Naglilinis kami nina Tita at Ate Clara isang Sabado ng umaga.
Darating kasi ang fiancé ni Ate Mercy.
Wala pang asawa ang magkapatid.
Kaya naman ng ibalita ni Ate Mercy na nagpropose sa kanya ang best friend niyang si Carlo, nagulat sina Tita.
Hindi kasi namin alam na may boyfriend siya.
Pero ng makabawi sa pagkagulat, tuwang-tuwa si Tita Nena.
Matutupad na din daw sa wakas ang pangarap niyang magkaapo.
"Ma, let's not get ahead of ourselves." Sabi ni Ate Mercy.
"Kasal po muna. Saka na po ang baby."
"Mercy, forty years old ka na. You're not getting any younger."
Napatingin sa amin si Ate Mercy.
Nakikinig lang kami ni Ate Clara sa kanila.
Kapag ganito ang tono ni Tita Nena, it's best not to say anything.
Ang kasunod kasi nito ay ang isang mahabang litanya tungkol sa pagiging babae namin.
Isusubo na sana ni Ate Clara ang spaghetti ng ituro siya ni Tita gamit ang tinidor.
"Just like you, Clara."
"What about me, Ma?" Defensive agad ang tono ni Ate.
"What happened to you and that guy, Marc? He seems nice, decent and stable. Bakit bigla na lang siyang naglaho?"
"Ma, sinabi ko naman sa'yo di ba? He moved back to Montreal because he found a better job there."
"I know pero niyaya ka niyang sumama di ba? Why didn't you go with him?"
"Dahil ayoko. Ano? Sasama ako sa kanya and then if the relationship didn't work out, babalik ako dito? Besides, nandito kayo pati ang trabaho ko. I just can't uproot my life to follow him."
"Pero hindi ka na bumabata. Nang umalis si Marc, I don't even think you started dating again."
"Ma, it's my choice."
"What I'm trying to say is, ayokong iwanan kayo na hindi ko alam kung merong mag-aalaga sa inyo sa pagtanda ninyo. Malungkot ang mag-isa. Alam ko ang sinasabi ko dahil nang mamatay si Juancho, doon ko naramdaman ang hirap ng walang kasama."
"We can take care of ourselves, Ma." Sagot ni Ate Clara.
"Sinasabi mo iyan ngayon dahil kaya mo pa."
Natahimik si Tita Nena.
Ang tunog lang ng mga sumasayad na kubyertos ang maririnig.
Akala ko tapos na siya pero ako naman ang hinarap niya.
"Ikaw, Lena? Wala ka ding balak mag-asawa?"
"Po?" Napanganga ako.
"Huwag mong sabihin na gagaya ka sa Ate Clara mo?"
Umirap si Ate.
"Paano naman makakahanap ng lovelife si Lena, Ma?" Si Ate Clara ang nagsalita.
"Eh sa dami ng responsilibidad niya sa buhay, do you think she has time to date?" Sinabi niya iyon sa paraan na parang napapagod siya mismo sa sitwasyon ko.
"Hindi naman masama ang tumulong sa family, Clara. Pero puwedeng gawin iyon ni Lena and at the same time, nagdidate siya." Nag-uusap sila na parang wala ako sa dining table.
Nagtinginan na lang kami ni Ate Mercy.
Kapag may mga ganitong diskusyon, ang malimit magtalo ay si Tita at si Ate Clara.
YOU ARE READING
Ang Nakaraan
RomanceSa loob ng pitong taon, tahimik na nanirahan si Lena sa Canada. Pero mababago ang lahat ng makatanggap siya ng message mula sa isang kaibigan. Isang text na magdudugtong sa nakaraan at ngayon. Kaya na ba niyang panindigan ang sariling kaligayan o ta...
