#غادرتني_المشاعر
#الحلقه 31
مرت الليله هذكي ع كل واحد فينا في صراع مع مشاعرا ومن اليوم هذكي مر شهرين
وفي شهرين الي فاتن جو هل رياض وخطبو اسيل وقرو فتحتها وعرسها بعد شهد بأسبوع
وبالنسبه للشهد قرو الفاتحه وقعدت تطلع هي واسيل يشرن في دبش مع بعضهن
وكانت علاقتي انا وسيف في تطور كل يوم انتعلقو ونحبو بعضنا عن اليوم الي قبلا وكل يوم يعترفلي ويشكيلي من حاجه وكنت انخفف ونهون عليه
وكان مالك جينا كل بعد يومين وحاول كم مره يفتح الموضوع بس يتردد ويسكت
بالنسبه ليا كنت نمشي للجامعه ونصفي في مواد وكان صوفي يجيني كل يوم غادي ونهدرز انا وياه
وفي يوم وانا مروحا من جامعه وخاشا للحوش
انا: ماما ياماما تي وينهم شهد ياشهد
وخشيت للديار وماكان في حد فالحوش
رنيت عليهم
ماما: الوووو
انا: ايو وينك يازوبه
ماما: طلعت انا وشهد للمحل لمواعين انشوفو فيه
انا: اه باهي
ماما: انتي روحتي
انا: اه روحت
ماما: خلاص باهي نحنا مش مطولين
انا: باهي باي
وسكرت من ماما ورنيت ع صوفي وقتلا اني وصلت وركبت درت دوش ولبست قفطان كت متاع حوش عند الركبه لونا احمر امخطط باابيض ولميت شعري ودرتا كعبورا فوق وقعمزت انتفرج في صاله ع Tv ونرجا في ماما وشهد يروحن
وانا مقعمزه رن جرس الحوش
انا: يااااااي اكيد نسن مفتاح الحوش مايديرنش الي الي تعب فيا اوووووف ياربي
وعديت نفتح في باب وانا عنديش نيه نفتحا لان نعسانه
ونفتح الباب ويطلع حسام وراه مالك انا استغربت وكانن وجوهم مايتفسرنش كان رقيلهم ومتخزرطين
انا: وانا منفجعا كنكم شن في
حسام: لا مافي شي غير نبي رخصه وبطاقه شخصيه امتاع باتك
انا: كيف يعني عليش شن تبي فيهن وكنكم جيين انتم الاثنين تأخذو فيهن في حاجه احكو
حسام: وهو خاش ومش معدل عليا ويمشي وانا كنت وراه ونحكيلا ومالك امصبي ورايا ومنسته فيا وفي منظري وانا من فجعا وربكا مكنتش فطنا لروحي شن لبسا
حسام : يانووور خلاص وهو يركب مع دروج وخش للدار وانا كنت وراها وهو يسأل فيا اين جيها يرقد فيها عمي
انا: جيهه هذي
حسام: فتح الدروج الي جنب الجيهه الي يرقد فيها بابا وقعد يفتش في اوراق ويتمتم
تي وينها النم قالي تلقهن هنا ازف
انا: شن في احكيلي الله يربحك
حسام: كان متوتر ورقيلا ومش فاضيلي بكل
انا: لاني نعرف حسام كويس ونعرف ان لما يرقالا من حاجه ويتعصب مستحيل يحكيلك وعرفت نقاشي منتهي معه ومش حيدويلي حاجه
نزلت نجري مع دروج وكان مالك في صاله يرجا في حسام ولما سمع صوت كرعيا ننزل مع دروج نجري بحت فيا
وانا نزلا نجري انفصعت اكراعي في اخر درجة وطحت ع ركبيا جاني مالك يجري
مالك: بسم الله بسم الله بشويش ع روحك ومسك يدي وصباني
انا: ومالك مسك يدي ويصبي فيا اااااه كرعيا
مالك: شن تحسي
انا: كرعي نفصعت وركبيا حصلت تزليطا من سراميك تو اااااااي
مالك: وهو يهزب لان كان خايف عليا
مش عارف عليش تجري نزلا من دروج ولخرا هذا يزحلق وطبس سلح شبشب من كراعي وعزقا بعيد بالقوه من الاعصاب
انا: انبحت فيه منصدمه كنك انت يامتخلف وعليش عزقت الشبشب هكي وشن دخلك كان صارتلي حاجه انت شن دخلك
مالك: نور تنرفزينيش اكثر من هكي
وعيط بصوت عالي حساااااام وينك ازف
حسام: يعيط اشويه
انا: رقيلي ونبحت في مالك بنص عين
ومالك : يبرم
انا: به يامالك شن في انا نازلا نجري بنسألك
مالك: مايبحتش فيا تشغليش بالك انتي
انا: صبيت به وراس مالك تحكي كيف نشغلش بالي وانتم جيين وجوهكم سود وحسام يفتش في دورج بابا ويبي اوراق اكيد في حاجه احكيلي
مالك: تؤ اوووووف وعظ ع فما عمي خبط سياره
انا: مازال مالك ماكملش كلاما شنووووو شن صارلا
مالك: ماصارلا شي ماتخفيش والله كويس قاعد في مستشفي عندا كسر في يدا بس ويديرولا في صور لكن الي خبط فيه السياره مابش يتنازل ومرور مسك عمي ومامعهش رخصه لاشي دارو قصه عليه وسياره بلا طرقات خشت في بعضها
انا: احلف ان هكي وبابا ماصارتلش حاجه
مالك: قرب مني وراسك انتي مافيه حاجه وكيف ماحكيتلك
انا: لالا تحلفش براسي احلف بالله ان مافي شي
مالك: تنهد واقسم بالله العظيم عمي كويس
