منقولة
مسلسل (غادرتني المشاعر )
الحلقه -13-14...
والله عمتكم اسيل عزقت الباذنجان ومشت تجري للموبايل
انا: رديت وانا دهشا الووو
سيف: ايو شن جو كنك دهشا
انا: اهلين لاغير شهد قالتلي رقم يرن عليك عرفتك انت جيت نجري
سيف: اها به شن الاجواء
انا: الاجواء قاعدين انوتو في الحاجات ديرين شويات والجو حلو بكل وزحمه
سيف: به عقبيلي شويات
انا: ههههه ياريت كنك قاعد راه والله عقبتلك وعطيتك منهن
سيف: احلفي
انا: والله
سيف: خلاص معناها تو انجيكي تو
انا: عنجد اتجي شن تحسبا خطوتين هنا
سيف: عادي علشانك انتي نمشي للصين
انا: اوووفا يا للصين مره وحده
سيف: مش مصدقا يعني
انا: سكتت
سيف: نور انتي مش واثقا فيا
انا : مابتش انرد عليه
سيف:احكي كنك سكتا مش مصدقتيني
انا: لا مش قصة مش مصدقتك بس ...وسكتت معش عرفت نحكي ( لان كنت خاطري انقولا انا انحبك بس خايفه انقولك ونصدقك ونثق فيك انت تسيبنا وتضحك عليا كيف مايديرو الشباب كلهم )
سيف: بس شنو يانور اه احكي
انا: سيف قتلك ماما تسأل عليا نسمع فيها خليني انكمل لسلاطه وبعدين الليل في ليل نحكو تمام
سيف: ماشي به رد بالك من روحك
انا: حتي انت باي
سيف: باي
طبعا سيف سكر وهو مضايق مني لان كان خاطرا يعرف انا انحبا وواثقا فيه ومصدقت ولا لا
وبالنسبه ليا كذبت عليه وقتلا ماما تسأل عليا ماكنش في حد يسأل عليا بس سؤال سيف ليا خلاني مترددا وكان كل تفكيري في سيف وتعلقي به ولا انقولو حبي له .وتفكيري في علاقتنا شن يكون مصيرها خايفا انكمل امعه ويسيبني وفي نفس الوقت خايفه انسيبا ونظلما ويطلع يبيني صح ونكون خسرت حب حياتي فالقيت الحل اني نهرب من سؤالا في الوقت الحالي
طلعت من دار وانا سارحا ونفكر في سيف مافطنتش لروحي الا وخبطت في ساس
بس ماكانش ساس كان صدر مالك للاسف
انا: ايييييي معليش
مالك: مش اتحقي قدامك وانتي تهرسي
انا: خلاص ماهو قتلك معليش وانت حاصل في روحك . وبعدين هيا خبطا راه ماقتلتكش وانت مش متحمل شي
مالك: تؤ تؤ ماكثر دوتك ازف ولسانك هذا يبي قص
وحط يدا ع فمي وغما ليا بالقوه
انا: معش عرفت نحكي قعدت انعيط ونقولا حول ونضرب فيه ع يدا وهو غاملي فمي
مالك : حط صبعا ع فما وقعد يقولي اسسسس
ويفنص فيا ويقولي تسكتي انحول يدي لكن كان قعدتي هكي والله ماني محولها
انا: قعدت نهزلا براسي بمعنا باهي
مالك: متاكده تسكتي
انا: انهزلا براسي باهي
مالك: انحول يدي يانور تعيطي ولا تطلقي لسانك والله العظيم كف يجيك
انا: هزيتلا براسي باهي
مالك: افطني انا حذرتك راه
انا: وجعتني روحي يعني عليش يديرلي هكي ويعامل فيا هكي وانا مش ديرتلا شي
بعدها نزلن دموعي بروحهن
مالك: حول يدا وجعتا اني بكيت وهو الي كان السبب في بكيتي
انا: نمسح في دموعي وجيت نبي نعدي
اشويه مالك مسك يدي
مالك: نور انا مش قصدي انزعلك بس انتي رقيتيها ليا اتعالي في صوتك وتجلطي عليا وانا مانحبش البنت الي اديرلي هكي
انا: خلاص فوت ياملك ونحكيلا وانا رقيلي بكل وعديت وسيبتا وطلعت برا لقيت البنات مقعمزات يالا الشوايا وحسام يشوي هو وفؤاد
قعمزت جنب اسيل وكان رقيلي
