْ شِئْتَ أنْ أُطْبِقَ عليهمُ الأخْشَبَيْنِ؟ فقالَ النبيُّ صلى الله عليه وسلم: بَلْ أرْجُو أنْ يُخْرِجَ اللَّهُ مِن أصْلابِهِمْ مَن يَعْبُدُ اللَّهَ وحْدَهُ، لا يُشْرِكُ به شيئًا".
شفتي التسامح جميل ازاي ياولاء بيخلي القلب نقي زي مهو من غير متلوثه الكره والحقد  فيه حديث تاني عن التسامح 
عن ابن مسعود -رَضِيَ اللَّهُ عَنهُ-: قال: "كَأَنِّي أنْظُرُ إلى النّبيِّ صلى الله عليه وسلم، يَحْكِي نَبِيًّا مِنَ الأنْبِيَاءِ، ضَرَبَهُ قَوْمُهُ فأدْمَوْهُ، وهو يَمْسَحُ الدَّمَ عن وجْهِهِ ويقولُ: اللَّهُمَّ اغْفِرْ لِقَوْمِي فإنَّهُمْ لا يَعْلَمُونَ"
اخر حاديث بقي
أنَّ رجلًا جاء إلى النبيِّ -صلى الله عليه وسلم-: فقال يا رسولَ اللهِ: "أيُّ الناسِ أحبُّ إلى اللهِ؟ وأيُّ الأعمالِ أحبُّ إلى اللهِ؟ فقال رسولُ اللهِ صلى الله عليه وسلم: أحبُّ الناسِ إلى اللهِ أنْفَعُهُمْ لِلنَّاسِ، وأحبُّ الأعمالِ إلى اللهِ عزَّ وجلَّ سُرُورٌ يدْخِلُهُ على مسلمٍ، أوْ يكْشِفُ عنهُ كُرْبَةً، أوْ يقْضِي عنهُ دَيْنًا، أوْ تَطْرُدُ عنهُ جُوعًا، ولأنْ أَمْشِي مع أَخٍ لي في حاجَةٍ أحبُّ إِلَيَّ من أنْ اعْتَكِفَ في هذا المسجدِ، يعني مسجدَ المدينةِ شهرًا، و مَنْ كَفَّ غضبَهُ سترَ اللهُ عَوْرَتَهُ، و مَنْ كَظَمَ غَيْظَهُ، ولَوْ شاءَ أنْ يُمْضِيَهُ أَمْضَاهُ مَلأَ اللهُ قلبَهُ رَجَاءً يومَ القيامةِ، ومَنْ مَشَى مع أَخِيهِ في حاجَةٍ حتى تتَهَيَّأَ لهُ أَثْبَتَ اللهُ قَدَمَهُ يومَ تَزُولُ الأَقْدَامِ، وإِنَّ سُوءَ الخُلُقِ يُفْسِدُ العَمَلَ، كما يُفْسِدُ الخَلُّ العَسَلَ" 
سامحي ياحبيبتي سامحي من قلبك علشان لما تغلطي تلاقي اللي يسامحك احنا مش ملايكه وكلنا بنغلط وكلنا محتاجين نلاقي اللي يسامحنا لما نغلط مهما كان الغلط متناميش في يوم وقلبك شايل من حد صدقيني قوتك في مسامحتك للناس
_هو انت عرفت كل ده منين
_من النت بكتب عن كل موضوع وبدخل اقرأ واتعلم واعرف قصص عن النبي واحاديث وبقيت كمان بسمع خطب لشيوخ زي محمد الغليظ وحازم شومان وغيرهم كتير وعمرو يوسف وشيوخ كتير تانين فمن الشيوخ و المواقع اللي علي جوجل عرفت كتير
انتي عارفه جيبت اجنده وكتبت اسم موضوع في اول الصفحه وبدأت بقي اجمع معلومات عن الموضوع ده واحاديث وايات قرأنيه واكتبها وهكذا وكل مااعوز اعرف حاجه برجع للاجنده دي 
_تصدق فكره حلوه اوي 
_ابقي اعمليها بس المهم هتسامحي ولا ايه
_مش عارفه  نطمن عليهم بس وبعدها اشوف
فضلنا ساكتين وانا عماله افكر في كلام مراد لحد ما طلع الدكتور من العمليات وقال بهدوء_عملية المدام اللي دخلت نجحت وبعد 24 ساعه هتتنقل لاوضه عاديه اما عملية زوجها فمع الاسف هو حاليا بيصارع علشان يتنفس انفاسه الاخيره وطالب يشوف واحده اسمها ولاء
بصيت لمراد بتساؤل فهز راسه وقالي_ادخلي وانا هقف عند باب الاوضه 
هزيت راسي ودخلت لحد موقفت جنب السرير بتاعه وقالي بتعب_سامحيني ياولاء عارف اني اذيتك كتير اوي بس عشمان في طيبة قلبك تسامحيني 
سكت شويه وبعدها قولتله_مسمحاك يامازن مسمحاك 
اول ما سمع الكلمه دي اتشاهد وروحه راحت للي خلقه لقيت نفسي ساعتها بقول بهدوء_ربنا يسامحك ويغفرلك يامازن 
طلعت بره الاوضه علطول واترميت في حضن مراد وبنت مازن في حضني وقعدت اعيط واقوله_انا سامحت يامراد سامحت 
لقيت مراد حضني جامد وباس راسي واخدني انا والبنوته ومشينا من المستشفي وبعد 24 ساعه روحنا المستشفي تاني علشان نشوف منة عرفنا انها في اوضه عاديه اخدت رقم الاوضه وروحنلها واول مدخلت كانت قاعده علي السرير وبتعيط واول مشافتني قالتلي بعياط_سامحيني ياولاء سامحيني والله كان غصب عني مكنش قدامي غيره 
استغربت كلامها اوي ولقيت نفسي بقولها _ازاي
_ماما تعبت جامد وكانت لازم تعمل عمليه ساعتها مكنش معانا فلوس فكازن عرض انه يدفع حق العمليه بس اوافق اتجوزه قدام تعب امي مكنش ينفع افكر في حاجه تانيه علشان كده وافقت اتجوزه سامحيني
قعدت جنبها علي السرير وقولتلها بابتسامه_انا سامحته هو اللي اذاني كتير مش هسامحك انتي ياصاحبتي ياللي كنتي ديما في ضهري 
لقيتها اترمت في حضني فحضنتها جامد وبوست خدها وقولتلها_سامحيه يامنة 
_لا مش هسامح 
_ليه ده انتي كنتي لسه حالا بتطلبي مني اني اسامحك ليه عايزه الناس تسامحك وانتي متسامحيش كلنا بنغلط يامنة محدش فينا ملاك احنا بشر ولازم نسامح زي ما بنغلط 
بصتلي منة بابتسامه وقالتلي-معاكي حق وانا سامحت ياولاء 
حضنا بعض جامد وعدت ايام ومنة طلعت من المستشفي وولاء مسبتهاش ثانيه ولما طلعت اجرت شقه جنب ولاء وسكنت فيها مع بنتها وعدي سنتين وبقي عمر بنتها 3 سنين  في السنتين دول اشتغلت منة في شركه محاسبه وعاشت علشان تربي بنتها مع ولاء ومراد جوزها
بنتها دنيا اللي كانت دنيا جديده لولاء ومراد
دنبا كانت محظوظه فعلا علشان كبرت بين اتنين امهات بيحبوها واب بيدلعها وبيعشقها عمرها محست انها يتيمة الاب في وجود مراد وفي جود عادل كمان اخو مراد اللي كان ابوها التاني خصوصا بعد ما فضل ورا منة واقنعها وخلاها توافق علي جوازهم واخيرا فرح القلب من تاني واتجمعوا الصحاب بعد ما قرروا انهم يسامحوا بجد ومن كل قلبهم 
واشتري عادل الشقه اللي كانت منة عايشه فيها جنب ولاء ومراد وعاشوا كلهم مع بعض علشان يربوا دنيا اللي كانت فعلا دنيا جديده ليهم كلهم لحد ما منة جابت عشق وبقت دنيتهم هي دنيا وعشق اللي كل واحده فيهم كان ليها نصيب من اسمها 
دنيا كانت فعلا دنيا جديده لمنة وعادل ولولاء ومراد
وعشق كانت فعلا عشق عشق لعادل ولمنة ولولاء ومراد
ومش بس كده ده اسمها بيدل علي عشق كل واحد للتاني باباها لمامتها اللي خلفوها وباباها لمامتها اللي ربوها هي واختها دنيا

بكده خلص الاسكربت بتمني يكون عجبكم وفادكم 😍😍سامحوا بعض الدنيا مش مستاهله ابدا نحقد ونزعل ونكره❤️❤️سامحوا علشان تلاقو اللي يسامحكم 😍😍اللي عايز يشرفني في جروبي ❤️❤️جروبي اسمه اجمل الروايات المشوقه مع منة محمد ونور ميسره😘😘بحبكم في الله ❤️❤️

دمتم سامين ومتابعين 😍😍
بقلمي/منة محمد(منووووشه)❤️❤️