الحلقه 21-20
منقولة
#غادرتني_المشاعر
الحلقه{20}...
مالك: ياسيدي كلمتني ونهيتلها موضوعها وخذيت الصور
زياد: باهي بارك الله فيك سترت عليها
مالك: عدا اخت صاحبي الله يرحمه طبيعي انساعدها
حسام: اووووو نسمع في موضوع اخت صاحبي ماأخت صاحبي شن الموضوع
مالك: لا موضوع هكي وعدا ع خير
حسام: به شنو
مالك: عارفه انس الله يرحمه
حسام: اه الله يرحمه الله الله خذاتا الدنيا
زياد: ايو الله تختار في رجاله
مالك: الله يرحمه خلاص ياسيدي عندا اختا نهارتها كنت طالع انا وزياد ويرن عليا رقم انا رديت
...يوم الي رنت مروه ع مالك ...
مالك: الو
مروه : الو خير يامالك كيف حالك
مالك: خير تمام من امعيا
مروه: انا مروه اخت انس
مالك: اها كيف حالك وكيف حال عمي احمد وامك
مروه: تمام كلهم الحمد الله . انت شن داير
مالك: لا انا تمام
مروه: مالك انت فاضي تو نحكي امعاك ولا لالا
مالك: فاضي اه كنك ان شاء الله خير
مروه : في موضوع نبي نحكيلك فيه وضروري بكل وانت عارف ماعنديش حد وبابا مانقدرش انقولا عالموضوع هذا
مالك: شن الموضوع شغلتيني احكيلي
مروه: ماينفعش ع موبايل لازم انتلاقا امعاك تقدر اتجيني بكره في جامعه
مالك: خلاص تو انجيك وين نلقاك وساعه كم
مروه: تلقاني في كلية الهندسه انا عندي محاظره 10 ونطلع منها ساعه 12 انت تعال
مالك: خلاص اتفقنا تبي حاجه انتي تو
مروه: لا سلامتك وبارك الله فيك يامالك
مالك: ماتقوليش هكي انتي اخت الغالي وتبي اي شي رني عليا
مروه: ان شاء الله نتلقو بكره باي
مالك: باي
وسكر مالك وكان يفكر مروه شن تبي فيه بكره
زياد: من يامعلم البنت قعدنا نكلمو في بنات
مالك: تي ياأجرب انكلم في بنت شنو تي هذي اخت المرحوم انس
زياد: كنها
مالك: والله ماني عارف تبيني بكره انتلقو شكلا في حاجه مهمه تبينا فيها
زياد : وكيف جابت رقم موبايلك
مالك: مش يومتها مشيت للجامعه انجيب في اوراق من واحد غادي تلقيت امعها بالصدفه سلمت عليها وسألتها ع هلها لان انا من ميتت المرحوم قصرت امعاهم ومعش سألت عليهم وقتلها هذا رقمي تحتاجو شي تبو شي رن عليا وسلميلي ع هلك
وانا بيني وبينك من ميتت المرحوم كرهت الحوش امتاعهم
زياد: الله يرحمه وان شاء الله خير
مالك: ان شاء الله
وخلاص مر يوم مالك عادي وتاني يوم عدا للجامعه ايتلاقا مع مروه
مالك: صباح الخير شن الجو
مروه: صباح النور تمام كيف حالك انت
مالك: الحمد الله . شن الموضوع خير ان شاء الله
مروه: انت عارف ان من بعد المرحوم ماعندي حد الا بابا وبابا من ميتت المرحوم مرض وقعدت صحتا بالهون وعيال عمامي وخوالي منثقش فيهم واجد ويومتها لما تلقيت انا وياك هنا بالصدفه اتقول ربي جابك ليا روحت وترددت كم مره اني مانكلمكش بس مالقيتيش حل اخره الا انت
