* توتي •
اروى وصلتها صور .. فتحتها لقتها صور عامر ومعاهو واحدة من بنات دفعتهم .. اتخلعت شديد .. حاولت تركز في الصور .. وعرفت انها ميسون .. مشت لي هدى لقتها بتقرأ ..
اروى : يا هدى
هدى : ايوة
اروى : شوفي (( و ورتها الصور ))
هدى عاينت ليها مسافة قبل ما تقول : اها وبعدين ،، قولي انك شاكة فيهو مرة تانية😒💔
اروى : ي هدى شوفي ياخ طيب دا شنو ولي يقعد معاها بدون علم زول😑💔
هدى : كدي تعالي معاي
اروى : وين
هدى : بس تعالي معاي انتي م تسألي كتير
لبسو عباياتهم وطرحهم ونزلو الطابق التاني .. ودقو باب غرفة من غرف المبنى ..
- منو ؟!
هدى : نحن هدى و اروى
انفتح الباب وكانت دي ميسون ..
ميسون : اهلاً
هدى : اهلين ،، عايزنك في كلمتين ،، ممكن ؟!
ميسون زحت ليهم من الباب وقالت ليهم : اتفضلوو ..
دخلو وقَعَدو مع بعض ..
ميسون : احكو ،، خير في شنو ؟!
هدى : ميسون ،، امس بليل طلعتي مكان ؟!
ميسون : عفواً ،، ليه السؤال دا ؟!
هدى : بس جاوبيني✋🏼
ميسون : اي
هدى : وين
ميسون : مشيت أقابل عامر قدام المبنى كان عندي موضوع معاهو ..
هدى : اممم ،، اروى اديني تلفونك ..
أدتو ليها .. فتحت الصور وقالت لي ميسون : شوفي ..
ميسون بخلعة : دا شنو😳😳 (( يلا للمعلومية ،، هي الصور عادية بس الحاجة الاستغربو فيها ،، الصورهم وهم سوى منو ،، والسبب اصلاً شنو عشان يصورهم ))
هدى : اممم مالك ،، مش قلتي قابلتيهو ؟!
ميسون : ااي ،، بس منو الصورنا ولي اصلاً ؟!
هدى : دي الحاجة الجايين نستفسر عنها ..
ميسون : بصراحة ي جماعة م عندي فكرة عن الصورنا منو ..
اروى : كذابة
هدى : اروى اهدي .. والتفتت على ميسون قالت ليها : طيب يا ميسون وريني النزلك تحت عشان تقابليهو شنو او اصلاً الموضوع البينكم شنو ؟!
ميسون : كنت متضايقة وحبيت احكي ليهو انتو عارفين انو هو كان صحبي من ايام الدرسة وكمان صاحب ود خالي مسعود صح (( يلا من هنا عرفنا انو .. ميسون و مسعود وعامر .. كانو اصحاب من ايام المدرسة .. ومسعود بقرب لي ميسون ود خالها ))
هدى : ايوااا تمام .. (( وعاينت لي اروى فهم وريتك ما تستعجلي ))
اروى : هدى خلينا نمشي
هدى : اوكي ،، ميسون اسفين على الازعاج
ميسون : العفو يااخ ماف ازعاج ..
هدى : تسلمي
وطلعو ..
☄☄☄☄☄☄☄☄☄☄☄☄☄
* امريكا •
طلعو لؤي ولجين على المطار ..
لؤي : لوجي اجيب ليك حاجة معاي ماشي اشتري موية ..
لجين : جلكسي ولبان بس😪😪
لؤي : طيب
☄☄☄☄☄☄☄☄☄☄☄☄☄
نهاية الحلقة الحادية والخمسوون ... 💜🎶
