ركبنا وزعنا الدبش بين السيارات وتوكلنا ع الله طبعا وكان جو الماشيا وطريق حلو بكل وجو سيارتنا طبعا مايخلش الموضوع من الفستري والتشفيط والعرايك انا ومالك ويحزو علينا اسيل وحسام
وكان سيف كل شويه ايدزلي مسج يطمن عليا ويسألني وين وصلا
سمعنا جميع الاغاني وبعدين جت اغنيه انموت فيها
انا: عيطت للمالك خليها ياملك
مالك: شن الاغنيه القديمه هذي مش مخليها
انا: وراس امك اتحطها
مالك : مانيش
انا: ننقنك بارد فيكش جو بكل
مالك: التفت عليا وعطني تفنيصا
انا: هييييي انتي عيونك راه يبلطن ع اساس خفت هكي انا
حسام: تي حطها لها يامالك فكنا من المعيلا
مالك : تي اغنيه قديمه وكائيبه
حسام: زبري حول ياراجل وردلي حسام ع اغنيه وحطها ليا
انا: نجك ليا تفهم مش كيف نااااس
مالك: شكلها ماشيه مباركا
بيقولولي توبي .توبي توبي توبي ازاي بس ازاي تتوبي ياعيني ازاي
عاشقا وغلبانا والنبي دنا عاشقا ومسكينه والنبي
ماقدرش اتووووب والنبي مانا كل حتا في توبي ديبا ديبا ديبا في هوا محبوبي
قعدت انغني انا واسيل مع الاغنيه لان لحنها ومسيقتها خيال بكل وقعدت نقهر في مالك ونضحك وحسام قعد ينابش فيه ويغني مع الاغنيه خلاص مالك معش يحق فينا بكل و فقدنالا اعصابا قعدن تحت الصفر
بعدين وصلنا للوادي الكوف لقينا بابا مدرس هو وحاتم ع يمين درسنا حتي نحنا ولقينهم يشرو في عسل تبيه اجديده
طبعا هما يشرو في عسل وانا واسيل نزلنا قعدنا نصور ع جسر وادي الكوف بعدين جت سيارة محمد وفؤاد حتي هما درسو ونزلن موده وشهد وقعدنا نصورو مع بعضنا وطلقنا كرعينا اشويه
وكان زحمه بكل سيارات وااجدات مدرسات الي يتفرج والي يصور والي يراجي في وحدين وعرم سيارات يخطمن علينا
بعدين جيت لقيت ماما وبابا وعمي صلاح امصبين جنب السياره وحسام كان مصبي يالاهم ويهدرزو صبيت معهم وقعدنا انا وحسام انعلقو لهلي ع اعصاب مالك منا وموتنهم من ضحك وطبعا جت موده صورتنا صوره وكانت حلوه بكل لان جت عفويه وكانا فيها نضحكو كلنا
عمي صلاح: هيا ياجماعة الخير خلاص مازال قدمنا طريق
حسام: هياهيا نووور كلمي اسيل والعصبي مالك
انا: باهي تو نعدي انكلمها
مشيت انكلم فيهم كانت موده وشهد واسيل ومالك ومعهم فؤاد وعائشه امصبين عالجسر وتفرجو عالوادي
جيتهم هيا ياشباب وبنات قاللكم عمي صلاح
فؤاد: هيا ياعائشه
عائشه: هيا بنات شن رايكن تركبن امعيا انا وفؤاد بروحنا ديرولنا جو
شهد وموده : به هيا تو نركبو معاك غير نمشو للسياره نأخذو شنطينا
انا: هيا ياملك وانت تقول اود مرا اتحقا الوادي
مالك . تي راه انزقبك منا وانتي لازم تدوي
انا: اه لازم
مالك: تي عارفا انتي بنركب تو تقوليلي حطلي توبي ما توبي واقسم بالله انزلك
انا: ع اساس انت الي اتسوق
مالك : اه انا الي نبي نسوق تو وحي علمك نسمع صوتك
انا: حي علمك انت مش امي انا
مالك: شنو شنو
انا: ابتسامه خفيفه لالا شي
مالك: اها ناس ماتجيش الا بالعين الحمرا ياc
انا: c لالاD
وركبنا كلنا سيارات وتوكلنا ع الله وكملنا باقي طريقنا وطول الطريق انا ومالك نقار ونقير
وحسام. واسيل كملينها ضحك وتشفيط ع مالك
مسكين وجعني 3علي1وااجد
