* الفندق •
لؤي صحا ومشا غسل وشو واتوضأ وصلى .. ومشا غرفة لجين ودق ليها الباب .. بعد ثواني فتحت ليهو ..
لؤي : اجهزي خلينا نمشي
لجين : وين !!
لؤي : مطعم نأكل لينا حاجة
لجين : طيب ،، امم لؤي
لؤي : نعم
لجين : بنقدر نمشي بيت ناس عمتو بتول هسي !!💔
لؤي : عايزة تمشي هسي ؟!🌚
لجين : ااي😅
لؤي : طيب خلاص ،، بالمناسبة هاك الشريحة دي زين ،، كانت معاي من زمان بس م استعملتها ركبيها في جوالك🌚
لجين : طيب
جهزت وبعدها طلعو سوى المطعم ..
☄☄☄☄☄☄☄☄☄☄☄☄☄
* توتي •
كمال كان بعاين لي صورة رنا ألحفظها زمان من بروفايل وائل .. وقال بينو وبين نفسو ( رنا بجد م شفت بت بي جمالك ياخ ❤️ ماشاءالله ) .. وبعدها ضم التلفون على صدرو .. والتلفون ضرب وهو عاملو هزاز😂شغال يضرب وهو بضحك براهو .. بعدها عاين للمتصل لقاها لين .. و رد عليها
لين : اهلاً
كمال : خير مالك ؟! مش كلمتك اني الفترة دي م عايز اتكلم معاك !!💔 ( لسا زعلان منها بسبب العملتو )
لين : كمال انا اسفة ،، خلاص والله تاني م بفكر تفكير ساي اني اعمل شيء ،، بس م تتعامل معاي كدا💔
كمال سكت مسافة قبل م يقول ليها : وعد !!🐸
لين : ااي وعد والله☹️
كمال : صافية لبن😎
لين : قشششطة😋
كمال : تعرفي للاكل بس😂💔حيوانة خلاص
لين : صح ي انت ،، بقيت بتتكلم مع صحبتي من وراي وما كلمتني كمان
كمال : خايف تشلبيني منها ،، غيرة البنات دي🐸💔
لين : اجججججي😂💔 (( وقَعَدت تضحك ))
كمال : ي لين
لين : نعم
كمال : ياخ عايز اقول ليك حاجة
لين : اتفضل
كمال : ياخ انا صحبتك دي حبيتها والله💔
لين : اممم كنت حاسة الصراحة😂💔طيب اعترف ليها
كمال : يعني هي م مرتبطة ؟!
لين : لالا
كمال : وما بتحب ؟!
لين : م اعتقد🤔🤔
حس نفسو كدا يادوووب ارتاح .. المهم كمل ونستو مع لين وبعد مسافة قفل منها..
☄☄☄☄☄☄☄☄☄☄☄☄☄
* الخرطوم _ ٦ ونص مساء •
باب بيت ناس بتول دق .. مشت فتحتو وسلمت على لجين بالاحضان وكمان لؤي ..
☄☄☄☄☄☄☄☄☄☄☄☄☄
نهاية الحلقة الستوون .. 💜🎶
