الحلقه 18-19
#غادرتني_المشاعر
منقولة
الحلقه{18}...
ساره : سيف رن علينا ع موبايل صاحبا علي و قللنا الشحن امتاعي كمل وهما قريب يوصلو خلاص
انا: الحمد الله ياربي طمنتيني عليه الله يطمنك
ساره: تعالي هنا يامعفنا كيف صار اتكلمي في سيف قعدتي
انا: خههههههه والله ياسرو كل شي جا بسرعه وانا مش قصدكي مانقولكش بس قلت خلينا بعد انتلقو نحكيلك وجه لوجه خيير
ساره: به احكيلي تو نقدرش انتحمل لعند مانتلقو وااااجد راه
انا: هههههه عرفتك قصقصا حتي انا
ساره: به هيا احكيلي كُلي اذانان صاغيه
انا: ياحنه تلقينا في سندباد صدفه وعطني الرقم غادي وروحت رن عليا وهدرزنا مع بعضنا وقعدنا عالحال هذا اسبوعين واليوم فجأني وجاني في الينابيع انا صدمت لما لقيتا قدامي وهدرزت امعاه اشويه وروح وانا انشغلت عليه لان موبايلا مقفل خفت اتكون سيرتلا حاجه بس انتي طمنتيني
وتفاصيل القصه بزبط نحكيهن لكي لما انتلقو بس عطيتك الزبده انا تو
ساره: به عادي تو نرضا وخلاص تو بالزبده بس .
بس لما انتلقو نبي التفاصيل كامله بالحرف
انا: ان شاء الله وربي يطمنك كيف ماطمنتيني
ساره: وين ياحنه شكلك مكبده
انا: حي اسكتي مش غير امكبده طايحا بوجهي اخره
ساره: عدا من الي ماتشوفيش سيف وطيح فيه وبعدين حتي هو شكلا مكبد الي تعب وجاكي عند غادي و بنات العايله هنا كلهن مايتات عليه وهو مش امعبرهن نهائي
انا: صاح تحكي جد 😨
ساره: والله هو طبعا هكي مش اي بنت يبحت فيها
وتملا عينا يعني من الاخير مش من نوعيه النسونجيه ودبينا ارتبط بيك معناها في عقلا حاجه
انا: حي فرحتيني اصلا هو قالي شهر هكي انتعرف عليك ونخطبك ومانبيش نلعب عليك لاشي
ساره: دبينا قال هكي معناها صاح وانا تو نشوفلك الموضوع من عندي ونعرفلك القصه شنو
انا: تم معناها وربي يخليك ليا ياكبيدتي
ساره: تم يالحب اتفقنا
انا: خلاص انتي وينك توا
ساره: عند خالتي نعيمه
انا: خلاص معناها بعد يوصل سيف رني عليا وقوليلي
ساره: حاضر به
انا: خلاص تو خليني نمشي لهلي باي
ساره: باي
وسكرت من ساره وفرحت لان سيف كويس مافيهش شي ولان ساره طمنتني من كلامها بأن سيف صادق معيا وميكذبش . يعني الحمد الله اليوم اخبار حلوه سمعتها
سيف جاني وقالي انحبك وتو ساره طمنتني ان هو مايكذبش
وانا ظنيت فيه في الاول وخفت يكون يكذب عليا
وكنت انقول في الكلام هذا كلا في عقلي ونمشي ونضحك بروحي زي الهبلا
وفجأه يفجعني مالك
مالك : بخخخخخخخخخ 😛
انا: واااااااااو😱 يامامي فجعتني 😓خزيه يابارد 😠
مالك: 😂😂😂😂😂😜 ياخوافه خفتي
انا: شن رايك انت يعني .
وحطيت يدي ع قلبي واتكيت عالساس وقعدت انتنفس بالقوه لان خفت بكل وماتوقعتش ان حيسير هكي
مالك: نووووور كنك 😥
انا: مش عارف بس قلبي انحس فيه من الفجعا
مالك: والله ماهو قصدي انجيبلك اميه
وعدا مالك جابلي شيشه اميه وعطني نشرب منها
انا: شربت منها اشويه
طبعا مالك كان قريب مني وشكلا خايف عليا بكل وندم ان خوفني . بس عمتكم نور لاخافت لاشي هذينا كلهن طروح كانن . او تقدرو اتقولو انرد في ثاري منا
شربت من الميه وفجأه شيشه لميه كلها انكبت في وجه مالك وخليتا زي القطوس
مالك: يانعنجد شكلك يافرخه
انا: ميتا ضحك عليه
مالك: تي والله وقعد يجري وراي
انا قعدت نجري من جري كرعيا اقعدن في ظهري وجيت لهالي يشوفو فيا نجري ونعيط ياماااااااماااااا
وحقو وراي مالك
جيت نجري وكرست ورا سامو لان هو كان امصبي
انا: ساعدني ياسامو ونضحك عليه وخايفه من مالك (ديرا روحي خايفه)
