~~~~~~~~~~~~~~~~~~
عامر رما التلفون وجرا ووائل جرا وراهو ،، لقو اروى واقعة ف الارض💔
عامر مشا عليها ورفع راسها ف رجولو وبقا ينادي بي اسمها ويحاول يصحيها ..
وائل : عامر قوم سريع خلينا نمشي المستشفى ..
طلعو برا وركبو ف عربية وائل .. وعامر قعد مع اروى ورا .. شويات و وصلو المستشفى ..
وائل دخل المستشفى وجاهم راجع معاهو مجموعة ممرضين..ختوها ف السرير واول ما دخلوها المستشفى كلموهم انو لازم يدخلوها عملية وعلى طول ودوها على غرفة العمليات ..
وهم برا ما فاهمين اي شيء
🍂🍂🍂🍂🍂🍂🍂🍂🍂🍂🍂🍂
🌸 عند كمال ورنا 🌸
كان قاعد في طرف الكنبة وهو خاتي يدينو في وشو وبيحاول يمسك نفسو .. قعدت جنبو رنا وبقت بتحاول تهديهو ..
كمال : رنا ،، انا خايف شديد دا كان صوت اروى الكوركت دي ،، نحن خسرنا هدى ،، ما بقدر اخسر اروى برضو ،، والله ما بقدر
وبقا ببكي بصوت .. رنا حضنتو عليها وبقت تقول ليهو : رووق يمكن كوركت لانو جاها الوجع ودا وقت الولادة بس ان شاء الله حيحصل كل خير ما تقلق انت شوية وبنتصل عليهم تاني نفهم منهم الحاصل شنو روق حبيبي💜
🍂🍂🍂🍂🍂🍂🍂🍂🍂🍂🍂🍂
🌸 المستشفى 🌸
بعد ساعة ونص كدا الدكتور جا طالع .. مشو عليهو بسرعة
عامر : يا دكتور وريني اروى كيف مرتي حصل ليها شنو هي كويسة مش
وائل : والبيبي ي دكتور حصل عليهو شنو طمنا عليك الله
الدكتور ابتسم ليهم ورد : ماف داعي للخوف المدام كويسة والبيبي كمان كويس وألف مبروك ربنا رزقكم بي بنوتة حلوة تتربى في عزكم ان شاء الله ..
عامر من الفرحة قعد في اقرب كرسي .. وبقا خاتي يدينو في راسو وبردد الحمدلله الحمدلله بصوت مهزوز كدا💜
وائل قعد جمبو وضماهو عليهو وربت على ضهرو وهو بقول : الف مبروك يا صحبي بقيت ابو وبقيتني عّم شنوو لكنن💙💙
بعد شوية كدا خلو عامر يخش ليها .. مشا قعد جنبها .. كانت مغمضة عيونها .. حست بي حركتو لما قعد جمبها .. فتحت عيونها .. عاينت ليهو مسافة قبل ما تبتسم
مسك يدها وقال ليها : كويسة انتي ؟؟
ضحكت قبل ما تقول : كيف ما اكون كويسة وبقيت ام لبت منك♥️
