هدى نزلت وأكلت مع اهلها .. بقت احسن شوية .. قامت ومشت غرفتها وفتحت تلفونها وقَعَدت تقلب في صور وائل كالعادة لغاية ما نامت ..
☄☄☄☄☄☄☄☄☄☄☄☄☄
* عند اروى وعامر •
اروى : عامر المغرب قرب ،، لازم ارجع البيت بعد دا😁😁
عامر : اوكي ي ستي يلا🌚👋
و ودعو الشفع .. بعدها عامر رجع اروى البيت ورجع بيتوو .. سلم على اهلو وقعد معاهم فاتحهم بي موضوع اروى وانبسطو ليهو شديد وباركو ليهوو ..
ام عامر : ي ولدي جيبها لينا يوم نتعرف عليها😍💜
عامر : حاااضر ي امي طلباتك اوامر😍💙
وبعدهاا طلع غرفتو صلى وقعد يذاكر ..
☄☄☄☄☄☄☄☄☄☄☄☄☄
* توتي •
داليا جهزت وكانت طالعة حلوة شديد .. مع انو مكياجها بسيط بس في منتهى الروعة .. وكانت قاعدة في غرفتها ومتوترة .. وبرا اهلها قاعدين مع اهل سعد .. وسعد بفتش بعيونو عنها .. كان منتظر يشوف خطيبتو بفااارغ الصبر ..
جات هالة داخلة غرفة داليا وقالت ليها : يلا ي داليا ،، بعد دا لازم تطلعي😍👋
داليا : طيب😊♥️
قامت وهي لسا متوترة .. قبل ما يطلعو من الغرفة ..
هالة : اتحصنتي !!🌚💕
داليا بإبتساآمةة : ااي☺️💚
هالة : تمام😘😘
طلعو برا وداليا سلمت عليهم .. قعدت في الكرسي الجمب ابوها ومن شدة ما خجلانة ما قادرة ترفع عيونها من الارض .. اما سعد ماشاءالله عينو قوية نهائي ما نزلها منها ..
حسن قرصو في إيدو وسعد التفت عليهو ..
حسن : شنوووو ي زول ح تأكلها بعيونك ،، دي اختي بالمناسبة😉❤️
سعد ضحك ليهو : ههههه كلها مدة وحا تبقا مرتي😍💜
حسن بإبتسامة : ان شاء الله😍💚
اتونسو وانبسطوو وعملو الخطوبة ولبسو الخواتم .. وفي وسط الفرحة دي ..
حسن : يا جماعة عندي حاجة حابي اقولها ،، وشايف انو دا انسب وقت😊❤️
ابو حسن : خير ي ولدي ،، اتفضل🤔🤔
حسن : بصراحة انا حابي أتقدم لي اسيا على سنة الله و رسوله😍❤️
ام اسيا انبسطت شديد وقالت ليهو : وييين نلقا زيك ي ولدي😍💙
اما اسيا بقت زي الصنم لا بتتحرك لا بتتكلم ..
ابو اسيا : اسيا ي بتي ،، رأيك شنو ؟!🤔🤔
وهي لسا ساااكتة ..
سعد : اسوووية اها قولي😍❤️
اسيا ابتسمت بخجل ،، وعرفو انها موافقة وانبسطو شديييد خصيصاً حسن .. مشا وجاب الخواتم من غرفتو وطبعاً كلهم شغلوها ليهو .. لبسوها وفي لحظات بقت الفرحة فرحتين ..
جات الساعة ٨ وبعدها رجعو ناس اسيا بيتهم ..
☄☄☄☄☄☄☄☄☄☄☄☄☄
* الفاخر •
رنا : وائل رأيك شنو نرجع بعد دا ،، بكرا عندي جامعة بدري ،، وعندي بحث ضروري لازم اخلصوو الليلةة😅😅
وائل : اوكي ي ستي م مشكلة🌚💚
وقامو عشان يمشو ..
كمال : فرصة سعيدة ،، واتشرفناا☺️💜
رنا بإبتسامةة : الشرف لي☺️💙
وبعدها كمال رجع بيتوو .. و وائل وصل رنا ورجع البيت ..
☄☄☄☄☄☄☄☄☄☄☄☄☄
* عند رنا •
لما دخلت سلمت على امهاا ..
نعمة : اها كيف الطلعة ي بتي ،، ان شاء الله انبسطوو !!😉💚
رنا : ااي ظريفة شديد😍💜
نعمة : وائل ما فاتحك بالموضوع ،، او جاب ليك سيرة انو عايزك او كدا !!😕😕
رنا بزعل : للاسف لا😔💔
نعمة : خير ي بتي ،، مهما حصل انتي بت عمو .. واكيد م ح يفكر في غيرك ،، وبعدين اهلو بريدوك واكيد ح يكون دايرك انتي😘💜
رنا : ان شاء الله ي امي ،، ان شاء الله☹️❤️
وبعدها مشت غرفتها غيرت وبدت تشتغل في بحثهاآ ..
☄☄☄☄☄☄☄☄☄☄☄☄☄
نهاآيةة الحلقةة الثانيةة والعشرون ... 💜🎶
