الحلقه 52-53
منقولة
غادرتني المشاعر
الحلقه 52
انا: الووو
حسام: يامرحبا شن جو
انا: تمام وينك رايفت عليك
حسام: عدا اول امس كيف كنت عندك حلك رايفتي عليا
انا: ههههه نقدرش انتحمل غيابك يوم يامعفن
حسام: يانا عليا شن اديري
انا: شي كنت امكسدا ع تي في انتفرج
حسام: امممم باهي انا تو نجي انبات عندكم اليوم
انا: واخيراً حنيت عليا تعال.
حسام: هههههه جاك افراج
انا: ههههه باهي شن جو ساره معاك
حسام: ساره يانا عليا من ساره
انا: اووووو وين شكلنا بدينا نكبدو ولا كيف
حسام: خههههههه تبي الحق . بديت انطيح بكبدي اخره مش بوجهي
انا: هههههه به ربي يسعدكم يارب
حسام: امين . قتلك
انا: شنو
حسام: وجهك والحمرا لان عندي شغل توا وبعدين تو نجي ونهدرزو
انا: به ياقليل الادب باي
حسام: هههه باي
سكرت من حسام وفرحتلا ان بدأ يبدأ من جديد مع ساره ويحبها ونسا رغدا او حاول ان يتنساها
صبيت ولان حسام بيجي خشيت ودرتلا كيكه وحطيتها في كوشا وقعدت نغسل في مواعين الكيكه
رن فوني
لقيتا مالك
انا: الوو
مالك: ايو شن جوك
انا: الحمد الله انتي كيف حالك
مالك: تمام والله . كلمت نطمن عليكم تبو حاجا نقصكم شي
انا: لا والله سلامتك . وينك انت امس ماجيتش واليوم شكلك مش جاي
مالك: اه امس كان عندي مواضيع وكلمني حسام قالي جايكم اطمنت عليكم
انا: اها باهي ربي يعينك . وحتي اليوم جاينا حسام وبايت عندنا وكنت انديرلا في كيكه
مالك: اوووو كيكه باهي تمام كويس
انا: مش عارفا عليش قلت لمالك هكي . باهي تعال حتي انت كسد امعانا وخلينا انشوفوك
مالك: به تو نكمل الشغل الي عندي وكان فضيت بدري تو انجيكم
انا: خلاص تو نرجوك
مالك: كان ماجيتش عقبولي من كيكه راكم تاكلوها مش مسامح راني
انا:ههههه خلاص تم
مالك: هيا سلام
انا: باي
زياد: اووووو وين يامعلم قعدنا نحكو ونأخذو ونعطو في كلام في تطورات من ورايا ولا كيف
مالك: لا يامسوس كلام عادي ولد سيد يطمن ع بنت سيدا شن فيها يعني
زياد: اممممم قتلي . كان مانعرفكش راني صدقتك. احكي خيرلك . وغمز زياد للمالك
مالك: اااااااه يا زياد انموت فيها
زياد: قديمه نبو حاجا جديدا
مالك: فيش شي جديد . الجديد ان كل يوم يزيد حبي لها ع يوم الي قبلا
زياد: يعني مافيش اي حاجا صارت ماحكتلكش مابينتلكش شي
مالك: وشن تبيها اتبينلي البنت راه في ازمه وصادما قاعد مازلت والي مات هذا كان خطيبها وبعد كم يوم راجلها بيكون شن تبيها اتحبني يعني بسرعا هذي وتنساه
زياد: بس خلاص مرت ع وفاتا الله يرحمه سنه كامله وانت في سنه هذي كنت معاها يد بيد مافرقتهش دقيقيه وصبيت معاها وشركتها حزنها وخففت عليها لعند ماقعدت كويسا وحالتها تحسنت
مالك: ومازلت حنصبي معاها لعند ماترد نور الي عرفتها من وانا اصغير وفتحت فيها وانا ماصبيتش معاها علشان مقابل وعلشان اتحبني صبيت معاها علشان كانت محتاجا لحد يكون جنبها في ظروف الي كيف هكي
زياد: به انا معاك ماقتلكش شي . بس انت قاعد اتعود في غلطا الاوله احكيلها افتحلها الموضوع اعرض عليها الجواز وجوزو قبل ماضيع منك مره اخره
مالك: تي في شنو تحكي انت من جدك يعني ولا تبصر يازياد
زياد: والله من جد جدي نحكي
مالك: مستحيل تحسابني انا وقفت جنبها علشان اندير هكي في الاخير مش حندير هكي الا لما انحس نور خلاص تبي اتعيش حياتها وموافقا انها تجوز بس اني انا تو انجي ونقوللها اجوزيني وهي جرحها مازل مالاش واجد حتي لو مرت سنه عليه مازلت صعبا عليها ومازلت تذكر فيه لعند اول امس كنت عندهم حكتلي عليه وانا فرحان لانها تعتبر فيا صديق لها وتفتحلي في قلبها زي مادير للحسام ومتمسكا بيا ومانبيش نخسر صدقتها
