Two years ago, lumipat kami ni Tita Nena sa Auburn Ridge sa southwest quadrant ng Calgary.
Doon na din kasi nakatira ang dalawa niyang anak.
Idea ni Ate Clara na sa kanya na tumira si Tita lalo na at biyuda na ito.
Bago ako dumating sa Canada, yumao na si Tito Juancho.
Isa din ito sa dahilan kung bakit pinursigi ni Tita na makaalis ako dahil wala na siyang kasama sa bahay.
Ayon sa natanggap na message kay Maddie, nasa Calgary siya.
Bukod sa kanya, may dalawa pa siyang kasama.
Isa dito si Hazel.
"O, huwag kang ma-excite at madidisappoint ka lang." Tinawagan ko na siya during my one-hour lunch.
"Bakit naman ako maeexcite?"
"Oo nga pala. Matagal na din kayong break ni Haze. Siguro naman nakapagmove on ka na din ano?"
Kinutuban ako lalo sa sinabi niya.
At kahit ayokong itanong kung ano ang ibig niyang sabihin, siya na mismo ang nagvolunteer ng information.
"Iyong isa sa kasama naming umalis, dyowa ni Haze."
Ewan ko kung bakit bigla akong napabuntong hininga kahit hindi naman iyon ang intention ko.
Siyempre, hindi nakaligtas kay Maddie ang reaction ko.
"Grabe. Ang lalim ha?" Tumawa siya.
Natawa na din ako.
Fake laugh nga lang.
Ayokong mag-isip siya ng kung anu-ano lalo na at madaling makatunog si Maddie.
Hindi ko din naman kasi maipaliwanag ang reaksiyon ko eh.
Why do I have to exhale as if it was my last breath?
Matagal na kaming wala ni Hazel di ba?
Eh bakit parang ang sakit malaman na meron na siyang iba?
Bakit biglang kinurot ang puso ko sa nalaman?
"Ginette ang name niya. Gin kung tawagin."
"Like the drink?"
"Mismo."
"At take note, Lena, September din ang birthday niya."
"I hope hindi kami pareho ng date ng kapanganakan."
"Thankfully hindi naman although hindi masyadong nalalayo. Five days lang yata ang pagitan ng birthday ninyo."
My goodness.
"Why are you telling me this?"
"Malay mo, one of these days magkita-kita tayo? O di kaya eh makasalubong mo silang dalawa ng hindi sinasadya? At least hindi ka magmumukhang tanga di ba?"
"Ba't naman ako magmumukhang tanga?"
"Baka kasi hindi ka pa din over kay Hazel?"
"Madz, ang tagal na naming walang communication."
"It doesn't mean na wala ka ng feelings para sa kanya. Di ba nga? Wala kayong closure dahil dinedma ka niyang maigi?"
"At paano mo naman nasabi na dinedma niya ako?"
"Lena, ako lang naman ang kausap ninyong dalawa during those times."
"Fair point."
"Basta. Concern lang ako sa'yo. Kahit naman matagal na tayong hindi nag-usap, I'm still your friend. At siguro naman ngayong nasa iisang lugar na tayo, mas magiging regular ang communication natin."
YOU ARE READING
Ang Nakaraan
RomanceSa loob ng pitong taon, tahimik na nanirahan si Lena sa Canada. Pero mababago ang lahat ng makatanggap siya ng message mula sa isang kaibigan. Isang text na magdudugtong sa nakaraan at ngayon. Kaya na ba niyang panindigan ang sariling kaligayan o ta...
