الحلقع 33-34
عارفين والله كتبتها وكملتها لكن موبايلي قعد يستك ودرهلي كبدي وخشت في بعضها ودارلي عرم حاجات فهمتهنش المهم مسحت منا برامج وقعدت اندير فيه عند ماقعد كويس بيش قدر ايحملي الحلقه والصوره
واسفه ع اطاله واستنوني اليوم الصبح في حلقه ان شاء الله
قرأه ممتعا
#غادرتني_المشاعر
#الحلقه_33
خشينا في شهر عرس شهد وكان فاضل ع عرس شهد 3 اسابيع ومراً عليا كأنهن سنه وحاولت انتأقلم مع وضعي وننسا سيف بس قدرتش كنت كل يوم نفكر فيه ونبكي عليه لان انا الي خسرتا انا بأيديا الي ضيعتا مني ضيعت حب حياتي حبي الاول ضيعت انسان كان شريني ويحبني ويموت فيا كنت كل يوم يمر عليا انلوم فيه روحي ونندم فيه بس خلاص شن ينفع الندم بعد ماضاع مني
قعدت نطلع ونشري مع شهد في حاجاتها وكانت اسيل اتجي اتواسي فيا وتهدي فيا بس لما اتروح كنت انرد للحالتي وننهار من جديد وكنت كل يوم انرن عليه وندور فيه بس هو كان لاحياة لمن تنادي لايرد ولايرن ع مكالماتي ومسجاتي حاولت امعاه بس قررت اني معش انرن ونبتعد وننسا لان لوكان هو يحبني كان سمحني وغفرلي شن ذنب الكبير الي ارتكبتا بيش يخليه يدير هكي ونهون عليه ويقسا عليا بطريقه هذي
اما بالنسبه للمالك معش شفتا نهائي وكان كأنا يلبيلي في طلبي لما قتلا معش توريني وجهك وفعلا من يوم هذكي معش شفت مالك وكان حتي لما انتلقا امعاه بالصدفه في حوشهم يخش للدار امتاعا او يطلع برا الحوش حتي في يوم مشيت بتت عندهم
كنت في دار انا وبنات نهدرز وكانت ساعه 3 الليل
انا: ننقني عطشت بنمشي نشرب اميا تمشي معايا سولي
اسيل: به هيا
وكان مطبخ عيت عمي تنزليلا بدروج لوطا
اسيل: رياض يرن عليا انتي عدي اشربي وانا تو نرجاك في صاله هنا
انا: باهي.
ونزلت للمطبخ وانا نزلا ومافطنتيش لقيت مالك امقعمز يحكي بالفون امتاعا
مالك: بحت فيا وكان فون ع وذنا
انا: هييييي . فجعتني مشفتكش
مالك: ابتسملي ابتسامه خفيفه . راح سوك وركب مع دروج
وانا التفتت قعدت انبحت في مالك وهو يركب من الدروج ليش دار هكي مكنش معايا هكي تغير واااجد ومعملتا ليا تغيرت بكل وقعدت انبحت لعند مالك تورا عليا عديت للتلاجه وشربت اميا
بعدها فتحت باب المطبخ الي يفتح ع لمزرعه وطلعت منا وقعدت انشم في هواء المزرعه كان الجو سمح ونسمة الليل هاديا وصوت عصفور الليل يصفر قعمزت ع كرسي حبيت نطلع لان كنت انحس في روحي مخنوقا بكل ومضايقا ودنيا الكبيره هذي ضيقا بالنسبه ليا
قعمزت وحطيت يدي ع وجهي وقعدت نبكي ونبكي لعند فشيت عبرتي كلها
ونا نبكي جاني صوت
حسام: نوووور كنك
انا: رفعت راسي ودموع في عيوني . مضايقه ياسامو مضايقه بكل
حسام: كر كرسي وقعمز جنبي من شنو وشن الي مضايقك احكيلي
انا: مش عارفه بس انحس في روحي مخنوقا بكل ونفكر في مشيت شهد واسيل خلاص بيسيبنا ويزوجن وتغير حياتهن ونقعدوش زي قبل وحاجات واجد . طبعا كان نفسي نحكي للحسام ع سيف بس خفت نحكيلا نخسرا حتي هو سكتت ودرت سبلتي شهد واسيل
حسام: به اسسسس ياهبلا تو تبكي ومضايقه روحك ع هذي بالعكس مفروض تفرحي افتكيتي منهن ومن هرجتهن بعدين وراسك انتي تو تشوفي لصقه يقعدن جيتنا كل يوم ومن كثر مايجن نقعدو نلزو فيهن
انا:هههههه بس مش كيف هنا شبابات كيف هنا متزوجات
حسام: هذي اكيد بس والله صحبتكن وتعلقكن بعضكن مش حيتغير وتقعدن كيف ما انتن وبعدين هذي هي سنة الحياة اليوم هنا يمشن وبكره انتي وموده ومافي شي يقعد ع حالا كل شي يتغير في دنيا هذي
انا: فعلا في هذي صدقت كل شي في دنيا هذي يتغير وما شي يدوووم
حسام: تو يهبلا يابترأ بدل ماتدعيلهن وتقولي ربي يسعدهن ويهنيهن تبكي وتفاولي عليهن
انا: بس وجعتني مشيتهن هنا الاثنين بينتهن اسبوعين بس
حسام: خلاص وراسي انا ماتبكيش وتزعلي روحك يابترأ بعدين منكش فرحانه انا قاعد معاكي وموده ومالك الي ديما عركا انتي وياه
انا: سكت لما قال مالك. وجيت نبي نقولا ع مشكله بس قلت تو يسألني ع سبب ومش حنعرف انرد عليه وشن نقولا
انا : ههههه ربي يخليكم ليا
حسام: ايو ابتسمي هكي ويخليكي ليا يابترأ
وحطا يدا ع كتوفي وقعدت نحكي انا وياه وجتنا اسيل وقعمزت وقعدنا نهدرزو مع بعضنا لعند ما اذن الفجر وصلينا ورقدنا
