حلقه 37
منقولة
غادرتني المشاعر
الحلقه 37
انا: مالك خوك
حسام: كنا
انا:اعترفلي و قالي ان يحبني
حسام: فنص عيونا واستك . قصدك قالها لكي
انا: كيف قالها لكي انت تعرف حاجه
حسام:لالا نحكيلك يعني كيف حكها شن الي هاله يحكيها لكي
انا: تعاركت معاه وكلام جاب كلام رقالا مني وقالها ليا
حسام: باهي وشنو يعني وكان يحبك انتي تو مخطوبه وتحبي سيف
انا: اه انا نحب سيف ومستحيل نستغنا عليه بس مالك قالها ليا وهو عارف اني انخطبت شن كان يقصد بيها الحركه هذي هكي خلاني نفكر
حسام: نور اتفكري في شنو يعني حاجه تبيش تفكير حتي لو كان مالك يحبك بس انتي تحبيش وتحبي سيف وشن يعني تبي اتسيبي سيف ع سبة تخسريش مالك الي هو ولد سيدك تكسري قلبك
انا: به ومالك شن يصير فيه
حسام: عادي تو فتره وينساك بعدين مرات يقعد مش حب مجرد اعجاب هكي وخلاص
انا: نبيش اتصير حاجه اتخلي علاقتنا بعضنا تنهز ولا نخسرو بعضنا لان عنديش في دنيا غيركم انتم فا منبيش جو هذا يصير بينا ويخلي في بينا حسس ومشاكل
حسام: لالا مستحيل بعدين مالك مش مراهق ولا عيل اصغير بيش يخلي حاجه كيف هكي اتأثر علينا صدقيني يانور مالك مجرد اعجاب بس ومع الوقت تو ينسا
انتي تفكريش وتقعدي شغلا روحك وتفكري في غيرك فكري في نفسك وفي الي يسعدك من حقك حتي انتي تفرحي ومالك خليه عليا تو نحكي امعاه
وانتي تعاملي معاه زي قبل وكأنا ماصرش شي هكي حسسيه انك فيتا الموضوع ومش هامك هكي تو يفوتك
انا: اووووف ياربي عارف ريحتني بكلامك كنت حايره ونفكر وتلخبطت عندي
حسام: معش تشغلي بالك يابترأ وتفكري في سعدت غيرك شن قيلك انا فكينا من طيبا الزيدا امتاعك
انا: ههههه نجك ليا انت وخلاص . بعدين هيا كول الكيكه الي سكنتلي عليها
وقعدت انا وحسام نهدرزو لعند جو هلي
طبعا حسام مابش يقولي ان مالك يحبني دار روحا مايعرفش
ومع ان عارف مالك يحبني وعارفا ان يتعذب قاعد بس قرار ان يصبي امعايا لان حسام عارف اني قعدت نفكر وخفت نخسر عيت سيدي وصحبتنا بيهم بحاجه كيف هكي وقعدت نفكر في هلي وهلا وفي تعست مالك وان انا عشان يكون هلي مبسوطين ممكن انتخلا ع سعادتي ونتنازل ع كل شي علشان هلي الي معنديش غيرهم في دنيا
بس حسام لان عارفني وعارف تفكيري وطبعي قرر ان يخليني ان متريحا وفرحانا وخوه هو الي يتعذب وعشان سعادتي انا اختار تعسات خوه
بات حسام يوم هذا معنا وحكينا لهالي ع مرضتي ودارو قصه ومايحسبوش ان الي صارلي هذا سببا شهر الي سيبني فيه سيف
كلمت سيف وقلتها له وقبل انكلب وقعد يبي يجي يتأكد اني كويسا ولا لا وطبعا حاولت امعاه بس لان راسا مسكر جا وطلعتلا من بلكوني بيش تأكد وتريح اني كويسا ومافيا شي ومحوتك بيش سكر وسيبني نهدرز مع حسام
سهرت اليوم هذكي انا وسامو عند الفجر وكملتها نحكيلا ع سيف وكيف تعرفت عليه حكيتلش تفاصيل بس حكيتلا حاجات عاديه
وكان متفهم معايا مع ان تنرفز اشويه ومعجبتاش مني بس كان الي مريحتا ان سيف جا خطبني وماضحكش عليا
