عامر : شباب ،، عايز أخذ خطيبتي منكم شوية🐸💚
وائل : وين !!🐸💔👋
عامر : شهر العسل😒😒عايزها في كلمتين🐸👊🏻
كمال : اتنين بس !!🐸💔
وائل قعد يضحك .. عامر حمر ليهم والتفت على اروى قال ليها : تعالي دقيقة👋❤️
قام وهي مشت وراهو .. وقعدو في مكان بعيد منهم بشوية ..
عامر . اروى انتي مالك ؟! من ما اتكلمت مع مسعود صحبي وجيت انتي ما طبيعية ،، خير حاصل شيء ؟!!😟😟
اروى فضلت ساكتة ..
عامر : احكي ،، سامعك❤️❤️
اروى حكت ليهو بالرسالة وكدا ..
عامر بخلعة : لا جد ما مصدق😨😨
اروى : شنوو !!
عامر : اروى انا خطبتك عديل ،، وعرفتك على اهلي ،، بعد دا بتشكي فيني من رسالة جاتك وبس ،، اول شيء هسي اديني الرقم الجاتك منو الرسالة دي سريع..
اروى ملتو الرقم .. حاول يتصل فيهو كم مرة بس بيجيهو مغلق ..
اروى : انا اسفة☹️💔
عامر عاين ليها بإنسكار .. ونقل نظرو للأرض وهو ساكت ..
اروى : عامر ..
عامر سكت مسافة وهو لسا بعاين للأرض قبل ما يقول : اروى شوفي ،، اساس اي علاقة هي الثقة والاحترام ،، الاحترام بينا موجود ودي ما فيها اتنين تلاتة ،، بس أشك انو تكون في ثقة ،، وبتمنى انو نظرتك لي تكون لسا زي ما هي وما اتغيرت ،، دي اول مشكلة او اصلاً مجرد هبالة تحصل بينا من ما ابتدت علاقتنا ،، وانتي استسلمتي لظنونك طوالي ،، هسي وريني كان ما جيت سالتك انا كان ح يحصل شنو !!💔💔
اروى : عامر انا 💔💔
قاطعها وهو بقول : ما عايز منك مبرر ولا اعتذار ،، فكري كويس ،، انا م عايز كلامك دا عشان حبك لي انا عايز ثقتك في الاول قبل حبك✋🏼💔
وقام مشا وهي مشت بوراهو .. ورجعو قعدو مع باقي الشلة .. كانو بحاولو يكونو طبيعين وما يحسسوهم انو في شيء .. وهدى حست انو اروى ما طبيعية بس ما حبت تسألها وهم متلمين كدا ..
وائل : شباب ،، نرجع بعد دا ولا كيف !!🙄🙄
كمال : ااي انا تعبان ياخ💤😴
قامو عشان يرجعو المبنى .. كمال شال تلفونو لقا شاحنو ٢٪ .. فتح الواتس ولقا رنا اونلاين .. رسل ليها (( اهلاً ،، مساؤوو ))
والتلفون قطع .. بس جرا جري خلا ديل وراهو .. اول ما وصل المبنى ودخل غرفتهم خت تلفونو في الشاحن .. جو عامر و وائل داخلين بعدو بشوية ..
☄☄☄☄☄☄☄☄☄☄☄☄☄
* عند اروى وهدى •
دخلو غرفتهم .. اروى مشت غيرت سريع ورقدت وغطت وشها بالبطانية وعملت نفسها نايمة ..
بعد مسافة جاتها هدى .. وزحت البطانية منها بدون مقدمات ولقتها بتبكي ..
☄☄☄☄☄☄☄☄☄☄☄☄☄
نهاآية الحلقة السابعة والاربعوون ... 💜🎶
