🍂 بيت ناس وائل 🍂
كمال : ي شباب انا الليلة راجع البيت علشان موضوع ناس زياد وأهلو دا .. بس نخلص بجي عليكم بي جاي
وائل : دقيقة زياد منو و دا شنو🙄
كمال : اووو شت😂نسيت احكي ليكم .. ي صحبي زياد ود عمك داير لين اختي وجايين الليلة بيتنا علشان الموضوع دا وكدا🌚
وائل : شووف ود اللذين ولا كلمني .. خوة لستك قلتا لي ااا ي زياد😑
عامر : بكون مبسوط وما فاضي ليك علشان تخرب ليهو فرحتو ساي ها🐷💜
وائل بحدرة : انت بالله اتلما ماف زول سألك✋🏼🙂
عامر : ااي جبهتي🙄
كمال : بس ي سيدي دا الحاصل🌚
وائل : تمام ي زول👍🏻
وائل قام وزح .. شال تلفونو واتصل على هالة .. بس كمان م ردت💔
🔹🔸🔹🔸🔹🔸🔹🔸🔹🔸🔹
🍂 توتي 🍂
كانت هالة قاعدة والنَّاس ماشين وجايين يعزو فيها .. سمعت صوت تلفونها بضرب .. وهي ماشة على الغرفة وقفوها نسوان شالو معاها الفاتحة وعزوها .. لما دخلت الغرفة لقت المكالمة قفلت .. حاولت ترجع لي وائل بس م كان عندها رصيد .. ختت التلفون في الدولاب وطلعت من الغرفة .. ورجعت قعدت في الصالة
🔹🔸🔹🔸🔹🔸🔹🔸🔹🔸🔹
🍂 بيت ناس علي 🍂
كانت قاعدة ايناس مع سهى بتها وبتقري فيها .. طبعاً منيرة حمتها تنزل شغل في المستشفى لغاية ما تلد علشان م تتعب او تحصل ليها حاجة ..
🔹🔸🔹🔸🔹🔸🔹🔸🔹🔸🔹
🍂 بيت ناس كمال 🍂
🌸 العصر 🌸
كمال .. لبس قميص سماوي وبنطلون بيجي وجزمة نفس لون القميص .. ومعاهم ساعة سوداء .. كفكف أكمام القميص .. وظبط شعرو في الحلاق .. كان طالع رهيب😍🙈
اما لين .. لبست فستان اسود مخنصر على جسمها واكمامو تلت اربع .. رفعت شعرها كعكة كبيرة على فوق .. ولبست طقم اللالماس وكعب عالي فضي .. عملت ميكب خفيف مع روج كبدي .. وطلعت خرافية ..
بعد شوية دق الجرس ..
نزل كمال وفتح الباب .. سلم على اهل زياد ودخلهم جوا .. وكانت اخر واحدة داخلة رنا ..
كانت لابسة بنطلون جينز كبدي وقميص ابيض فيهو حركة سلسل بالدهبي .. لبست اكسسوارات كبدية وشبط كبدي .. وعملت شعرها جمايكا طويلة من ورا .. 😍❤️
سلمت عليهو و دخلت خلتو متنح فيها ساي😂💔
قفل الباب ومشا نادا امو وابوهو .. سلمو عليهم وقعدو كلهم يتونسو سوى ..
وكمال طبيعي كان بعاين لرنا
اما رنا .. كل شويتين بتسترق نظرة على كمال .. م عارفة ليه م كانت قادرة تشيل عيونها منو ..🙈💚
نعمة (( ام زياد )) : صحي وين عروستنا لين خلونا نشوفها😍
رنا : دقيقة امشي ليها ..
طلعت ودقت الباب ..
لين : اتفضل
دخلت وأول ما وقعت عينها على لين بقت بتكورك : وااااي وااااي واااي ماشاءالله تبارك الله فظييييعة لا دقيقة لازم اخد سيلفي مع قمري انا الليلة😍
شالت جوالها واتصورو كم صورة سوى .. قبل ما ينزلو مع بعض ..
طبعاً أبهرت اهل زياد شديد😍اما زياد قرب يرقد إنعاش من سماحتها😍وفضل يعاين ليها وما شال عينو منها ولا ثانية ..
🔹🔸🔹🔸🔹🔸🔹🔸🔹🔸🔹
※ نهاية الحلقة الرابعةة والعشروون ۔۔۔ 💙✨
