🍂 الساحة 🍂
زياد : اها ي لين .. قلتي لي بتقري شنو ؟! ( انت بتهظر ي ظريف ؟!🙂 )
لين : لا احلف .. انت جااادي .. اختك بتقرا شنو😂💔
زياد : هههه بهظر بهظر
وضحكو سوى ...
زياد : اممم لين .. بصراحة انا
........ هنا لين اتجمدت وكانت خجلانة موت منو ........
كمل زياد وهو بقول : انا معجب بيكي .. وإذا عايزاني اكون صريح معاكي اكتر .. انا عايزك على سنة الله و رسوله❤️
لين من الخلعة شهقت وقالت ليهو : دقيقة دقيقة كدا طوالي .. بدون حتى ما تعرف عني اي شيء😳
زياد : م ضروري اعرف شيء عنك .. كافي انك صحبة رنا ورنا ما بتصاحب اي زول منو ما كان😊
لين ابتسمت بخجل وهي بتقول : طيب😁
بالنسبة لي رنا .. يادوب خلصت مكالمتها مع كمال .. ورجعت قعدت معاهم ..
زياد : هسي القال ليك تعالي منو ؟! بتحبي تخربي اي شيء🙂👊🏻
لين ضحكت .......
رنا : خلاص ي لين بقيتي في صفو وبتضحكي كمان🙂
لين وهي بتضحك : لالالالا والله😂💔
زياد وهو بوجه كلامو لي لين : ي زولة راجلك ولا اخت راجلك .. هنا ماف صحبتي ولا زفت😌
رنا بدهشة : دقيقة دقيقة .. دا شنو راجلك وما راجلك😳
زياد : انا قررت ي ستي وعايز أتقدم ليها خلاص🌚
رنا بفرحة وهي ما بين مصدقة وما مصدقة : وااااي جدددد😍😍😍لين وافقتي !!!😍😍😍
لين اكتفت بالإبتسام بس ....
رنا : ييييييييييي😭❤️
وحضنت لين ...
وتمو قعدتهم و ونستهم سوى .. وبعد شوية وصلو لين البيت .. بعد ما زياد اخد رقمها ورجعو هو ورنا البيت ..
🔹🔸🔹🔸🔹🔸🔹🔸🔹🔸🔹
🍂 بيت ناس اروى 🍂
كانو قاعدين كلهم مع بعض ومعاهم عامر .. حددو انو موعد الخطوبة حيكون يوم الجمعة بالعصر .. وبعدها عامر رجع البيت ..
🔹🔸🔹🔸🔹🔸🔹🔸🔹🔸🔹
🍂 بيت بتول 🍂
لجين حست انها زهجانة .. طلعت من البيت عشان تتمشى .. وأثناء ما هي ماشة كدا .. كانت هدى واقفة في الشباك ولمحتها .. قالت بينها وبين نفسها : مش دي صحبة ملاذ🤔
نادتها بصوت عالي : لجين🗣
لجين رفعت راسها اتجاه الصوت وعاينت على جهة الشباك .. قالت بدهشة : هدى🙄
هدى اشرت ليها بيدها بمعنى انتظري ..
نزلت وسلمت عليها ..
هدى : انتي ساكنة هنا ولا شنو ؟!😅
لجين : ههههه اي .. جيت قبل يومين كدا☺️
هدى : دقيقة دقيقة .. انتي اخت لؤي ولا حاجة زي دي ؟!🤔
لجين : ااي .. عرفتي كيف🙄
هدى حكت ليها بالقصة الحصلت بس م ورتها انو عندها كانسر ..
لجين : اهاا سلامتك والله😅
هدى : الله يسلمك .. طيب انا م أأخرك☺️
لجين : لالا اصلاً كنت بتمشى عادي .. رأيك شنو نتمشى سوى ومنها نتعرف ع بعض اكتر🙃
هدى : طيب م عندي مشكلة🌚
وبقو ماشين سوى وبتونسو ..
🔹🔸🔹🔸🔹🔸🔹🔸🔹🔸🔹
🍂 عند لؤي 🍂
كان في الشركة وشغال .. جاهو مزمل في مكتبو ..
مزمل : اها كيف ماشة الامور ؟!
لؤي : والله فُل الفل ماف اي عوجة وبكرا بستلم المشروع التاني
مزمل : تمام شديد..
وبعدها اتناقشو في كم حاجة قبل ما مزمل يرجع على مكتبو ..
🔹🔸🔹🔸🔹🔸🔹🔸🔹🔸🔹
🍂 عند كمال 🍂
كان قاعد في سريرو .. بفكر وهو سرحااان .. جاهو اتصال من وائل .. رد عليهو وقعدو يتونسو مع بعض مسافة ..
وائل : ي كمال .. بتقدر يوم الخميس تمشي معاي توتي ؟!🤔
كمال : توتي عديل كدا !!!!! لي ؟
وائل : بتتذكر هالة ؟؟
كمال : ااي
وائل : بس عزمتنا عرس اختها .. وكلمتني قبل ما نرجع من هناك
كمال : وانت كلمت عامر ؟!
وائل : لا .. كدي ثواني
عمل مكالمة .. ودخلو معاهم .. وكلمو
عامر : بس حفلة خطوبتنا انا و اروى يوم الجمعة يعني تاني يوم طوالي🤔
وائل : م تخاف .. بنمشي بي عربيتي نحضر العرس ونرجع بعد يخلص طوالي ..
عامر : خلاص اذا كدا ماف مشكلة ..
وائل : تمام
وبعد كدا فصل منهم ..
مشا وقف جمب الستارة .. زحاها وفتح الشباك .. وقف قدامو مسافة وهو مبتسم .. قبل ما يقول : متييين ح يجي يوم الخميس ي هالة متيين
🔹🔸🔹🔸🔹🔸🔹🔸🔹🔸🔹
🍂 توتي 🍂
هالة كانت قاعدة وبتتكلم مع داليا ..
هالة : ي ربي ح يجي العرس ؟!☹️
داليا : صدقيني اذا كان بحبك حا يجي المهم انو ح يحاول يلقا اي طريقة عشان يشوفك بيها😍
هالة بإبتسامة : إن شاء الله💗
🔹🔸🔹🔸🔹🔸🔹🔸🔹🔸🔹
※ نهاية الحلقة الثالثةة عشرر ۔۔۔ 💙✨
