* المغرب •
اروى طلعت تشتري رصيد من الدكان .. لما جات راجعة شافت دكتور صالح (( بقريهم في الجامعة مرة مرة لمن يكون عندهم محاضرة إضافية )) عملت رايحة ومشت بدون م تتكلم معاهو .. وفجأة سمعت صوت بنده عليها : اروى🗣🗣
اروى بينها وبين نفسها (( الله يمرر باقي الليل دا على خير )) .. التفتت عليهو وهي راسمة ابتسامة مزيفة على وشهاا .. دكتور صالح جا ماشي عليهاا ..
صالح : نورتي الحلة ،، الجابك هنا شنو !!😉💙
اروى : صحبتي هدى ساكنة هنا ،، وبايتة معاها الليلة🙂🙂
صالح : ايواااا🤐👏
وقبل ما يكتر في الكلام اروى قالت ليهو : أستأذنك لازم ارجع بعد دا😊✋🏼
صالح : عادي ولو ،، إذنِك معاك ومع السلامة😉💜
مد ليها يدو .. مدت يدها وصافحتو ولاحظت انو ضغط على يدها .. جرتها منو ومشت بي سرعة .. وهو كان بعاين ليها لغاية ما اختفت من انظارو .. وقال بينو وبين نفسو (( ما مطول عشان أوصل ليكي ،، صدقيني ))😏❤️
☄☄☄☄☄☄☄☄☄☄☄☄☄
اروى رجعت البيت ودخلت الغرفة .. لقت هدى صاحيةة .. مشت عليها وقعدت جمبها ..
اروى : حبيبتي ،، كيف بقيتي ؟!🌚❤️
هدى : احسن ،، اروى معليش بس ممكن تجيبي لي مُوية☹️💔
اروى : من عيوووني😍💜
نزلت كبت ليها موية وجات أدتها ليها ورجعت قعدت جمبهاا ..
اروى : ي هدى ،، انتي عندك فكرة انو دكتور صالح ساكن هناا !!😕😕
هدى ختت الكباية جمبها وقالت ليها : اي ،، ليهو سنين ساكن هنا ،، بس السنة الفاتت حتى عرفت انو ساكن معانا في نفس الحلة ،، لي في شنو ؟!😕😕
اروى : (( حكت ليها الحصل لما مشت الدكان ))
هدى : اروى خلي بالك منو ،، اصلاً اخلاقو زي الزفت ،، ومن زمان حاساهو خاتي عينو عليك😑✋🏼
اروى : الله يمرر الموضوع ع خير ،، بس خليهو بينا ماف زول يعرف✋🏼✋🏼
هدى : طيب تمام😁😅
☄☄☄☄☄☄☄☄☄☄☄☄☄
* بيت الطاهر •
كان قاعد زياد وبتكلم مع ابوهو ..
الطاهر : بالمناسبة ي ولدي ،، بكرا ماشي توتي عشان المشروع ؟!😕😕
زياد : ااي ان شاء الله🌚💙
الطاهر : انت ما تخلي زول غيرك يمشي ،، عارف انو هنا في شغل ضروري لازم نكملوو😟😟
زياد : ابوي لي زمن ما مشيت ،، لازم امشي واشوف الحاصل عشان اتطمن انو كل شيء ماشي تماام🐸💚
الطاهر : خير ي ولدي🙂👋
زياد : خير ي ابوي😄👏
☄☄☄☄☄☄☄☄☄☄☄☄☄
* بيت كمال _ وفي غرفتو تحديداً •
كان راقد في سريرو .. وفاتح تلفونو وداخل واتس .. فتح بروفايل وائل لقاهو خاتي صورتو مع رنا (( اتصوروها في الفاخر قبل ما يجي كمال )) .. حفظ الصورة ودخل الاستديو قص الصورة على رنا .. وبقا بعاين ليها وقت طويييييل .. وقال : سبحاان الخلقك😍❤️
☄☄☄☄☄☄☄☄☄☄☄☄☄
* عند هدى •
فتحت تلفونهاا ودخلت الواتس .. وقَعَدت تقرأ محادثاتها مع وائل .. دخلت بروفايلو وفتحت صورتو مع رنا .. اتغاظت شديد وقفلت التلفون وقالت : اففففف😩💔
وغمضت عيونها شديد ..
اروى : مالك ي بت ؟!😳😳
هدى فضلت ساكتة .. اروى قامت من السرير وجات قعدت جمبهاا ..
اروى : احكي في شنو ؟!☹️☹️
هدى فتحت التلفون و ورتها الصورة بدون م تقول اي شيء ..
اروى : طيب وليه زعلانة ؟!😐😐
هدى : مغيوظة ،، شوفيها حلوة كيف ،، مستحيل يفكر يعاين لي مع رنا دي ياخ😭💔
اروى : ي بت الجمال م ليهو علاقة ،، بعدين انتي عارفة كويس انو معتبرها اختو ما غير🌚✋🏼
هدى : اممم صح كلامك😟💔
اروى : لازم ننوم بعد دا ،، بكرا عندنا جامعةة😪💔
هدى : ااي ،، طيب تصبحي ع خير💜💙
اروى : وانتي بخير💜💙
قامت اروى مشت على السرير التاني ورقدت .. وهدى غمضت عيونها .. والاتنين ناموو ..
☄☄☄☄☄☄☄☄☄☄☄☄☄
نهاآيةة الحلقةة الراآبعة والعشروون ... 💜🎶
