* الساحة الخضراء •
لين : جبت التلفون ؟!
الطرف الثاني : اي ،، ومعاهم ٥ شرائح ،، في حين كل ما تعملي خطوة تكسري شريحة عشان ماف زول يحدد رقمك او يعرفو ،، وبالنسبة لي رقم اروى مسجل في التلفون
لين : تسلم م قصرت ،، يلا سلام
الطرق الثاني : سلام
وبعدها لين رجعت البيت ..
☄☄☄☄☄☄☄☄☄☄☄☄☄
* المبنى •
*
*
وائل قال لي عامر وكمال : يلا معاي ،، انا طالع المزرعة ،، الجو ظريف😍💜
عامر وكمال : طيب
عامر : خلونا نكلم اروى وهدى يجو معانا🐸👊🏻
وائل : ظريف
كمال : حلو
وبعدها عامر اتصل على اروى وكلمها .. جهزو واتلاقو قدام المبنى .. اثناء ما هم ماشين عامر تلفونو ضرب إستأذنهم ومشا بعيد ..
في اللحظة دي اروى وصلتها رسالة فتحتها وكان مكتوب :-
{ لو مفتكرة انو بحبك ف انتي بصراحة عايشة في وهم ،، فتحي عيونك كويس وراقبيهو وصدقيني ح تعرفي انو مجرد واحد بلعب بالبنات ما غير ،، والايام ح توريك }
حاولت تتصل بالرقم كم مرة بس بجيها مغلق .. ارتسم في وشها التوتر .. عامر خلص مكالمتو وجا قال ليها : مالك قالبة وشك كدا ؟!😕😕
عاينت ليهو مسافة قبل ما تقول : كنت بتتكلم مع منو ؟!
عامر : مسعود صحبي ،، بس لي ؟!😕😕
اروى : لا ولا شيء🙂🙂
عامر : بتغيري ؟! ما تخافي ما بتكلم مع بنات🌚👊🏻
اروى ضيقت عيونها وهي بتعاين ليهو وقالت : هسي انا جبت سيرة بنات ؟!
عامر : اروى مالك هسي😳😳
ابتسمت ليهو وقالت : ولا شيء😊😊
طبعاً ناس وائل كانو ماشين بمساافة قدامهم ..
وائل : خلونا نقعد هناك الصباح قعدت في نفس المكان دا ،، حلو شديد❤️❤️
مشو وقعدو فيهو .. و وائل مسك جيتارو وبدأ يعزف ويغني ..
☄☄☄☄☄☄☄☄☄☄☄☄☄
* عند هالة •
داليا : هالة ،، انا زهجانة ،، خلينا نمشي المزرعة شوية قبل ما الوقت يتأخر ،، الليلة الجو ظريف❤️❤️
هالة : امممم بس انا تعبانة والله💔💔
داليا : عليك الله ياخ ،، شوية بس☹️👊🏻
هالة : طيب طيب🌚👊🏻
لبسو عباياتهم وطرحهم وطلعو .. هناك هالة سمعت نفس الصوت السمعتو الصباح ..
داليا : دا صوت زول بغني !!🙄🙄
عاينو يمينهم لقو في بتين و ٣ اولاد قاعدين و واحد منهم بعزف وبغني ..
هالة : دا نفس الزول الكان بغني الصباح
داليا : الله ،، صورو رهيب ،، خلينا نمشي نقعد معاهم اصلاً في بنات قاعدين🤓🤓
هالة : ي بت انتي مجنونة ،، لا طبعاً😒😒
داليا : على كيفك انا ماشة🐸👋
مشت وخلت هالة واقفة بعيد منهم بشوية ..
☄☄☄☄☄☄☄☄☄☄☄☄☄
نهاآية الحلقةة الرابعة والاربعوون ... 💜🎶
